Dharamshala Flash Floods : ચોમાસાનું રૌદ્ર સ્વરૂપ, હિમાચલ પ્રદેશમાં સર્જાયા તારાજીના દ્રશ્યો
થોડા જ કલાકોમાં ધર્મશાળામાં 300 મિલીમીટર વરસાદ નોંધાયો છે . સિમલામાં પણ ભારે વરસાદના કારણે ભૂસ્ખલનની ઘટના બની છે. જેના કારણે નેશનલ હાઇવે પર ટ્રાફિકને રોકવામાં આવ્યો.
હિમાચલ પ્રદેશના ધર્મશાળા શહેરના ભાગસૂ નાગમાં વાદળ ફાટવાથી તબાહીના દ્રશ્યો સર્જાયા છે. ભારે વરસાદના કારણે પૂરની સ્થિતી સર્જાઇ. જેના કારણે કેટલાક ઘરો અને હોટલની ઇમારતોને નુક્સાન પહોંચ્યુ છે. શહેરમાં પાણી ઘૂસી જતા પર્યટકો અને સ્થાનિકોના વહાનો પણ પાણીમાં તણાઇ ગયા. ઘટનામાં બે લોકો લાપતા બન્યા છે જેમની શોધખોળ હાલ ચાલી રહી છે.
ધર્મશાળામાંથી એવા કેટલાક વીડિયો પણ સામે આવી રહ્યા છે. જેમાં પાણી સાથે લોકોના વહાનો નાળામાં વહેતા જોવા મળ્યા. વાદળ ફાટવાને કારણે માંઝી નદીના સ્તરમાં વધારો થયો છે. લૉકડાઉનમાં છૂટછાટની સાથે જ મોટા પ્રમાણમાં લોકો અહીં ફરવા આવ્યા હતા. અને પૂરને કારણે હવે તેઓ અહીં ફસાઇ ગયા છે.
મીડિયા રિપોર્ટ્સ પ્રમાણે, થોડા જ કલાકોમાં ધર્મશાળામાં 300 મિલીમીટર વરસાદ નોંધાયો છે . શિમલામાં પણ ભારે વરસાદના કારણે ભૂસ્ખલનની ઘટના બની છે. જેના કારણે નેશનલ હાઇવે પર ટ્રાફિકને રોકવામાં આવ્યો. હવામાન વિભાગની આગાહી છે કે આગામી ત્રણ દિવસ સુધી ધર્મશાળા, શિમલા સહિત હિમાચલ પ્રદેશના કેટલાક વિસ્તારોમાં ભારે વરસાદની આગાહી છે.
હિમાચલ પ્રદેશના કેટલાક જિલ્લાઓમાં રવિવાર રાતથી જ વરસાદ ચાલુ છે. ગત કેટલાક સમયથી લોકો ગરમીથી ત્રાહીમામ હતા. સોમવારે લોકોને ગરમીથી તો રાહત મળી. પરંતુ અતિ વર્ષાના કારણે કેટલીક જગ્યાઓએ મોટા પ્રમાણમાં નુક્સાન થયુ છે.
આ પણ વાંચો – Gandhinagar : કેન્દ્રીય ગૃહ પ્રધાન અમિત શાહની ગુજરાત મુલાકાતનો આજે અંતિમ દિવસ, વિવિધ વિકાસ કાર્યોનું કરશે લોકાર્પણ
આ પણ વાંચો – સ્વાસ્થ્ય માટે દરરોજ એક મુઠ્ઠી ચણા છે ‘ઘણા’, આ પાંચ ફાયદા જાણીને તમે પણ થઇ જશો અચંબિત
