Corona Latest Breaking: દેશમાં સતત વધતું કોરોનાનું સંકટ, 1 દિવસમાં 1 લાખથી વધુ કેસ, જાણો કયા રાજ્યનો શું છે હાલ

Corona Latest Breaking: દેશમાં કોરોના વાઈરસનું સંકટ વધતુ જઈ રહ્યું છે. આંકડાઓ ચાડી ખાઈ રહ્યા છે કે કોરોના તેના પિક પર છે અને એટલે જ પહેલીવાર એક દિવસમાં 1 લાખથી પણ વધુ કોરોનાના કેસ નોંધાયા છે.

  • Pinak Shukla
  • Published On - 9:18 AM, 5 Apr 2021
Corona Latest Breaking: દેશમાં સતત વધતું કોરોનાનું સંકટ, 1 દિવસમાં 1 લાખથી વધુ કેસ, જાણો કયા રાજ્યનો શું છે હાલ
Corona Latest Breaking: દેશમાં સતત વધતું કોરોનાનું સંકટ, 1 દિવસમાં 1 લાખથી વધુ કેસ, જાણો કયા રાજ્યનો શું છે હાલ

Corona Latest Breaking: દેશમાં કોરોના વાઈરસનું સંકટ વધતુ જઈ રહ્યું છે. આંકડાઓ ચાડી ખાઈ રહ્યા છે કે કોરોના તેના પિક પર છે અને એટલે જ પહેલીવાર એક દિવસમાં 1 લાખથી પણ વધુ કોરોનાના કેસ નોંધાયા છે. એક દિવસમાં 1 લાખ 3 હજાર 794 કેસ પોઝિટિવ નોંધાયા છે તો 477 દર્દીઓનો કોરોનાએ ભોગ લઈ લીધો છે. મહારાષ્ટ્રમાં સૌથી વધુ 57 હજાર 74 નવા દર્દીઓ નોંધાયા જ્યારે કે 222 લોકોનાં મોત થયા. છત્તીસગઢમાં 5250, કર્ણાટકમાં 4553 કેસ પોઝિટિવ સામે આવ્યા છે.

 

ગુજરાતની વાત કરીએ તો  રાજ્યમાં દર બે કલાકે એકનું મોત થઇ રહ્યું છે જ્યારે દર કલાકે 120 લોકો સંક્રમણનો શિકાર બની રહ્યા છે. રાજ્યમાં નિર્માણ પામેલી આ સ્થિતિ કોરોનાની ગંભીરતા દર્શાવે છે. સંક્રમણ બૂલેટ ઝડપે વધી રહ્યું છે અને પોઝિટિવ કેસો ઓલટાઇમ સર્વોચ્ચ સપાટીને આંબી રહ્યા છે. એક દિવસમાં રાજ્યમાં 2,875 પોઝિટિવ કેસ નોંધાયા જ્યારે 14 દર્દીઓ કોરોનાનો ભોગ બન્યા. રાજ્યમાં નવા મોત સાથે કુલ મૃત્યુઆંક 4,566 પર પહોંચ્યો છે. તો 24 કલાકમાં 2,024 દર્દીઓ સાજા થઇને ઘરે પરત ફર્યા છે જ્યારે સાજા થનારા દર્દીઓની કુલ સંખ્યા 2 લાખ 98 હજાર 737ને પાર પહોંચી છે. જોકે દુર્ભાગ્યપૂર્ણ રીતે સાજા થવાનો દર ઘટીને 93.81 ટકાએ પહોંચ્યો છે…જ્યારે એક્ટિવ કેસોની સંખ્યા વધીને 15,135 પર પહોંચી છે તો વેન્ટિલેટર પરના દર્દીઓની સંખ્યા વધીને 163 થઇ છે મહાનગરોની સ્થિતિની વાત કરીએ તો સુરતમાં સૌથી વધુ 724 કેસ સાથે 8 દર્દીઓના મોત થયા. અમદાવાદમાં 4 દર્દીના મોત સાથે નવા 676 કેસ નોંધાયા તો વડોદરામાં 1ના મોત સાથે નવા 367 કેસ નોંધાયા. જ્યારે રાજકોટમાં 276 કેસ નોંધાયા હતા,જ્યારે અમરેલીમાં એક દર્દીનું મોત નિપજ્યું હતું.