Indonesia: થોડા સમય પહેલા ભારતની મદદ કરી રહેલા Indonesiaની હાલત ખરાબ, ઓક્સિજન વગર મરી રહ્યા છે લોકો
1000 થી વધુ આરોગ્યકર્મીઓના કોરોનાને કારણે મોત થયા છે. મૃત્યુ પામેલા લોકોમાં કેટલાક તો એવા હતા જેમણે વેક્સિન લઇ લીધી હતી
ઇંડોનેશિયામાં (Indonesia) કોરોનાના (Corona) કેસો વધવાની સાથે જ લૉકડાઉનની પરિસ્થિતી ઉભી થઇ ગઇ છે. થોડા દિવસો પહેલા ઇન્ડોનેશિયા ભારતની મદદ કરી રહ્યુ હતુ પરંતુ હવે તેને પોતાને ઓક્સિજન માટે મદદની જરૂર છે. ઇન્ડોનેશિયામાં કોરોના તાંડવ મચાવી રહ્યો છે. હોસ્પિટલમાં બેડ અને દવાઓની અછત સર્જાઇ છે. બીજી લહેર દરમિયાન જેમ ભારતમાં ઓક્સિજનની કમી (corona oxygen crisis) સર્જાઇ હતી તે જ હાલાત હવે ઇન્ડોનેશિયામાં છે
ઇન્ડોનેશિયાની સરકાર ચીન અને સંભવિત ઓક્સિજન સ્ત્રોતોના સંપર્કમાં છે. અમેરીકા અને સંયુક્ત આરબ અમિરેટ્સે પણ મદદ માટેની ઓફર કરી છે. વ્હાઇટ હાઉસની પ્રેસ સચિવ જેન લાકીએ જણાવ્યુ કે, અમે કોરોનાના કેસ વધવાથી મુશ્કેલીમાં મુકાયેલા ઇન્ડોનેશિયાની સાથે જ છીએ. અમે વેક્સિન મોકલવાની સાથે ઇન્ડોનેશિાને વધુ મદદ કરી શકાય તે દિશામાં કામ કરી રહ્યા છીએ.
ઇન્ડોનેશિયા વસ્તીની દ્રશ્ટીએ ચોથા નંબરનો દેશ છે. અહીં કોરોના કેસની સંખ્યા 24 લાખથી વધુ છે. કોરોનાના કારણે 63,760 જેટલા દર્દીઓના મોત થયા છે. જોકે વાસ્તવિક આંકડો આનાથી ઘણો વધુ હોવાની શક્યતા છે.
ઇન્ડોનેશિયામાં હાલાત એટલા ખરાબ છે કે જે આરોગ્યકર્મીઓએ વેક્સિન લીધી છે તેઓ પણ સંક્રમિત થઇ રહ્યા છે. આંકડા પ્રમાણે 1000 થી વધુ આરોગ્યકર્મીઓના કોરોનાને કારણે મોત થયા છે. મૃત્યુ પામેલા લોકોમાં કેટલાક તો એવા હતા જેમણે વેક્સિન લઇ લીધી હતી
