ગર્ભગૃહમાં બિરાજશે ‘રઘુનંદન’ જુઓ રામ મંદિરમાં રામલલ્લાની પહેલી જલક

ગુરુવાર, 18 જાન્યુઆરીએ અયોધ્યામાં નવા બનેલા ભવ્ય રામ મંદિરમાં ભગવાન રામલ્લલાની મૂર્તિ સ્થાપિત કરવામાં આવી હતી. પૂજાના સંકલ્પ બાદ રામલલ્લાની નવનિર્મિત મૂર્તિને ગર્ભગૃહમાં સ્થાપિત કરવામાં આવી હતી. ગુરુવારે રામલલાની મૂર્તિને ગર્ભગૃહમાં લાવવામાં આવી હતી. આ પછી કારીગરોએ મૂર્તિને આસન પર મૂકી. આ પ્રક્રિયામાં ચાર કલાક જેટલો સમય લાગ્યો હતો. આ પછી મૂર્તિને અનાજ, ફળ, ઘી અને સુગંધિત પાણીમાં મૂકવામાં આવી હતી. આ સાથે મૂર્તિના ગાંધાદિવાસનો પ્રારંભ થયો છે. 22 જાન્યુઆરીના રોજ પ્રતિમાની પ્રાણપ્રતિષ્ઠા કરવામાં આવશે.

શ્રી રામ જન્મભૂમિ તીર્થ ક્ષેત્રના કોષાધ્યક્ષ ગોવિંદ ગીરીજી મહારાજે જણાવ્યું કે આજે પૂજાના સંકલ્પ સાથે ભગવાન ગર્ભગૃહમાં બિરાજમાન થયા હતા. તેમણે કહ્યું કે ભગવાન રામલલ્લાનો ગાંધાદિવાસનો પ્રારંભ થયો છે. ગોવિંદ ગિરીજી મહારાજે જણાવ્યું કે, શુભ સમય અનુસાર આજે બપોરે 1.20 કલાકે સૌથી પહેલો સંકલ્પ લેવામાં આવ્યો હતો. તે પછી, તમામ પ્રકારના વૈદિક સ્તોત્રો પછી, એક બાજુ પૂજા કરવામાં આવી અને બીજી બાજુ ગર્ભગૃહમાં ભગવાનની મૂર્તિ સ્થાપિત કરવામાં આવી.