Ahmedabad: અસારવા સિવિલમાં ટ્રેઇની ડોકટર્સની ટ્રીટમેન્ટ ઓન વ્હીલ, દર્દી દાખલ ન થાય ત્યાં સુધી અપાય છે પ્રાથમિક સારવાર

અસારવા સિવિલ હોસ્પિટલમાં હવે 108 વગર પ્રાઈવેટ વાહનોમાં પણ દર્દીઓને લઈ જવાની છૂટ મળી છે, પરંતુ હોસ્પિટલમાં બેડ ખાલી ન હોય ત્યાં સુધી તો દર્દીએ બહાર જ કલાકો સુધી રાહ જોવી પડે છે. આ દરમિયાન ટ્રીટમેન્ટ ઓન વ્હીલ નામની સેવા થકી જૂનિયર અને ટ્રેઈન્ડ ડોક્ટર્સ તેમને જરૂરિયાત જેટલી સારવાર આપી રહ્યા છે અને એ પણ કોઈ વેતન વિના. કોરોનાની પહેલી લહેરમાં તેમણે કરેલા કામનો અનુભવ અહીં તેમને ઉપયોગી થઈ રહ્યો છે.

1200 બેડ બહાર લાગતી વાહનોની લાઈનમાં જ સારવાર આપતાં આ ઈન્ટર્ન અને જૂનિયર ડોક્ટર્સની સેવા પણ નાની સૂની નથી. પહેલી લહેરમાં કેટલાક ડોકટર સંક્રમિત પણ થયા હતા છતાં ભય અને સંકોચ વગર આ લહેરમાં સારવાર આપતાં આ ડોક્ટર્સની લોકોને બે સલાહ છે એક તો કારણ વગર બહાર નીકળવાનું ટાળો અને કેમકે આ લહેરમાં યુવાનોની પણ જીંદગી દાવ પર મુકાતા તેમણે જોઈ છે.