Ahmedabad : કૃષ્ણનગરમાં જવેલર્સની દુકાનમાં ગ્રાહકના સ્વાંગમાં દંપતિની ચોરી, જુઓ CCTV

Ahmedabad: ગ્રાહકના સ્વાંગમાં આવેલા મહિલા અને પુરૂષે જ્વેલર્સની દુકાનમાં હાથ ફેરો કર્યો છે. અને સોના ચાંદીના ઘરેણાંની ચોરીને અંજામ આપ્યો છે. વાત છે અમદાવાદના કૃષ્ણનગર વિસ્તારની. જ્યાં જ્વેલર્સની દુકાનમાં સોના-ચાંદીના ઘરેણાંની ખરીદીના બહાને આવેલા મહિલા અને પુરૂષે હાથચાલાકી દ્વારા ચોરીને અંજામ આપ્યો. જોકે હાથચાલાકીની સમગ્ર ઘટના સીસીટીવીમાં કેદ થઇ. સીસીટીવીમાં જોઇ શકાય છે કે અજાણ્યો પુરૂષ વેપારીને વાતોમાં વ્યસ્ત રાખે છે. જ્યારે મહિલા ઘરેણાને પોતાના વસ્ત્રોમાં છૂપાવી લે છે. વેપારીને જરાય ગંધ નથી આવતી કે તેમની સામે બેઠેલા ગ્રાહકો નહીં પરંતુ ચોર છે. જોકે ગ્રાહકના ગયા બાદ વેપારીએ જ્યારે ઘરેણાંની ગણતરી કરી તો ચોરી થયાનું સામે આવ્યું. અને સીસીટીવી ચેક કરતા મહિલા તથા પુરૂષ ચોરી કરતા સીસીટીવીમાં કેદ થયા. હાલ અજાણી મહિલા અને પુરૂષ વિરૂદ્ધ કૃષ્ણનગર પોલીસે ગુનો નોંધીને વધુ તપાસ હાથ ધરી છે.