Viral Video : ટોઈલેટમાં હાથ નાંખીને આખુ ટોઈલેટ સાફ કરતા દેખાયા BJP સાંસદ, લોકોએ આપ્યા આવા રિએક્શન
હાલમાં આવો જ એક વીડિયો સોશિયલ મીડિયા પર વાયરલ (Viral Video) થયો છે. જેમાં એક નેતા ગંદા ટોઈલેટને હાથથી સાફ કરતા દેખાય છે. હવે આ કામ તેમણે લોકો સામે ઉદાહરણ ઉભું કરવા માટે કર્યુ કે પછી પોતાના ફાયદા માટે, એ તો તે નેતા જ જાણે.
Shocking Video : ભારતમાં સૌથી વધારે ચર્ચામાં દેશના રાજનેતાઓ અને રાજકારણ હોય છે. રાજકારણમાં સત્તા મેળવવા માટે નેતોઓ વિચિત્ર નિવેદન અને કામ કરતા રહે છે. ચૂંટણી આવે તૈયારે જનતા વચ્ચે દેખાતા નેતાઓ ચૂંટણી પછી દેખાતા જ નથી. ચૂંટણી સમયે નેતાઓ જનતાનું દિલ જીતવા અને જનતા ખુશ કરવા લોભામણી જાહેરાત અને કામ કરતા હોય છે. હાલમાં આવો જ એક વીડિયો સોશિયલ મીડિયા પર વાયરલ (Viral Video) થયો છે. જેમાં એક નેતા ગંદા ટોઈલેટને હાથથી સાફ કરતા દેખાય છે. હવે આ કામ તેમણે લોકો સામે ઉદાહરણ ઉભું કરવા માટે કર્યુ કે પછી પોતાના ફાયદા માટે, એ તો તે નેતા જ જાણે.
આ વાયરલ વીડિયો મધ્યપ્રદેશનો છે. વીડિયોમાં દેખાતા સાંસદ, રીવાના ચૂંટાયેલા સાંસદ જર્નાદન મિશ્રા છે. આ વીડિયોમાં જોઈ શકાય છે કે સાંસદ એક ગંદા ટોઈલેટને બ્રસ અને એસિડનો ઉપોયગ કર્યા વગર પોતાના હાથથી સાફ કરી રહ્યા છે. એક નેતાને આવા કામ કરતા જોઈ સૌ કોઈ દંગ રહી ગયા હતા. આ વીડિયો વડાપ્રધાન મોદીના જન્મદિવસ સમયનો છે.
વડાપ્રધાન મોદીના જન્મદિવસના અવસર પર તેઓ પોતાના વિસ્તારના એક વિધાયલમાં વૃક્ષારોપણ કાર્યક્રમમાં સામેલ થયા હતા. તે દરમિયાન શાળાનું નિરિક્ષણ કરતા કરતા તેમની નજર ગંદા ટોઈલેટ પર પડી અને તેઓ તેને સાફ કરવા મંડી પડ્યા. જણાવી દઈ એ કે તેમને 2014માં સ્વચ્છતા અભિયાન દરમિયાન આ અભિયાનના બ્રાંડ એમ્બેસેડર બનાવવામાં આવ્યા હતા.
આ રહ્યો એ વાયરલ વીડિયો
View this post on Instagram
આ વીડિયો સાંસદ જર્નાદન મિશ્રા એ પોતે પોતાના સોશિયલ મીડિયા પ્લેટફોર્મ પર પોસ્ટ કર્યો છે. આ વીડિયો સોશિયલ મીડિયાના દરેક પ્લેટફોર્મ પર ભારે વાયરલ થયો છે. સોશિયલ મીડિયા યુઝર્સ આ વીડિયોને શેયર કરવાની સાથે સાથે તેના પર પોતાની પ્રતિક્રિયા પણ આપી રહ્યા છે. મોટાભાગના લોકો આ વીડિયોમાં દેખાતા સાંસદ જર્નાદન મિશ્રાના કામની પ્રશંસા કરતા દેખાયા, તો ઘણા યુઝર્સ તેમને આ કામ માટે ટ્રોલ પણ કરી રહ્યા હતા.
એક યુઝરે પ્રતિક્રિયા આપતા લખ્યુ છે કે, વાહ સર, મારા મનમાં તમારા માટે આજે સન્માન જાગી ગયુ છે. બીજા એક યુઝરે લખ્યુ છે કે, બ્રસ અને એસિડનો ઉપયોગ કરી લેવો હતોને ભાઈ, હવે આવા જ હાથોથી જમશો પણ ! અન્ય એક યુઝરે લખ્યુ છે કે, નેતાઓ આવા જ કામ કરવા લાયક છે.
Latest News Updates
