Viral Video: પોતાની આખા દિવસની કમાણી ગણતા જોવા મળ્યો વૃદ્ધ, વીડિયો જોઈ લોકો થયા ભાવુક

તમે તમારી આસપાસ સંઘર્ષ કરી રહેલા જીવનથી થાકેલા કે દુખને કારણે રડતા અનેક લોકોને જોયા હશે. હાલમાં સોશિયલ મીડિયા પર આવા જ લગભગ 70 વર્ષની ઉંમરના એક વૃદ્ધ વ્યક્તિનો વીડિયો વાયરલ (Viral video) થઈ રહ્યો છે.

Viral Video: પોતાની આખા દિવસની કમાણી ગણતા જોવા મળ્યો વૃદ્ધ, વીડિયો જોઈ લોકો થયા ભાવુક
Viral Video
Image Credit source: Twitter
TV9 GUJARATI

| Edited By: Abhigna Maisuria

Sep 21, 2022 | 7:34 PM

Emotional Video: આ ધરતી પર ટકી રહેવા માટે કીડીથી લઈને માણસ સુધી સૌ કોઈ સંઘર્ષ કરે છે. પોતાનું પેટ ભરવા માણસ પોતાના ટેલેન્ટ અને ક્ષમતા અનુસાર કામ કરે છે અને જે કમાણી થાય તેમાંથી પરિવારનું પેટ ભરે છે અને બીજી સુવિધાની આપવાની સાથે સાથે તેમની ઈચ્છાઓ પુરી કરવાનો પ્રયત્ન કરે છે. કોઈ શાકભાજી-ફળ કે ખાવાની વસ્તુઓ વેચે છે, કોઈ ઘરમાં ઉપયોગમાં લેવાતી વસ્તુઓ વેચે છે, કોઈનો પોતાનું બિઝનેસ છે તો કોઈ બીજાને ત્યાં નોકરી કરે છે, કોઈ મજૂરી કરે છે તો કોઈ ચોરી કરીને પોતાના પરિવારનું પેટ ભરે છે. દરેકના જીવનમાં સંઘર્ષ છે, અને અંતિમ શ્વાસ સુધી બધાને જીવનની મુશ્કેલીઓનો સામનો કરીને જીવવાનું છે. તમે તમારી આસપાસ સંઘર્ષ કરી રહેલા, જીવનથી થાકેલા કે દુખને કારણે રડતા અનેક લોકોને જોયા હશે. હાલમાં સોશિયલ મીડિયા પર આવા જ લગભગ 70 વર્ષની ઉંમરના એક વૃદ્ધ વ્યક્તિનો વીડિયો વાયરલ (Viral video) થઈ રહ્યો છે.

આ વાયરલ વીડિયોમાં એક કાચા ઢાબાનો નજારો જોવા મળી રહ્યો છે. એક વૃદ્ધ વ્યક્તિ તે ઢાબાના છાપરાની છાયામાં એક ટેબલ પર બેઠા છે. તેની પાછળ એક કિશોર પોતાનું કામ કરી રહ્યો છે. ઢાબાની પાછળ એક નદી પણ વહેતી જોવા મળે છે. વૃદ્ધ જ્યાં બેઠા છે ત્યાં પાણીનો એક જગ અને ગ્લાસ જોવા મળી રહ્યો છે. આ વૃદ્ધ જે આ ઢાબામાં પોતાના પૈસા ગણી રહ્યા છે. તેમની આગળ જ એક સાયકલ છે, જેની પાછળ કેટલો સામાન છે. જે આ વૃદ્ધનો જ છે. તે કોઈ વસ્તુ રોજ ગલી-ગલીમાં વેંચવા નીકળે છે. સાંજ થતા તેઓ આ રીતે પોતાની કમાણી ગણી રહ્યા છે. કદાચ માંડ માંડ તેમણે 500 રુપિયાની કમાણી કરી હશે.તેમના હાથમાં કેટલીક ચલણી નોટ અને ટેબલ પર કેટલાક પૈસાના સિક્કા હતા પણ તેમના ચહેરા પર હતો આખા દિવસનો થાક અને પરિવારના ભવિષ્યની ચિંતા. આ વીડિયો જોઈ સૌ કોઈ ભાવુક થયા છે. કારણ કે દરેક વ્યક્તિના પરિવારમાં કોઈને કોઈ સભ્ય એ આવા દિવસો જોયા જ હોય છે.

આ રહ્યો એ વાયરલ વીડિયો

આ વાયરલ વીડિયો સોશિયલ મીડિયા પ્લેટફોર્મ ટ્વિટર પરથી @Gulzar_sahab નામના ટ્વિટર હેન્ડલ પરથી શેયર કરવામાં આવ્યો છે. આ વીડિયોના કેપ્શનમાં લખવામાં આવ્યુ છે કે આખા દિવસની કમાણી. માત્ર 18 સેકેન્ડના આ વીડિયોને 3 લાખ કરતા વધારે વ્યૂઝ મળ્યા છે. સોશિયલ મીડિયા યુઝર આ વીડિયોને ખુબ પસંદ કરી રહ્યા છે. સોશિયલ મીડિયા યુઝર આ વીડિયોને શેયર કરવાની સાથે સાથે તેના પર પોતાની પ્રતિક્રિયા પણ આપી રહ્યા છે. એક યુઝરે લખ્યુ છે કે, આ વીડિયોએ મારુ દિલ જીતી લીધુ. બીજા એક યુઝરે લખ્યુ કે, ભારતમાં લગભગ દરેક સામાન્ય વ્યક્તિ આજ સ્થિતિમાં છે. અન્ય એક યુઝરે લખ્યુ છે કે, જીવનમાં અંતિમ શ્વાસ સુધી આજ રીતે ટકી રહેવાનું છે.

Latest News Updates

Follow us on

Related Stories

Most Read Stories

Click on your DTH Provider to Add TV9 Gujarati