TV9 GUJARATI | Edited By: Bipin Prajapati
Jan 23, 2022 | 5:26 PM
જેમ ખાવું-પીવું, મોં ધોવું, વગેરે આપણી દિનચર્યાનો અગત્યનો ભાગ છે, તેવી જ રીતે સ્નાન પણ છે. જો કે આજકાલ ઠંડીનું(Winter) મોસમ ચાલી રહ્યું છે, મોટાભાગના લોકો દરરોજ ન્હાવાનું(Bath) ટાળે છે, પરંતુ કદાચ તમે નહીં જાણતા હોવ કે સ્નાન કરવું ખૂબ જ જરૂરી છે. દરરોજ સ્નાન કરવાથી સમગ્ર દિવસ દરમિયાન શરીરમાં તાજગી અને ઉર્જાનો અનુભવ થતો રહે છે. ડોક્ટર્સનું એમ પણ કહેવું છે કે નિયમિત રીતે ન્હાવાથી શરીરમાં બેક્ટેરિયા વધતા નથી, જેના કારણે આપણું શરીર ઘણી બીમારીઓથી સુરક્ષિત રહે છે. તેથી શરીરને ઘસીને અને સાબુ લગાવીને સ્નાન કરવું જરૂરી છે. પરંતુ શું તમે ક્યારેય ઉંદરને(Rat) સ્નાન કરતા જોયા છે? હા, આવો જ એક વીડિયો(Viral Video) આજકાલ સોશિયલ મીડિયા પર ખૂબ વાયરલ થઈ રહ્યો છે, જેમાં એક ઉંદર શરીરમાંથી મેલ દૂર કરતો જોવા મળે છે.
View this post on Instagram
વીડિયોમાં તમે જોઈ શકો છો કે એક ટબ પાણીથી ભરેલું છે અને તે પાણીમાં ફીણ હોય તેવું દેખાઈ રહ્યું છે. તેમાં એક નાનો ઉંદર સ્નાન કરતો નજરે ચઢે છે. તે તેના આગળના પગને ઘસ્યા બાદ પોતાનું માથું સાફ કરે છે. તેને જોઈને એવું લાગે છે કે ઉંદર આનંદ સાથે શરીરની ગંદકીને સાબુવાળા પાણીથી સાફ કરી રહ્યો છે.
તમે ભાગ્યે જ ક્યારેય ઉંદરને આ રીતે ન્હાતા જોયા હશે. આ વિડિયો માત્ર આશ્ચર્યજનક જ નથી, પરંતુ તે ખૂબ જ રમુજી પણ છે. તમે કૂતરા, હાથી અને ઘોડા જેવા પ્રાણીઓને ઘણી વાર ન્હાતા જોયા હશે, પરંતુ તેઓ પણ એટલી મસ્તીથી ન્હાતા નથી જેટલી આ નાનકડો ઉંદર ન્હાતો જોવા મળે છે. એવું લાગે છે કે જાણે કોઈએ તેને ન્હાવાના ફાયદા વિશે જણાવ્યું હોય, તેથી જ તે આજે શરીરની બધી ગંદકી દૂર કરવા માંગે છે.
આ ફની વીડિયોને સોશિયલ મીડિયા પ્લેટફોર્મ ઈન્સ્ટાગ્રામ પર doniay.heyvanat.2 નામથી શેર કરવામાં આવ્યો છે, જેને અત્યાર સુધીમાં 5 હજારથી વધુ વખત જોવામાં આવ્યો છે, જ્યારે સેંકડો લોકોએ આ વીડિયોને લાઈક પણ કર્યો છે. તે જ સમયે, વીડિયો જોયા પછી ઘણા લોકોએ અલગ-અલગ પ્રતિક્રિયાઓ આપી છે.
આ પણ વાંચો:
આ પણ વાંચો:
