OMG! આ યૂનિવર્સિટીએ શરૂ કર્યો આ અલગ જ પ્રકારનો કોર્સ, સોશિયલ મીડિયા પર વીડિયો બનાવી લાખો કમાવાની આપવામાં આવે છે ટ્રેનિંગ!

OMG! આ યૂનિવર્સિટીએ શરૂ કર્યો આ અલગ જ પ્રકારનો કોર્સ, સોશિયલ મીડિયા પર વીડિયો બનાવી લાખો કમાવાની આપવામાં આવે છે ટ્રેનિંગ!
Smartphone
Image Credit source: File Photo

શું તમે ક્યારેય સાંભળ્યું છે કે સોશિયલ મીડિયા પર વીડિયો બનાવવા માટે કોલેજોમાં પણ કોઈ કોર્સ હોય છે? જો ના, તો આ યુનિવર્સિટીએ આવો જ એક 'અજબ' કોર્સ શરૂ કર્યો છે.

TV9 GUJARATI

| Edited By: Pankaj Tamboliya

May 11, 2022 | 4:04 PM

આજકાલ સોશિયલ મીડિયા(Social Media)નો જમાનો છે, જ્યાં દરેક લોકો સ્ટાર બનવાની કોશિશ કરે છે. આ સિવાય યુટ્યુબ (YouTube) થી ઇન્સ્ટાગ્રામ (Instagram) અને ટિકટોક જેવા સોશિયલ મીડિયા પ્લેટફોર્મ પણ કમાણીનું શ્રેષ્ઠ માધ્યમ બની રહ્યા છે. દુનિયામાં એવા ઘણા લોકો છે જે વીડિયો બનાવીને સોશિયલ મીડિયા પર શેર કરતા રહે છે અને આ કરીને તેઓ દર મહિને લાખો રૂપિયા કમાઈ રહ્યા છે. વાસ્તવમાં, તે એક ટેલેન્ટ છે, એક કૌશલ્ય છે, જેનો ઉપયોગ કરીને લોકો ઘણા પૈસા કમાઈ રહ્યા છે. પરંતુ શું તમે ક્યારેય સાંભળ્યું છે કે આ માટે કોલેજોમાં પણ કોઈ કોર્સ હોય છે? જો ના, તો અમેરિકાની એક યુનિવર્સિટીએ આવો જ એક ‘અજીબ’ કોર્સ શરૂ કર્યો છે, જ્યાં વીડિયો બનાવવાની અને તેમાંથી પૈસા કમાવવાની ટ્રેનિંગ આપવામાં આવશે. હા, તમને આ મજાક લાગી શકે છે, પરંતુ તે એકદમ સાચું છે.

જો કે આ નવા કોર્સનું નામ ‘બિલ્ડિંગ ગ્લોબલ ઓડિયન્સ’ (Building Global Audiences) રાખવામાં આવ્યું છે, પરંતુ સામાન્ય ભાષામાં તેને ટિકટોક ક્લાસીસ કહેવામાં આવી રહ્યું છે. આ કોર્સ ગ્રેજ્યુએટ વિદ્યાર્થીઓ માટે છે, જેમાં જણાવવામાં આવ્યું છે કે તમે તમારી સોશિયલ મીડિયાની પ્રેજેંસ કેવી રીતે વધારી શકો છો. નોર્થ કેરોલિનામાં ડ્યુક યુનિવર્સિટી ઓફ ડરહામ દ્વારા આ ખાસ કોર્સ શરૂ કરવામાં આવ્યો છે.

આરોન દિનિન આ કોર્સના પ્રોફેસર છે

બ્લૂમબર્ગ(Bloomberg)ના એક રિપોર્ટ અનુસાર, ડ્યુકની ઇનોવેશન એન્ડ એન્ટરપ્રેન્યોરશિપ ઇન્સ્ટિટ્યૂટ(Duke’s Innovation & Entrepreneurship Institute)માં પ્રોફેસર એરોન દિનિન આ કોર્સમાં એડમિશન લેનારા વિદ્યાર્થીઓને શીખવે છે. તેમને સોશિયલ માર્કેટિંગના ‘માસ્ટર’ ગણવામાં આવે છે. કન્ટેન્ટ ક્રિએશનમાં વિદ્યાર્થીઓના રસને ધ્યાનમાં રાખીને તેમણે પોતે આ કોર્સ ડિઝાઇન કર્યો છે.

કન્ટેન્ટને લગતી બાબતો જણાવવામાં આવે છે

રિપોર્ટ્સ અનુસાર, આ કોર્સ કરી રહેલા વિદ્યાર્થીઓને કન્ટેન્ટ સંબંધિત તમામ બાબતો કહેવામાં આવે છે, જેમ કે કોઈ પોસ્ટ શા માટે સારું પ્રદર્શન કરે છે. આ ઉપરાંત, તેમને વ્યક્તિગત બ્રાન્ડ બનાવવાની સાથે સાથે બ્રાન્ડ સાથે કેવી રીતે નેગોશિએટ કરવું તે પણ શીખવવામાં આવે છે.

આ કોર્સ ખૂબ જ અનોખો છે

આ કોર્સ તદ્દન અનોખો છે, જેને સારો પ્રતિસાદ પણ મળી રહ્યો હોવાનું જણાય છે. અહેવાલો અનુસાર, આ કોર્સ કરી રહેલા વિદ્યાર્થીઓએ મળીને ટિકટોક પર લગભગ 1.5 લાખ ફોલોઅર્સ બનાવ્યા છે. આ સાથે તેમના દ્વારા બનાવેલા વીડિયોને 80 મિલિયનથી વધુ એટલે કે 8 કરોડથી વધુ વ્યૂઝ પણ મળ્યા છે. કોર્સ દરમિયાન જ નતાલિયા હૌસર નામની વિદ્યાર્થીની 5 લાખ રૂપિયા સુધીની કમાણી કરી રહી છે. તેણી પાસે ઘણી બ્રાન્ડ્સ પણ છે, જેની પોસ્ટ દ્વારા તે ખૂબ પૈસા પણ કમાય છે.


Follow us on

Related Stories

Most Read Stories

Click on your DTH Provider to Add TV9 Gujarati