Instagram Reels : સગાઈની રીંગની ભવ્ય એન્ટ્રી, શાનદાર આઈડિયા…લોકોએ તો પણ કાઢી ભૂલ
Instagram Reels : લગ્ન એ દરેક છોકરા અને છોકરીના જીવનની સૌથી ખાસ ક્ષણ હોય છે. આ દિવસ માટે લોકોએ કેટલાં સપનાં સજાવ્યાં છે અને જ્યારે આ ક્ષણ આવે છે ત્યારે લોકો ખુશીથી ઉછળી પડે છે. તેની તૈયારી ઘણા મહિનાઓ અગાઉથી શરૂ થઈ જાય છે પરંતુ લગ્નને ભવ્ય બનાવવા માટે ઘણી વખત લોકો અજીબોગરીબ કામ કરે છે. આવો જ એક વીડિયો હાલમાં સામે આવ્યો છે.
આજકાલ સોશિયલ મીડિયા પર લગ્નના વીડિયોનો ટ્રેન્ડ ચાલી રહ્યો છે, જેમાં દુલ્હનની ડાન્સ એન્ટ્રી, ફેમિલી ડાન્સ વગેરેનો સમાવેશ થાય છે.લગ્ન એક મોટો પ્રસંગ છે જેની તૈયારીઓ મહિનાઓ પહેલાથી જ શરૂ થઈ જાય છે. વર-કન્યાની સાથે તેમના પરિવારના સભ્યો અને મિત્રોમાં પણ આ ખાસ દિવસ માટે ઘણો ઉત્સાહ હોય છે અને તેઓ જોરદાર આયોજન કરે છે પરંતુ ઘણા આયોજનો અલગ-અલગ સ્તરના હોય છે. જ્યારે તેનો વીડિયો ઈન્ટરનેટ પર આવે છે, ત્યારે લોકો તેને ખૂબ પસંદ કરે છે. આ દિવસોમાં પણ આવો જ એક વીડિયો લોકોમાં ચર્ચામાં છે.
જો જોવામાં આવે તો આજના સમયમાં ટેક્નોલોજીએ આપણું જીવન સંપૂર્ણપણે બદલી નાખ્યું છે. તેની અસર આપણી ધાર્મિક વિધિઓમાં પણ જોવા મળી રહી છે. ઉદાહરણ તરીકે, કોઈ ડ્રોન વડે માળા લાવે છે, તો કોઈ પોતે જેસીબીથી એન્ટ્રી કરીને લોકોને આશ્ચર્યચકિત કરે છે પરંતુ આ દિવસોમાં એક વીડિયો સામે આવ્યો છે જે થોડો અલગ છે કારણ કે તમે આજ સુધી વર-કન્યાની ગ્રાન્ડ એન્ટ્રી તો જોઈ જ હશે, પરંતુ આ દિવસોમાં સગાઈની રિંગની ગ્રાન્ડ એન્ટ્રીનો વીડિયો વાયરલ થઈ રહ્યો છે.
આ પણ વાંચો : Wedding Dance Video : ‘બતમીઝ દિલ’ પર વરરાજાના પપ્પાએ કર્યો જોરદાર ડાન્સ, લોકોએ કહ્યું-Uncle on fire
જુઓ રીંગની શાનદાર એન્ટ્રી
View this post on Instagram
વાયરલ થઈ રહેલો વીડિયો કોઈ સગાઈ સમારોહનો હોય તેવું લાગી રહ્યું છે. તેમાં એક મોટી રિંગ છે, જે આપોઆપ છોકરા-છોકરીની નજીક આવી રહી છે. આ મોટી વીંટી ઉપર એક કવર છે અને તેમાં લગ્નની બે વીંટી છે. જો તમે વીડિયો ધ્યાનથી જોશો, તો તમે જોશો કે મોટી વીંટી એક વ્હીલ કાર્ટ પર રાખવામાં આવી છે જે રિમોટ દ્વારા ચલાવવામાં આવી રહી છે અને જેવી જ મોટી વીંટી સ્ટેજ પર આવે છે અને જ્યારે તે નજીક આવે છે, ત્યારે કન્યા અને વરરાજા તેને લે છે અને એકબીજાને પહેરાવે છે.
આ વીડિયો મુંબઈના સેલિબ્રિટી ફોટોગ્રાફર વિરલ ભાયાણીએ ઈન્સ્ટાગ્રામ પર શેર કર્યો છે. આ વીડિયો લખાયો ત્યાં સુધી લાખો લોકોએ તેને જોયો છે અને 63 હજારથી વધુ લોકોએ તેને લાઈક કર્યો છે. હવે લોકો આના પર વિવિધ રીતે કોમેન્ટ્સ કરી રહ્યા છે. એક યુઝરે લખ્યું. ‘આ માત્ર એક યુક્તિ છે, રિંગ ઈવેન્ટના આયોજનમાં પૈસા ખર્ચ્યા પણ મહિલાઓને ખુરશી પર બેસાડવી ન શક્યા… આ માત્ર પૈસાની બરબાદી છે.’ અન્ય એક યુઝરે લખ્યું, ‘બધી વાત છોડો, કોની આંગળીમાં આ વીંટી ફિટ બેસશે એ વિચારવા જેવી બાબત છે.’
Latest News Updates
