Viral Photo : વાળ કાપતા સમયે CEOએ લીધી મીટિંગ…વિચાર્યું કે લોકો વખાણ કરશે, પણ ખરાબ રીતે થયા ટ્રોલ
Invact Metaversityના સ્થાપક અને CEO તનય પ્રતાપે તાજેતરમાં ટ્વિટર પર પોતાની એક તસવીર શેર કરી છે, જેમાં તે સલૂનમાં વાળ કપાવતી વખતે મીટિંગ કરતો જોવા મળે છે. આ માટે લોકોએ તનયને ખરાબ રીતે ટ્રોલ કરવાનું શરૂ કરી દીધું છે.
Viral Photo : કોરોના રોગચાળા દરમિયાન ‘વર્ક ફ્રોમ હોમ અથવા રિમોટ વર્કિંગ’ એક સામાન્ય ખ્યાલ બની ગયો હતો. જેણે દરેકને તેમની વ્યક્તિગત સલામતી જોખમમાં મૂક્યા વિના ઘરેથી કામ કરવાની ફરજ પાડી હતી. ત્યારથી જમતી વખતે અથવા મુસાફરી કરતી વખતે ઝૂમ મીટિંગ્સમાં હાજરી આપવાની લોકોની આદત બની ગઈ છે. પરંતુ શું તમે ક્યારેય સલૂનમાં હેરકટ કરાવતી વખતે મીટિંગમાં જવાનો વિચાર કર્યો છે? માઈક્રોસોફ્ટના એક્સ એક્ઝિક્યુટિવ તનય પ્રતાપે કંઈક આવું જ કર્યું, એ વિચારીને કે લોકો તેમના વખાણ કરશે પરંતુ નેટીઝન્સે તેને ખરાબ રીતે ટ્રોલ કરવાનું શરૂ કર્યું.
Invact Metaversityના સ્થાપક અને CEO તનય પ્રતાપે તાજેતરમાં જ ટ્વિટર પર પોતાની એક તસવીર શેર કરી છે, જેમાં તે સલૂનમાં હેરકટ કરાવતી વખતે હાથમાં iPhone પકડેલો જોવા મળે છે. તેણે લખ્યું છે કે, ‘હું હેરકટ દરમિયાન મીટિંગ લઈ રહ્યો છું’ તે અહીં જ નથી અટક્યો. તેણે આગળ લખ્યું, ‘સ્ટાર્ટઅપ એ દરેકની હિંમતની વાત નથી. માત્ર એક જ સમય હોય છે, જ્યારે તમે કામ ન કરતા હો અને તે છે જ્યારે તમે સૂતા હોવ.” તનયને આશા હતી કે લોકો તેની ફિલસૂફીની પ્રશંસા કરશે. પરંતુ મામલો સામે આવ્યો. સલૂન સ્ટાફને તેમના કામને કારણે બિનજરૂરી રીતે હેરાન કરવા બદલ નેટીઝન્સે તેની ટીકા કરી છે.
તનય પ્રતાપનું ટ્વિટ
Peak productivity unlocked today. Took meeting while getting a haircut.
The staff were the sweetest to stop music while I took the meeting.
Startups are not for everyone. The only time you get when you’re not working is while you’re sleeping. pic.twitter.com/RnPXQq8gXP
— Tanay Pratap (@tanaypratap) January 4, 2023
એક યુઝરે લખ્યું છે કે, ‘તમારા મતે માત્ર નબળા લોકો જ ઊંઘે છે.’ તનયે જવાબ આપ્યો, હા યાર. મને લાગે છે કે ઊંઘ એ સૌથી નકામી પ્રવૃત્તિ છે જેમાં આપણે રોકાયેલા છીએ. બીજી તરફ એક અન્ય યુઝરે કહ્યું, ‘ભાઈ, અટેન્શન સીકર લાગી રહ્યા છો.’ એક અન્ય યુઝરે લખ્યું છે કે, ‘ભાઈ, સૂતી વખતે વાળ કપાવ્યા કર, એકદમ જોકર જેવો દેખાશે.