આતંકવાદી પણ કરે છે ઈન્ડિયન આર્મીની પ્રશંસા, સૈન્ય અધિકારી અને આતંકવાદીની વાતચીતનો વીડિયો વાયરલ
આ પહેલા પણ ઘણી વખત સ્થાનિક આતંકવાદીઓને આત્મસમર્પણ કરવાની અપીલ કરતો ઓડિયો વાયરલ થયા છે, પરંતુ આ પહેલીવાર બન્યું છે કે વીડિયો કોલ દ્વારા સરેન્ડરની અપીલ કરવામાં આવી હોય અને તેનો વીડિયો સામે આવ્યો હોય.
દક્ષિણ કાશ્મીર (Jammu Kashmir) ના કુલગામ જિલ્લાના અહવાતુ વિસ્તારમાં એન્કાઉન્ટર દરમિયાન સેના (Indian Army)ના એક અધિકારી દ્વારા આતંકવાદીને કરવામાં આવેલી આત્મસમર્પણની અપીલનો વીડિયો સામે આવ્યો છે. આ પહેલા પણ ઘણી વખત સ્થાનિક આતંકવાદીઓને આત્મસમર્પણ કરવાની અપીલ કરતો ઓડિયો વાયરલ થયા છે, પરંતુ આ પહેલીવાર બન્યું છે કે વીડિયો કોલ દ્વારા સરેન્ડરની અપીલ કરવામાં આવી હોય અને તેનો વીડિયો સામે આવ્યો હોય.
વીડિયોમાં એક આર્મી ઓફિસર સ્થાનિક આતંકવાદી મોહમ્મદ શફીને આત્મસમર્પણ કરવાની અપીલ કરતો જોવા મળી રહ્યો છે પરંતુ આતંકવાદી માની રહ્યો નથી. જો કે, આ વીડિયો કોલ દરમિયાન આતંકવાદી સેનાના અધિકારીને એમ પણ કહી રહ્યો છે કે સેના કાશ્મીરીઓને જેટલું સપોર્ટ કરે છે તેટલું કાશ્મીર પણ કરે છે.
કુલગામના એસએસપી ડૉ. જી.વી. સંદીપે કહ્યું કે, છેલ્લા 48 કલાકમાં કુલગામ જિલ્લામાં બે આતંકવાદ વિરોધી ઓપરેશન હાથ ધરવામાં આવ્યા છે. આ ઓપરેશન દરમિયાન જૈશ-એ-મોહમ્મદના ત્રણ આતંકવાદીઓ માર્યા ગયા જેમાંથી એક પાકિસ્તાની આતંકવાદી અબુ હુરૈરા હતો જ્યારે બે સ્થાનિક આતંકવાદીઓ મોહમ્મદ શફી ગનાઈ અને આસિફ વાની હતા.
તેમણે કહ્યું કે આ એન્કાઉન્ટરો સેના અને સીઆરપીએફની મદદથી કરવામાં આવ્યા હતા અને તે સુરક્ષા દળો માટે મોટી સફળતા છે. એસએસપીના જણાવ્યા અનુસાર હથિયારો અને દારૂગોળોનો મોટો જથ્થો પણ મળી આવ્યો હતો. તેમણે કહ્યું કે છેલ્લા કેટલાક દિવસોથી આતંકવાદીઓની હિલચાલના ઈનપુટ્સ મળી રહ્યા હતા, જેના આધારે આ વિશેષ ઓપરેશન હાથ ધરવામાં આવ્યું હતું.
એસએસપીએ કહ્યું કે બાટપોરા ઓપરેશન આર્મીની 9 આરઆર અને સીઆરપીએફની 18 બટાલિયનના સહયોગથી હાથ ધરવામાં આવ્યું હતું, જ્યારે અહવાતુ ઓપરેશન આર્મીની 34 આરઆર અને સીઆરપીએફની 18 બટાલિયનના સહયોગથી હાથ ધરવામાં આવ્યું હતું.
એસએસપીએ કહ્યું કે આ ઓપરેશન દરમિયાન અમારો પ્રયાસ હતો કે સ્થાનિક લોકોને કોઈ નુકસાન ન થાય, જેમને સુરક્ષિત જગ્યાએ લઈ જવામાં આવ્યા હતા. આ દરમિયાન અમારો એક જવાન પણ ઘાયલ થયો હતો અને બે સ્થાનિક લોકો પણ ઘાયલ થયા હતા જેમને તાત્કાલિક 92 બેઝ હોસ્પિટલમાં લઈ જવામાં આવ્યા હતા.
તેમણે કહ્યું કે આનાથી આતંકવાદીઓની માનસિકતા દર્શાવે છે. તેમણે કહ્યું કે છેલ્લા એક વર્ષમાં જિલ્લામાં 50 આતંકવાદીઓને ઠાર કરાયા છે, જેમાંથી 10 પાકિસ્તાની આતંકવાદીઓ હતા.
આર્મી ઓફિસર અને આતંકી મોહમ્મદ શફીનો વીડિયો કોલ
આતંકવાદી શફીઃ હું કહું છું કે સેના કાશ્મીરને જેટલો સપોર્ટ કરે છે, સેનાને ઘણું સપોર્ટ કરે છે કાશ્મીર. ઈન્ડિયન આર્મી: યાર, હું આર્મીમાંથી છું, તો પછી હું કહું છું, સરેન્ડર કરી દે.
આતંકવાદી શફીઃ સાહેબ, મેં કહ્યું, હું મોતની નજીક છું…ઠીક છે…બે-ત્રણ શોટ લગાવશો તમે મને…એક મેગેઝીન તમે મારી પર ખાલી કરી દેશો બસ અને બીજુ…પણ તમારી પાસે ટ્રેનિંગ ખુબ હોય છે સર. ઈન્ડિયન આર્મી: અરે દોસ્ત નહીં કરીએ.
Latest News Updates
