Viral Photo: બાળકો સાથે પોપટની ગજબની દોસ્તી! રોજ દોસ્ત સાથે શાળાએ પણ જાય છે આ પોપટ
પોપટની એક કહાની સોશિયલ મીડિયા પર વધુને વધુ વાયરલ થઈ રહી છે. આ પોપટ અને શાળાના વિદ્યાર્થીઓની મિત્રતા જોઈને તમને પણ આશ્ચર્ય થશે.
Viral Photos: મનુષ્યોને પ્રાણીઓ સાથે ખૂબ જ લગાવ છે, જેમાં પણ ખાસ કરીને કુતરાઓ, પક્ષીઓ સાથેનો મનુષ્યનો વિશેષ લગાવ હોય છે. તમે બધા જાણતા જ હશો કે કૂતરો અને પોપટ બંને ખૂબ બુદ્ધિશાળી છે, તેથી જ કેટલાક લોકો તેમને ઘરમાં પણ રાખે છે.
પોપટ એક એવુ પક્ષી છે જે મનુષ્યોની ભાષા અને વર્તનને સારી રીતે સમજે છે, સાથે તે મનુષ્યોની ભાષા પણ બોલે છે. તમે ઘણા પોપટ જોયા હશે જે તમારું અનુકરણ પણ કરે છે. ત્યારે તાજેતરમાં એક પોપટની (Parrot) કહાની લોકોમાં ચર્ચાનો વિષય બની છે.
શાળાના વિદ્યાર્થીઓ અને પોપટ વચ્ચે ગાઢ મિત્રતા
તમને જણાવી દઈએ કે આ કહાની મધ્યપ્રદેશની છે. ગ્વાલિયરમાં આવેલા એક પોપટ અને શાળાના વિદ્યાર્થીની ગજબની દોસ્તી છે. આ પોપટ અને બાળક વચ્ચેની આ અનોખી મિત્રતા (Friendship) હાલ ચર્ચામાં છે. આ વિદ્યાર્થી અને પોપટની તસવીરો હવે સોશિયલ મીડિયા પર પણ ખુબ વાયરલ થઈ રહી છે.
Madhya Pradesh | A parrot of Gwalior’s Sharda Balgram forest has developed a unique friendship with children of a nearby school.
“He comes every day when we leave for our school and sits on our shoulder or head, playing with us all the way” says one of the students, Vivek pic.twitter.com/8AloyU84lC
— ANI (@ANI) October 1, 2021
રોજ દોસ્ત સાથે શાળાએ પણ જાય છે આ પોપટ
શાળાના વિદ્યાર્થી વિવેકે જણાવ્યુ હતુ કે ‘પોપટ દરરોજ આવે છે, જ્યારે અમે સ્કૂલ (School) જવા નીકળીએ છીએ. તે આપણા ખભા પર અથવા ક્યારેક આપણા માથા પર બેસે છે. તે અમારી સાથે રમે છે. અમે તેનાથી ડરતા નથી અને અમે તેમની સાથે ખૂબ મસ્તી કરીએ છીએ.’ પોપટ અને શાળાના બાળકો વચ્ચે ગાઢ મિત્રતા જોઈને લોકોને ખુબ આશ્ચર્ય થઈ રહ્યુ છે.
આ પોપટની તસવીરો સોશિયલ મીડિયા પર વાયરલ
વાયરલ થઈ રહેલી તસવીરોમાં પણ જોઈ શકાય છે કે આ પોપટ શાળાના બાળકો સાથે મસ્તી કરી રહ્યો છે. તે ક્યારેક તેના માથા પર તો ક્યારેક ખભા પર બેસે છે. યુઝર્સ પણ આ તસવીર (Viral photos) પર પોતાની પ્રતિક્રિયા આપી રહ્યા છે. જેમાં એક યુઝર્સે લખ્યુ કે ‘પાછલા જીવનનું કોઈક ક્નેક્શન હશે’ જ્યારે અન્ય એક યુઝર્સ લખ્યું કે ‘આ તસવીરો અને આ કહાની ખૂબ જ મનોહર છે’.
આ પણ વાંચો : Video : આ યુવકે ભંગારમાંથી Iron Man સુટ બનાવી નાખ્યુ, ટેલેન્ટ જોઈને આનંદ મહિન્દ્રા પણ આશ્વર્ય ચકિત થયા