વાયરલ વીડિયો: 70 વર્ષના દાદાએ દાદીને રિઝવવા કર્યો જોરદાર ડાન્સ, લોકોએ કહ્યું – વાહ શું પ્રેમ છે
હાલમાં સોશિયલ મીડિયા પર એક વૃદ્ધ કપલના વીડિયોએ લોકોનું ધ્યાન ખેંચ્યું છે. જેમાં એક 70 વર્ષીય વ્યક્તિ પોતાની પત્નીને રીઝવવા માટે ફિલ્મ 'ધ બીસ્ટ'ના 'અરબી કુથુ' ગીત પર પૂરી એનર્જી સાથે ડાન્સ કરતા જોવા મળે છે.
એવું કહેવાય છે કે જેઓ જોશીલા છે તેમના માટે ઉંમર માત્ર એક સંખ્યા છે. વૃદ્ધ થયા પછી પણ તેઓ એ જ ઉત્સાહથી જીવન જીવે છે જે રીતે તેઓ યુવાનીના દિવસોમાં જીવતા હતા. જ્યારે તેમના જીવનમાં પ્રેમની વાત આવે છે, ત્યારે ઉત્સાહ અને ખુશી બંને ચરમસીમા પર હોય છે. હાલમાં સોશિયલ મીડિયા પર આવા જ એક વૃદ્ધ કપલના એક વીડિયોએ લોકોનું ધ્યાન ખેંચ્યું છે. જેમાં એક 70 વર્ષીય વ્યક્તિ પોતાની પત્નીને રીઝવવા માટે ફિલ્મ ‘ધ બીસ્ટ’ના ‘અરબી કુથુ’ ગીત પર પૂરી એનર્જી સાથે ડાન્સ કરતા જોવા મળે છે.
વાયરલ થઈ રહેલી ક્લિપમાં તમે જોઈ શકો છો કે એક મહિલા ઘરના હોલમાં ખુરશી પર બેઠી છે. ત્યારે 70 વર્ષના પતિ આનંદના મૂડમાં છે. વીડિયોમાં જોઈ શકાય છે કે વૃદ્ધ વ્યક્તિ ‘અરબી કુથુ’ ગીત પર તેના ડાન્સ મૂવ્સથી તેની પત્નીને પ્રભાવિત કરવાનો પ્રયાસ કરે છે. તમે જોઈ શકો છો કે વડીલ જોરદાર ડાન્સ કરે છે. તેમની એનર્જી જોવા જેવી છે. આ વીડિયો જોયા પછી તમારા ચહેરા પર પણ એક સુંદર સ્મિત આવી જશે.
વૃદ્ધ દંપતીનો આ ખૂબ જ ક્યૂટ વીડિયો સોશિયલ મીડિયા પ્લેટફોર્મ ઈન્સ્ટાગ્રામ પર optimistic_chatterbox નામના એકાઉન્ટથી શેર કરવામાં આવ્યો છે. યુઝરે કેપ્શનમાં લખ્યું, ‘જો તમે તમારા અંદરના બાળકને જીવંત રાખશો, તો તમારી આસપાસ હંમેશા ખુશીનું વાતાવરણ રહેશે. તમારી વિનંતી પર મેં આ અપલોડ કર્યું છે. 70ના દાયકાના મારા અમ્મા અને અપ્પા.
View this post on Instagram
થોડીક સેકન્ડની આ ક્લિપ ઈન્ટરનેટ જગતમાં ખળભળાટ મચાવી રહી છે. જ્યારથી આ વીડિયો અપલોડ કરવામાં આવ્યો છે ત્યારથી 7.7 લાખથી વધુ લોકોએ તેને લાઈક કર્યો છે. વીડિયો પર 1 કરોડથી વધુ વ્યૂઝ આવી ચૂક્યા છે. આ સંખ્યા સતત વધી રહી છે. આ પહેલા સાલસા કરતા એક વૃદ્ધના વીડિયોએ ભારે ધૂમ મચાવી હતી, જેમાં મહિલા ડાન્સર સાથે પુરુષની એનર્જી જોવા જેવી હતી.
