પોતાના જન્મદિવસ પર એકસાથે 550 કેક કાપનાર બર્થડે બોય સામે નોંધાઇ ફરિયાદ, વીડિયો વાયરલ થયા બાદ હંગામો
ભાગ્યે જ તમે કોઈ વ્યક્તિને તેના જન્મદિવસ પર એક સાથે 550 કેક કાપતા જોયા હશે. પરંતુ તમને જણાવી દઈએ કે સોશિયલ મીડિયા પર એક વીડિયો વાયરલ થઈ રહ્યો છે, જેમાં એક વ્યક્તિ ખૂબ જ આનંદથી કેક કાપી રહ્યો છે.
કેક કાપવી એ જન્મદિવસની ઉજવણીનો એક ભાગ છે, લોકો ઘણીવાર કેક કાપતા જોવા મળે છે. તમે લોકોને તેમના જન્મદિવસ પર વિવિધ વજનની અને વિવિધ પ્રકારની કેક કાપતા જોયા હશે, ગાડીના આકારની કેક, સ્માર્ટફોન આકારની કેક, 100 કિલોની કેક અથવા 200 કિલોની કેક. પરંતુ કોઇને પોતાના જન્મદિવસ પર તમે ભાગ્યે જ એકસાથે 550 કેક કાપતા જોયા હશે. સોશિયલ મીડિયા પર આજકાલ એક વીડિયો વાયરલ થઈ રહ્યો છે. લોકો પણ આ વીડિયોને ખૂબ પસંદ કરી રહ્યા છે.
વીડિયોમાં જોઈ શકાય છે કે રસ્તા પર 3 ટેબલ છે. એક વ્યક્તિ બંને હાથમાં છરી પકડીને એક પછી એક કેક કાપી રહ્યો છે. માહિતી માટે, તમને જણાવી દઈએ કે આ વ્યક્તિનું નામ સૂર્ય રતુરી કહેવામાં આવી રહ્યું છે. આસપાસ ઉભેલા તમામ લોકો આ દરમિયાન ખૂબ આનંદ માણી રહ્યા છે, સાથે મળીને તેઓ તેમની પ્રતિક્રિયા પણ શેર કરી રહ્યા છે.
ઘટનામાં હાજર લોકોએ તેમના ફોન કેમેરામાં વીડિયો ફિલ્માવ્યો અને તેને સોશિયલ મીડિયા પર પોસ્ટ કર્યો, ત્યારબાદ આ વીડિયો વાયરલ થવા લાગ્યો. આ સમગ્ર ઘટના મંગળવારે બની હતી. વીડિયોમાં જોઈ શકાય છે કે Surya Raturiની સાથે, કોઈએ માસ્ક પહેર્યું નથી અથવા સામાજિક અંતરનું પાલન કરી રહ્યું નથી.
જ્યારે વીડિયો સોશિયલ મીડિયા પર વાયરલ થયો, ત્યારે સ્થાનિક લોકોએ પણ Surya Raturi સામે ફરિયાદ નોંધાવવાનું શરૂ કર્યું. આ પહેલી ઘટના નથી જેમાં જન્મદિવસ ઉજવવાની રીત હેડલાઇન્સ બની છે. આવા તમામ વીડિયો સોશિયલ મીડિયા પર જોવા મળશે. જેમાં જન્મદિવસ ઉજવવાની રીતોને કારણે હંગામો થયો છે.
આ પહેલા પણ ગુજરાતમાં સુરતનો 1 વીડિયો વાયરલ થયો હતો, જેમાં એક વ્યક્તિ તલવારથી કેક કાપી રહ્યો હતો. વીડિયો વાયરલ થયા બાદ આ વ્યક્તિની ધરપકડ કરવામાં આવી હતી. ઓગસ્ટ મહિનામાં પણ એક તસવીર ખૂબ વાયરલ થઈ હતી, જેમાં 2 છોકરાઓ તલવારથી કેક કાપતા જોવા મળ્યા હતા. આ ઘટના પુણેની હતી. બાદમાં પોલીસે બંને યુવકો તેમજ તે શખ્સની ધરપકડ કરી હતી જેમણે તેમને આ હથિયારો વેચ્યા હતા.
આ પણ વાંચો –
Ahmedabad: 555 દિવસ પછી પહેલી વાર સિવિલમાં કોરોનાનો એક પણ કેસ ના નોંધાયો, ડોક્ટર્સને હાશકારો
આ પણ વાંચો –
Horoscope Today: દૈનિક રાશિફળ, મીન 15 ઓક્ટોબર: જમીન અને વાહનોને લગતી વ્યવસાયિક પ્રવૃત્તિઓમાં સુધારો થશે, યુવા પ્રેમીઓ માટે દિવસ સારો
આ પણ વાંચો –