TV9 GUJARATI | Edited By: Bhavyata Gadkari
Oct 17, 2021 | 9:52 AM
માતા તેના બાળક સાથે ખૂબ જ જોડાયેલી હોય છે. દરેક છોકરી માતા બનવાનું સપનું ધરાવે છે અને જ્યારે તે પોતાના બાળકને જન્મ આપે છે ત્યારે તેના ચહેરા પર એક અલગ સ્મિત જોવા મળે છે. સોશિયલ મીડિયા પર ઘણાં વિચિત્ર સમાચાર જોવા અને સાંભળવા મળે છે. હવે જે સમાચાર સામે આવી રહ્યા છે તે જાણીને તમે બધા ચોંકી જશો.
એક માતાએ તેના બાળકને જન્મ આપ્યો છે, પરંતુ તે બાળકનું વજન સાડા છ કિલો છે. તમને જણાવી દઈએ કે આટલા વજનનું બાળક હોવું સામાન્ય વાત નથી. તેના જન્મ બાદ તેના માતા -પિતાએ ખાસ ઓર્ડર આપીને ડાયપર મંગાવા પડ્યા કારણ કે તેના સાઇઝના ડાયપર બજારમાં મળતા ન હતા.
એરિઝોનાના બેનર થન્ડરબર્ડ મેડિકલ સેન્ટરમાં 4 ઓક્ટોબરના રોજ જન્મેલા બાળકએ બધાને આશ્ચર્યચકિત કર્યા. કેરી પટોનાઈએ 38 અઠવાડિયાની ગર્ભવતી હતી અને તેણે તેના ત્રીજા બાળકનું સ્વાગત કર્યું. તેઓએ તેમના બાળકનું નામ ફિનલી રાખ્યું છે. તમને જણાવી દઈએ કે જ્યારે ફિનલી આ દુનિયામાં આવ્યો ત્યારે તેનું વજન સાડા છ કિલો હતું અને તેની લંબાઈ 23.75 ઈંચ હતી. આ પહેલા કેરીને બે બાળકો પણ છે. તેઓ તેમના જન્મના દિવસે સામાન્ય હતા.
4 ઓક્ટોબરના રોજ કેરીએ પુત્રને જન્મ આપ્યો હતો. અચાનક તેને પ્રસવ પીડા શરૂ થઈ અને ઉતાવળમાં તેને હોસ્પિટલમાં દાખલ કરવામાં આવી. કેરીને તરત જ સી સેક્શન માટે લઈ જવામાં આવી હતી, જ્યાં તેણે તેના પુત્રને જન્મ આપ્યો અને તેના જન્મ દરમિયાન પુત્રનું વજન સાડા છ કિલો હતું. બાળકનું વજન જાણ્યા બાદ તેના માતા -પિતાથી લઈને હોસ્પિટલમાં હાજર તમામ તબીબો પણ આશ્ચર્યચકિત થઈ ગયા હતા.
ફિનલીના જન્મ પહેલાં, કેરીએ બે બાળકોનું સ્વાગત કર્યું છે. જ્યારે તેમના બંને બાળકો જન્મ સમયે તદ્દન ફિટ હતા, ફિનલી જન્મ સમયે તદ્દન ચરબીયુક્ત અને વજનમાં ભારે હતો. બાળકોનું વજન સામાન્ય રીતે બે થી અઢી કિલો હોય છે, પરંતુ ફીનલીનું વજન સાડા છ કિલો જેટલું હતું. જ્યારે ફિનલીનો જન્મ થયો, ત્યારે ડૉક્ટરે ખાસ ડાયપરનો ઓર્ડર પણ આપ્યો, કારણ કે તેની પાસે 6 કિલોના બાળકનું ડાયપર સાઇઝ નહોતું. આ સિવાય તેણે ફિનલીના નવા કપડાં પણ મંગાવ્યા કારણ કે તે જે કપડાં લાવ્યો તે ફિનલીને ફિટ ન આવ્યા.
આ પણ વાંચો –
આ પણ વાંચો –
આ પણ વાંચો –
