TV9 GUJARATI | Edited By: Pankaj Tamboliya
Jun 27, 2022 | 1:01 PM
શિવસેના (Shivsena)માં બળવા બાદ મહારાષ્ટ્રના રાજકારણ (Maharashtra Political Crisis)માં ભૂકંપ આવી ગયો છે. મહાવિકાસ આઘાડી સરકાર મુશ્કેલીમાં છે. ત્યારે હવે જ્યારે ભાજપે પણ આ ખેલમાં એન્ટ્રી લીધી છે, ત્યારે ઉદ્ધવની આગેવાની હેઠળની શિવસેના ધ્રૂજી ગઈ છે. શિવસેનાએ તેના મુખપત્ર સામના(Saamana)માં ભાજપ પર હોર્સ ટ્રેડિંગનો આરોપ મૂક્યો છે અને લખ્યું છે કે, ‘કેન્દ્ર અને મહારાષ્ટ્ર ભાજપે જ આ ‘નચનીઓ’ (શિવસેનાના બળવાખોર ધારાસભ્યો અને મંત્રીઓને) ને ઉશ્કેર્યા છે. તેણે આ સ્ક્રિપ્ટ લખી છે અને આ વાત હવે કોઈનાથી છુપાયેલી નથી.
બાય ધ વે, આ રાજકીય હલચલનું શું પરિણામ આવશે તે ખબર નથી, કારણ કે આ મામલો હાલમાં સુપ્રીમ કોર્ટમાં છે. દરમિયાન, ટ્વિટર પર એક ખૂબ જ ફની વીડિયો વાયરલ થઈ રહ્યો છે, જે મહારાષ્ટ્રના રાજકીય સંકટ પર સંપૂર્ણ રીતે ફિટ છે. તેને દેશના જાણીતા ઉદ્યોગપતિ હર્ષ ગોયંકાએ શેર કર્યો છે. જેના પર સોશિયલ મીડિયા યુઝર્સ પણ ખૂબ એન્જોય કરી રહ્યા છે.
વાયરલ થઈ રહેલા વીડિયોમાં તમે જોઈ શકો છો કે આછા કાળા રંગની બિલાડી સિમેન્ટના થાંભલાઓ પર કૂદીને એક વેટનરી ઓફિસમાં પ્રવેશી રહી છે. આ પછી ત્યાંથી એક બિલાડી બહાર આવે છે. પછી તે ડ્રમમાં પ્રવેશે છે. જ્યાંથી ફરી એક કૂતરો બહાર આવે છે. આ પછી કૂતરો ઓફિસની બારીમાં ઘૂસી જાય છે. પછી ત્યાંથી એક અલગ બિલાડી નીકળે છે.
એકંદરે, વીડિઓમાં સમયાંતરે કંઈક બદલાતું રહે છે. આ પછી, એકને બદલે બે બિલાડી, પછી ચાર અને તેથી વધુ સંખ્યામાં વધારો થાય છે. હવે આ વીડિયો શેર કરીને ઉદ્યોગપતિ હર્ષ ગોયેન્કાએ લખ્યું છે, મહારાષ્ટ્રમાં આ દિવસોમાં કંઈક આવું જ ચાલી રહ્યું છે. તો ચાલો જોઈએ આ વીડિયો.
Current status of Maharashtra assembly:
Who’s going where ? Who’s coming from where ? What’s going on ?
Nothing is understandable! pic.twitter.com/AXnrRw7PxV
— Harsh Goenka (@hvgoenka) June 25, 2022
ઉદ્યોગપતિ હર્ષ ગોયંકાએ વીડિયો શેર કરતા ફની કેપ્શન આપ્યું છે, ‘આ કંઈક અંશે મહારાષ્ટ્ર વિધાનસભાની વર્તમાન સ્થિતિ જેવી છે. કોણ ક્યાં જઈ રહ્યું છે, કોણ ક્યાંથી આવી રહ્યું છે, શું ચાલી રહ્યું છે, કંઈ સમજાઈ રહ્યું નથી.’ 2 મિનિટ 1 સેકન્ડના આ વીડિયોને અત્યાર સુધીમાં 32 હજાર વખત જોવામાં આવ્યો છે. ત્યારે એક હજારથી વધુ લોકોએ તેને પસંદ કર્યું છે. આ સંખ્યા સતત વધી રહી છે. વીડિયો જોયા પછી, લોકો તેના પર ફની રીતે પ્રતિક્રિયા આપી રહ્યા છે.
એક યુઝરે કોમેન્ટ કરતા લખ્યું કે, ‘લોનાવાલાના ‘મગનલાલ ચિક્કીવાલા’ જેવું લાગે છે. જ્યાં, દરેક વ્યક્તિ પોતાને અસલી મગનલાલ કહે છે.’ ત્યારે અન્ય એક યુઝરે ટોણો મારતા લખ્યું છે કે, ‘મહારાષ્ટ્રમાં અત્યારે વિચિત્ર સ્થિતિ છે. ઉદ્ધવ સેનાપતિ છે, પણ ‘સેના’ નથી! એકંદરે, લોકો આ વીડિયોને મહારાષ્ટ્રની વર્તમાન પરિસ્થિતિ સાથે સાંકળી શકે છે. આ સાથે, ફની પ્રતિક્રિયાઓનો સિલસિલો ચાલુ રહે છે.
