કશ્મીરી શિક્ષકે જૂની કારને બનાવી દીધી Solar Car, આ કારની ખાસિયત જાણી દંગ રહી ગયા લોકો
દેશમાં હાલમાં જ એક જુગાડુ વ્યક્તિની ખૂબ ચર્ચા થઈ રહી છે, જેણે જૂની કારને સોલર કાર (Solar Car) બનાવી દીધી છે અને તે પણ કોઈ સામાન્ય કાર નથી પણ હોલીવુડની ફિલ્મોમાં દેખાતી 'સુપરકાર' જેવી છે.
મોટોભાગના ભારતીયો ટેલેન્ટથી ભરપૂર હોય છે. ભારતીયો પાસે દરેક સમસ્યાનું કોઈને કોઈ સોલ્યુશન હોય જ છે અને તેમાં પણ જુગાડ કરવામાં તો ભારતીયો એક્સપર્ટ હોય છે. જોવા જઈએ તો જુગાડની બાબતમાં ભારતીયોનો કોઈ મુકાબલો નથી. અહીં દેશી જુગાડનો ઉપયોગ કરીને લોકો નાની-મોટી વસ્તુઓ પણ બનાવે છે, જેને જોઈને દુનિયા દંગ રહી જાય છે. દેશમાં હાલમાં જ એક જુગાડુ વ્યક્તિની ખૂબ ચર્ચા થઈ રહી છે, જેણે જૂની કારને સોલર કાર (Solar Car) બનાવી દીધી છે અને તે પણ કોઈ સામાન્ય કાર નથી પણ હોલીવુડની ફિલ્મોમાં દેખાતી ‘સુપરકાર’ જેવી છે. આ સુપરકારના ફોટોઝ સોશિયલ મીડિયા પર ખૂબ જ વાયરલ (Viral news) થઈ રહ્યા છે.
આ સોલર કાર બનાવનાર વ્યક્તિ કાશ્મીરના રહેવાસી છે, જેનું નામ બિલાલ અહેમદ છે. બિલાલ એક શિક્ષક છે. મીડિયા રિપોર્ટ્સ અનુસાર, બિલાલે એન્જિનિયરિંગનો અભ્યાસ કર્યો છે અને આ કાર બનાવવા માટે છેલ્લા 11 વર્ષથી સખત મહેનત કરી રહ્યા છે. પહેલા તો તેણે ઘણી બધી કાર પર રિસર્ચ કર્યું અને પછી આવી કાર બનાવી, જે કાશ્મીરના વાતાવરણને પણ અનુરૂપ છે અને સાથે જ તેની ખાસિયત એ છે કે આ કાર ડ્રાઈવિંગ સમયે અવાજ પણ નથી કરતી.
આ રહ્યા સોલર કારના ફોટોઝ
Bilal Ahmed, a maths teacher from Srinagar, has developed a solar car. Bilal has been working on this project for last 11 years pic.twitter.com/Co0eq9X44h
— Basit Zargar (باسط) (@basiitzargar) June 20, 2022
આ ફોટોઝમાં તમે જોઈ શકો છો કે કારમાં સોલર પેનલ લગાવવામાં આવી છે. આ કાર સૌર ઉર્જાથી ચાર્જ કરવામાં આવે છે અને તે કારના દરવાજા સુપરકારની જેમ ખુલે છે. ખાસ વાત એ છે કે આ કારને રિમોટ કંટ્રોલથી પણ ઓપરેટ કરી શકાય છે. મળતી માહિતી મુજબ તેને બનાવવામાં બિલાલ અહેમદને કુલ 16 લાખ રૂપિયાનો ખર્ચ કરવો પડયો છે.
બિલાલ અહેમદનું નિવેદન
બિલાલ અહેમદ કહે છે કે તે દિવ્યાંગો માટે પણ લક્ઝરી કાર બનાવવા માંગતો હતો, પરંતુ આર્થિક તંગીના કારણે તેનું સપનું અધૂરું રહી ગયું. આ પછી તેને સૌર ઉર્જાથી ચાલતી કાર બનાવવાનો વિચાર આવ્યો અને આજે પરિણામ બધાની સામે છે. બિલાલે બનાવેલી આ સોલર કાર જોઈને લોકો પણ આશ્ચર્યચકિત થઈ ગયા છે અને તેના કામના જોરદાર વખાણ પણ કરી રહ્યા છે. બિલાલ તેની આ અર્થાગ મહેનતના પરિણામથી ખુશ છે.
Latest News Updates
