Viral Video: ફાયર બ્રિગેડ થયું જૂનું , હવે આ ટેક્નોલોજીથી મિનિટોમાં કાબૂમાં થશે આગ, જુઓ વીડિયો

ઘણીવાર તમે જોશો કે જ્યારે પણ આગ (Fire) લાગે છે, ત્યારે ફાયર બ્રિગેડ (Fire Brigade) ના વાહનોને તાત્કાલિક બોલાવવામાં આવે છે, જેથી આગને કાબુમાં લઈ શકાય. જો કે, કેટલીકવાર ટ્રાફિક વગેરેમાં ફસાઈ જવાને કારણે ફાયર બ્રિગેડને ઘટનાસ્થળે પહોંચવામાં થોડો સમય લાગે છે, આવી સ્થિતિમાં લોકોને ભારે હાલાકી ભોગવવી પડે છે. આ સિવાય ઘણી વખત એવું પણ જોવા મળે છે કે જો આગ કોઈ ઉંચી ઈમારતમાં લાગે તો તેને બુઝાવવામાં ફાયર બ્રિગેડને પણ ઘણી મુશ્કેલીઓનો સામનો કરવો પડે છે. ઘણી વખત અકસ્માતો પણ થાય છે અને ફાયર બ્રિગેડના જવાનો ઘાયલ પણ થાય છે,

પરંતુ આજની ટેક્નોલોજી (Technology) એ આ સમસ્યાનો ઉકેલ શોધી કાઢ્યો છે, જેના કારણે આગ પણ મિનિટોમાં ઓલવાઈ જશે અને કોઈને નુકસાન નહીં થાય. ખરેખર, આ દિવસોમાં સોશિયલ મીડિયા પર એક વીડિયો વાયરલ (Viral Video) થઈ રહ્યો છે, જેમાં ટેક્નોલોજીની મદદથી આગ બુઝાવવામાં આવી રહી છે.

Web Stories View more

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

વીડિયોમાં તમે જોઈ શકો છો કે 10 માળની ઈમારતમાં નીચેથી ઉપર સુધી ભીષણ આગ લાગી છે, જેને બુઝાવવા માટે ડ્રોનનો ઉપયોગ કરવામાં આવી રહ્યો છે. વાસ્તવમાં, ડ્રોનને પાણી અથવા કદાચ ગેસ ધરાવતી પાઇપ સાથે જોડવામાં આવ્યું છે, જેમાંથી પાણી અથવા ગેસ સામેથી બહાર આવી રહ્યો છે. આ ડ્રોન હવામાં ઉડીને બિલ્ડિંગમાં લાગેલી આગને ઓલવવાનો પ્રયાસ કરી રહ્યા છે, જ્યારે ફાયર બ્રિગેડના જવાનો નીચે ઊભા છે, જેઓ ડ્રોનને કંટ્રોલ કરી રહ્યાં છે.

આ ટેક્નોલોજીનો સૌથી મોટો ફાયદો એ છે કે સૌથી ગંભીર આગને પણ સરળતાથી ઓલવી શકાય છે અને તેમાં જીવને કોઈ ખતરો નથી. આ વીડિયો જોઈને લોકો આશ્ચર્યચકિત થઈ ગયા છે, કારણ કે ભાગ્યે જ કોઈએ ડ્રોનને ઈમારતમાં લાગેલી આગ ઓલવતા જોયા હશે.

#FireBrigades will be past #Drones in FireFighting 💐💐 pic.twitter.com/TAmyK9sKt8

— Rupin Sharma (@rupin1992) May 23, 2022

આ ચોંકાવનારો વીડિયો IPS ઓફિસર રુપિન શર્માએ પોતાના ટ્વિટર હેન્ડલ પર શેર કર્યો છે અને કેપ્શનમાં લખ્યું છે કે ફાયર બ્રિગેડ જૂની થઈ ગઈ છે, હવે ડ્રોન ફાયર ફાઈટરનો જમાનો આવી ગયો છે. લોકોને આગ ઓલવવાની આ પદ્ધતિ ખૂબ પસંદ છે. એક યુઝરે લખ્યું, ‘ઓછા સમયમાં ત્યાં પહોંચી તો શકાશે, નહીં તો ફાયર બ્રિગેડ આવે ત્યાં સુધીમાં આગ સામાન્ય રીતે કાબૂમાં નથી આવતી’, જ્યારે અન્ય એક યુઝરે લખ્યું, ‘વાહ… આ ખૂબ જ અસરકારક છે’.