DySP Hima Das : હું શાળાના દિવસોથી જ પોલીસ બનવા માંગતી હતી, જાણે સપનું થયું સાકાર
આસામના મુખ્યમંત્રી સર્વાનંદ સોનોવાલે શુક્રવારે ભારતીય રમતવીર હિમા દાસને (Hima Das)ને DySPના પદ પર નિયુક્તિનો નિમણૂક પત્ર આપવાની ઔપચારિકતા નિભાવી હતી.
એશિયન ગેમ્સની ગોલ્ડ મેડલિસ્ટ હિમા દાસને આસામ પોલીસમાં પોલીસ નાયબ અધિક્ષક એટલે કે DySPના પદ પર નિયુક્ત કરવામાં આવી છે.આસામના મુખ્યમંત્રી સર્વાનંદ સોનોવાલે શુક્રવારે ભારતીય રમતવીર હિમા દાસને (Hima Das)ને નિમણૂકનો પત્ર આપવાની ઔપચારિકતા નિભાવી હતી. રાજ્યની ‘ઇન્ટિગ્રેટેડ સ્પોર્ટ્સ પોલિસી’ હેઠળ હિમ દાસને નિમણૂક આપવામાં આવી છે.
આ પ્રસંગે CM Sarvanand Sonevalએ નવનિયુક્ત DySP Hima Das અને તેમના પરિવારજનોને અભિનંદન પાઠવ્યા હતા. ઉલ્લેખનીય છે કે યુવાનોમાં રમત-ગમત ક્ષેત્રે રુચિ વધે તેના માટે થઈને “Integrated Sports Policy” હેઠળ નિમણૂક આપવામાં આવી છે. મુખ્ય પ્રધાન સોનોવાલે કહ્યું કે, “રાજ્ય સરકારે દોડવીર હિમા દાસને આસામ પોલીસમાં નાયબ પોલીસ અધિક્ષક તરીકે નિયુક્ત કર્યા છે કારણ કે રાષ્ટ્રીય અને આંતરરાષ્ટ્રીય સ્તર પર તેમની સિદ્ધિઓથી તેમણે રાજ્યને ગૌરવ અપાવ્યું છે.
આ અવિસ્મરણીય પ્રસંગે હિમ દાસે પોતાના બચપણને યાદ કરતાં કહ્યું કે “હું શાળાના દિવસથી જ પોલીસ અધિકારી બનવા માંગતી હતી. મારી માતાનું પણ આ જ સ્વપ્ન હતું. તે હંમેશાં મને દુર્ગાપૂજા દરમિયાન આશીર્વાદ આપતા હતા. મારા માતા ઇચ્છતા હતા કે હું આસામ પોલીસમાં સેવા આપું. આ સિદ્ધિ રમતના લીધે મળી રહી છે. હિમા દાસે વધુમાં કહ્યું, “આસામ પોલીસ માટે કામ કરતી વખતે પણ હું મારી કારકીર્દિ ચાલુ રાખીશ. સાથે સાથે હું આસામને હરિયાણા જેવી રમતોમાં શ્રેષ્ઠ પ્રદર્શન કરનાર રાજ્ય બનાવવાનો પ્રયત્ન કરીશ.