કાચબાને જીવતો ગળવાની તૈયારીમાં હતો મગર, અચાનક એવુ થયું કે મોતના મુખમાંથી બચી ગયો કાચબો, જુઓ Viral Video
આમ તો સોશિયલ મીડિયા પર ઘણા પ્રકારના વીડિયો વાયરલ થતા હોય છે, પરંતુ આ વીડિયો ખુબ જ આશ્ચર્યચકિત કરે તેવો છે કારણ કે કાચબો મગરના મોં માંથી જીવતો બહાર આવી જાય છે.
મગરના જડબામાંથી બચવું અશક્ય છે. પરંતુ એક કાચબો એટલો ભાગ્યશાળી હતો કે તે મગરના મોઢામાંથી જીવતો બચી ગયો. હવે આ ઘટનાની ચોંકાવનારી ક્લિપ સોશિયલ મીડિયા પર વાયરલ થઈ રહી છે, જેને જોઈને લોકો કહી રહ્યા છે કે આને નસીબ કહેવાય. આમ તો સોશિયલ મીડિયા પર ઘણા પ્રકારના વીડિયો વાયરલ થતા હોય છે, પરંતુ આ વીડિયો ખુબ જ આશ્ચર્યચકિત કરે તેવો છે કારણ કે કાચબો મગરના મોં માંથી જીવતો બહાર આવી જાય છે.
આ પણ વાંચો: Viral Video: આનંદ મહિન્દ્રાએ વીડિયો શેયર કરી ચેતવ્યા, કહ્યું ‘બચીને રહો, AI નો થઈ શકે છે ખતરનાક ઉપયોગ’
આ ક્લિપ ટ્વિટર હેન્ડલ @everglades પરથી પોસ્ટ કરવામાં આવી છે, જેને લોકો ખૂબ પસંદ કરી રહ્યા છે. સેંકડો યુઝર્સે પણ કાચબાના નસીબના વખાણ કર્યા છે. કારણ કે મગરના મોંમાંથી જીવતું બચવું માત્ર મુશ્કેલ જ નથી, અશક્ય છે. કેટલાક યુઝર્સે તો એમ પણ લખ્યું કે તે મૃત્યુને સ્પર્શીને પાછો આવ્યો છે.
Alligator “0” & turtle “1” – Alligator tries to eat a turtle but the turtle has other plans. “See ya later alligator!” 🐢💨🐊 #evergladesholidaypark #alligator #reptile #turtle #florida #nature #wildlife #viralvideo pic.twitter.com/Ha0r0blvff
— Everglades (@everglades) August 11, 2020
આ ટૂંકી ક્લિપમાં જોઈ શકાય છે કે એક વિશાળ મગર કાચબાને જીવતો ગળી જવાનો પ્રયાસ કરી રહ્યો છે. તે લગભગ કાચબાને ગળી જવાનો હતો ત્યારે અચાનક આખું વાતાવરણ બદલાઈ ગયું. વાસ્તવમાં, તેની સખત ઢાલને કારણે, કાચબો મગરના દાંતનું દબાણ સહન કરે છે અને તેના જડબામાંથી સરકીને જમીન પર પડી જાય છે. મગર તેના પ્રયત્નોથી થાકી જાય છે કે તરત જ કાચબો ભાગી જવાની તકનો લાભ લે છે અને પાણી તરફ જઈ પોતાનો જીવ બચાવવામાં સફળ થાય છે.
વીડિયો પર લોકો પોતપોતાની રીતે પ્રતિક્રિયા આપી રહ્યા છે જેમાં ઘણા લોકો કાચબાના નસીબના વખાણ પણ કરી રહ્યા છે તો ઘણા લોકો આ વીડિયોને શેર પણ કરી રહ્યા છે. ત્યારે એકંદરે આ વીડિયો લોકોને પસંદ આવી રહ્યો છે. મગરના મોં માથી કાચબાનો જીવ બચી જતા લોકોએ કાચબાને ભાગ્યશાળી કહ્યો હતો.