બિલાડીએ સુપરહીરોની જેમ બચાવ્યો બાળકનો જીવ, લોકો કરી રહ્યા છે વખાણ
વાયરલ ક્લિપ (Viral Video)માં જોઈ શકાય છે કે કેવી રીતે આ બિલાડી પોતાની બુદ્ધિમત્તાથી એક બાળકનો જીવ બચાવે છે. આપને જણાવી દઈએ કે આ વીડિયો જૂનો છે, પરંતુ ઈન્સ્ટાગ્રામ પર ફરીથી વાયરલ થઈ રહ્યો છે.
જો તમને બિલાડીઓ પસંદ નથી, તો કદાચ આ સમાચાર વાંચીને તમે તેમના ફેન થઈ જશો. વાસ્તવમાં, સોશિયલ મીડિયાની ‘દુનિયા’માં આ સમયે એક એવો વીડિયો વાયરલ (Cat Viral Video)થઈ રહ્યો છે, જેમાં બિલાડી જે પણ કરતી જોવા મળે છે, તે કોઈ હીરોથી ઓછી નથી. આ વીડિયો જોયા બાદ દરેક લોકો બિલાડીના જોરદાર વખાણ કરી રહ્યા છે. વાયરલ ક્લિપ (Viral Video)માં જોઈ શકાય છે કે કેવી રીતે આ બિલાડી પોતાની બુદ્ધિમત્તાથી એક બાળકનો જીવ બચાવે છે. આપને જણાવી દઈએ કે આ વીડિયો જૂનો છે, પરંતુ ઈન્સ્ટાગ્રામ પર ફરીથી વાયરલ થઈ રહ્યો છે.
વીડિયોમાં એક બાળક જમીન પર ઘૂંટણએ ચાલતું જોવા મળે છે. ત્યારે તમે બિલાડીને પલંગ પર બેઠેલી જોઈ શકો છો. પરંતુ બીજી જ ક્ષણે જે થાય છે તે જોઈને તમે ચોક્કસ બિલાડીના ચાહક બની જશો. વીડિયોમાં જોઈ શકાય છે કે બાળક સીડી તરફ જવા લાગે છે. બાળક પડવાની તૈયારીમાં છે કે તરત જ બિલાડી હીરોની જેમ એન્ટ્રી લે છે અને તેને પડતાં બચાવે છે. તમે જોઈ શકો છો કે તે બાળકને ધક્કો મારીને ત્યાંથી લઈ જાય છે. આ વીડિયો જોઈને તમે પણ કહેશો- બિલાડી સમયસર ન પહોંચી હોત તો બાળક સીડી પરથી પડી જાત. હવે આ વીડિયો જોઈને નેટીઝન્સ બિલાડીના વખાણ કરી રહ્યા છે.
24 સપ્ટેમ્બરે ઈન્સ્ટાગ્રામ પર શેર કરવામાં આવેલ આ વીડિયો નેટીઝન્સ ખૂબ પસંદ કરી રહ્યા છે. અત્યાર સુધીમાં એક લાખ લોકો તેને પસંદ કરી ચૂક્યા છે. આ સંખ્યા સતત વધી રહી છે. ત્યારે વીડિયો જોયા પછી, લોકો તેમની પ્રતિક્રિયાઓ નોંધાવી રહ્યા છે.
View this post on Instagram
એક યુઝરે પૂછ્યું છે કે, તે સમયે બાળકના માતા-પિતા ક્યાં હતા. આ રીતે એકલા છોડવા ઠીક નથી. અન્ય યુઝર કહે છે કે, આ જંગલી પ્રાણીઓ પણ કેટલા અદ્ભુત છે. અન્ય એક યુઝરે કોમેન્ટ કરતા લખ્યું કે, આ વીડિયો જોયા બાદ હું બિલાડીને પસંદ કરવા લાગ્યો. એકંદરે આ વીડિયો લોકોને ઘણો પસંદ આવી રહ્યો છે.