Amazing Video : છોકરાએ રફીના ગીત પર વગાડ્યું સેક્સોફોન, દુનિયા અદભૂત કલાની બની ચાહક
આ અદ્ભુત વીડિયો (Amazing Video) IPS ઓફિસર દીપાંશુ કાબરાએ શેયર કર્યો છે અને કેપ્શનમાં લખ્યું છે કે, 'આ જ વાસ્તવિક 'ફોકસ' છે. નાનો ઉસ્તાદ તેની મધુર, અજોડ કળામાં એટલો મગ્ન છે કે તેને ખબર પણ નથી પડતી કે તેની કલાના ચાહકો શું કરી રહ્યા છે...અદ્ભૂત પ્રદર્શન!'.
આજના બાળકો પણ આશ્ચર્યજનક રીતે પ્રતિભાશાળી બની રહ્યા છે. પોતાની અજોડ અને અદ્ભુત કળાથી તે દુનિયાભરના લોકોના દિલ જીતી લે છે. ખાસ કરીને ગાયન અને નૃત્ય ક્ષેત્રે (Dance And Music) પ્રતિભાશાળી બાળકોની કોઈ કમી નથી. આવા શો ઘણીવાર ટીવી પર પણ આવે છે, જેમાં બાળકોને તેમની પ્રતિભા બતાવવાનો મોકો મળે છે અને તે ટેલેન્ટથી તેઓ દરેકને પોતાના ફેન બનાવી લે છે. સોશિયલ મીડિયા પર વિવિધ પ્રકારના વીડિયો (Viral Videos) વારંવાર વાયરલ થતા હોય છે. જેમાં ગાવા સંબંધિત કેટલાક વીડિયોનો સમાવેશ થાય છે. આવો જ એક વીડિયો આજકાલ સોશિયલ મીડિયા પર ખૂબ જ વાયરલ થઈ રહ્યો છે. જેમાં એક છોકરાએ પોતાની અજોડ કળાથી દુનિયાને પોતાનો ફેન બનાવી દીધો છે.
ખરેખર, છોકરાએ મોહમ્મદ રફીના પ્રખ્યાત ગીત પર એવો સુંદર સેક્સોફોન વગાડ્યો કે દુનિયા જોતી રહી. વીડિયોમાં તમે જોઈ શકો છો કે છોકરો કેટલી સુંદર રીતે ઈન્સ્ટ્રુમેન્ટ વગાડી રહ્યો છે અને અન્ય સંગીતકારો પણ તેને સપોર્ટ કરી રહ્યા છે. છોકરાનું નામ હર્ષ ભાવસાર જણાવવામાં આવી રહ્યું છે. જેમાં ટેલેન્ટના કોડ ભરેલા છે. તે સેક્સોફોન વગાડે છે અને તેને એવી રીતે વગાડે છે કે વિશ્વ તેની ધૂન પર નાચે છે. જ્યારે તે સેક્સોફોન વગાડે છે, ત્યારે તે પોતે તેમાં ખોવાઈ જાય છે.
જૂઓ આ શાનદાર વીડિયો……..
ये है असली ‘फोकस’. नन्हे उस्ताद अपनी धुन में, बेमिसाल कला में इतने मगन हैं कि आज पास उनकी कला के प्रशंसक क्या कर रहे हैं, इसकी भनक तक नहीं…
अद्भुत प्रस्तुति! pic.twitter.com/2KNL4fSQwU
— Dipanshu Kabra (@ipskabra) May 23, 2022
આ અદ્ભુત અને શાનદાર વીડિયો IPS ઓફિસર દીપાંશુ કાબરાએ સોશિયલ મીડિયા પ્લેટફોર્મ ટ્વિટર પર શેયર કર્યો છે અને કેપ્શનમાં ખૂબ જ રમુજી વાત લખવામાં આવી છે. તેણે લખ્યું છે કે, ‘આ જ વાસ્તવિક ‘ફોકસ’ છે. નાનો ઉસ્તાદ તેની મધુર, અજોડ કળામાં એટલો મગ્ન છે કે તેને ખબર પણ નથી પડતી કે તેની કલાના ચાહકો આજે શું કરી રહ્યા છે…અમેઝિંગ પરફોર્મન્સ!’.
માત્ર 1 મિનિટ 42 સેકન્ડના આ વીડિયોને અત્યાર સુધીમાં 5 હજારથી વધુ વ્યૂઝ મળી ચૂક્યા છે. જ્યારે સેંકડો લોકોએ વીડિયોને લાઈક પણ કર્યો છે અને અલગ-અલગ પ્રકારના રિએક્શન આપ્યા છે. એક યુઝરે લખ્યું છે કે, ‘હર્ષ ભાવસાર અને તેની મોટી બહેન ફાની ભાવસાર, આ બે ભાઈ-બહેનો અદ્ભુત છે’, જ્યારે બીજા યુઝરે લખ્યું છે, ‘શ્રેષ્ઠ… મજા તો જૂની ધૂનમાં જ છે, આજ કલ તો બધું બકવાસ છે’.