Shocking Video: ‘સ્પાઈડર મેન’ની જેમ ગગનચુંબી ઈમારત પર ચઢ્યો 22 વર્ષનો છોકરો, ચોંકાવનારો વીડિયો થયો વાયરલ
વાયરલ થઈ રહેલા વીડિયોમાં એક છોકરો સાન ફ્રાન્સિસ્કોમાં (San Francisco) 61 માળની ઈમારત પર કોઈ આધાર વગર ચઢતો જોઈ શકાય છે. આ વીડિયો સોશિયલ મીડિયા પર આગની જેમ ફેલાઈ ગયો છે. આ વીડિયો જોયા પછી દરેક લોકો આશ્ચર્યમાં છે.
શું તમને ઊંચાઈથી ડર લાગે છે ? જો તમારો જવાબ હા છે, તો વાયરલ થઈ રહેલા આ વીડિયોને જોઈને તમારા હૃદયના ધબકારા વધી શકે છે. કારણ કે એક વ્યક્તિ અમેરિકામાં ગગનચુંબી ઈમારત (Boy Climbing Skyscraper Building) પર કોઈપણ સુરક્ષા વગર ચડ્યો હતો. વીડિયો જોઈને એવું લાગી રહ્યું છે કે, આ વ્યક્તિ પોતાને સ્પાઈડર મેન (Spider Man) સમજી રહ્યો છે. જે હોય તે પણ પોલીસે તેની આ ઉન્મત્ત કૃત્ય બદલ ધરપકડ કરી છે. પરંતુ આ વીડિયો સોશિયલ મીડિયા પર આગની જેમ ફેલાઈ ગયો છે. આ જોયા પછી દરેક લોકો આશ્ચર્યમાં છે. વીડિયોમાં છોકરો સાન ફ્રાન્સિસ્કોમાં 61 માળની ઈમારત પર કોઈ આધાર વિના ચડતો જોઈ શકાય છે.
વીડિયોમાં દેખાતા છોકરાની ઓળખ લોસ વેગાસના રહેવાસી મેસન ડેસચેમ્પ્સ તરીકે થઈ છે. 22 વર્ષીય મેસન નેવાડા યુનિવર્સિટીનો વિદ્યાર્થી છે. વાયરલ થઈ રહેલા વીડિયોમાં તમે જોઈ શકો છો કે, મેસન સ્પાઈડર મેનની જેમ ગગનચુંબી ઈમારત પર ખૂબ જ સરળતાથી ચઢી જાય છે. આ દરમિયાન બિલ્ડિંગમાં હાજર લોકો તેને જોઈને આશ્ચર્યચકિત થઈ જાય છે. કેટલાક લોકો મોબાઇલથી વીડિયો બનાવવાનું શરૂ કરે છે. રિપોર્ટ અનુસાર મેસન જે ગગનચુંબી ઈમારત પર ચઢી રહ્યો હતો તેનું નામ સેલ્સફોર્સ ટાવર છે. તેની ઊંચાઈ 1,070 ફૂટ હોવાનું કહેવાય છે. વીડિયોમાં મેસનને ગ્રે હૂડી, ગ્લોવ્સ અને પેન્ટ પહેરીને બિલ્ડિંગ પર ચડતો જોઈ શકાય છે.
આવો જોઈએ આ છોકરાનો ચોંકાવનારો સ્ટંટ
Walking to get coffee in San Francisco and this dude is just climbing a building pic.twitter.com/aTzeXLVBa8
— Trent (@BarstoolTrent) May 3, 2022
સ્થાનિક મીડિયાના અહેવાલો અનુસાર મેસનનો હેતુ ગર્ભપાત વિરોધી ચેરિટી માટે નાણાં એકત્ર કરવાનો હતો. તેણે ABC7ને કહ્યું કે, ચઢાણ ખૂબ જ મજાનું હતું. તે તેને ફરીથી કરવા માંગશે. તેની સાથે માત્ર એટલું જ ખોટું થયું હતું કે, ચઢાણના અંતે તેને તરસ અને થાક લાગ્યો હતો. તમને જણાવી દઈએ કે, મેસન પોતાને ‘સ્પાઈડર મેન’ કહે છે.