હવામાં જ વિમાનની બારી તુટી, મુસાફરોના જીવ તાળવે ચોંટી ગયા, જુઓ ભયાનક વીડિયો

અમેરિકાની અલાસ્કા એરલાઈન્સના વિમાનની બારી હવામાં જ તૂટી પડતાં તેનું ઈમરજન્સી લેન્ડિંગ કરવું પડ્યું હતું. આકાશમાં અચાનક પ્લેનના કાચ તૂટી જવાથી મુસાફરોમાં ગભરાટનો માહોલ જોવા મળ્યો હતો. એરલાઈન્સે પોતે આ અંગે માહિતી આપી છે. આ સમાચાર લખાય છે ત્યાં સુધી કોઈને ઈજા થઈ હોવાની માહિતી નથી. વિમાનમાં 6 ક્રૂ મેમ્બર અને 174 મુસાફરો સવાર હતા. પાયલોટની બુદ્ધિમત્તાને કારણે તમામ મુસાફરોનો જીવ બચી ગયો હતો.

એરલાઈન્સે કહ્યું છે કે તેઓ આ મામલે તપાસ કરશે અને કહ્યું કે પ્લેનને પોર્ટલેન્ડ ઈન્ટરનેશનલ એરપોર્ટ પર સુરક્ષિત રીતે લેન્ડ કરવામાં આવ્યું છે. પ્લેનમાં સવાર મુસાફરોએ તેને દુઃસ્વપ્ન અને પીડાદાયક અનુભવ ગણાવ્યો છે. આ ઘટનાનો એક વીડિયો પણ સામે આવ્યો છે જે વાયરલ થઈ રહ્યો છે. વીડિયોમાં સીટની નજીક એક તુટેલો ભાગ દેખાય છે. કંપનીએ કહ્યું છે કે તે તપાસ બાદ વધુ માહિતી શેર કરશે.

#BREAKING: Alaska Airlines Forced to Make an Emergency Landing After Large Aircraft Window Blows Out Mid-Air ⁰⁰#Portland | #Oregon ⁰A Forced emergency landing was made of Alaska Airlines Flight 1282 at Portland International Airport on Friday night. The flight, traveling… pic.twitter.com/nt0FwmPALE

— R A W S A L E R T S (@rawsalerts) January 6, 2024

અલાસ્કા એરલાઇન્સની ફ્લાઇટ 1282, જે ઓન્ટારિયો, કેલિફોર્નિયા તરફ જતી હતી, તે ટેકઓફ પછી લગભગ 20 મિનિટ પછી 174 મુસાફરો અને છ ક્રૂ સાથે પોર્ટલેન્ડમાં સુરક્ષિત રીતે ઉતરી,

બોઇંગે શું કહ્યું

બોઇંગે સોશિયલ મીડિયા પ્લેટફોર્મ X પર કહ્યું કે તે અલાસ્કા એરલાઇન્સની ફ્લાઇટ AS1282 સાથે સંકળાયેલી ઘટનાથી વાકેફ છે. અમે વધુ માહિતી એકત્ર કરવા માટે કામ કરી રહ્યા છીએ અને અમારા એરલાઇન ગ્રાહકના સંપર્કમાં છીએ. બોઇંગની એક ટેકનિકલ ટીમ તપાસમાં મદદ કરવા તૈયાર છે.

“Aware of the incident involving Alaska Airlines Flight AS1282. We are working to gather more information and are in contact with our airline customer. A Boeing technical team stands ready to support the investigation,” tweets Boeing.

Reuters reports that Alaska Airlines Flight… pic.twitter.com/cexYmn6fFm

— ANI (@ANI) January 6, 2024

સમાચાર એજન્સી ANIએ રોઇટર્સના અહેવાલને ટાંકીને અહેવાલ આપ્યો. સોશિયલ મીડિયા પોસ્ટમાં પ્લેનની બારી તુટી હતી. આ અકસ્માત 5 જાન્યુઆરી, શુક્રવારના રોજ થયો હોવાનું કહેવાય છે. આ પ્લેન ઓરેગોનથી કેલિફોર્નિયાના ઓન્ટારિયો માટે ઉડ્યું હતું.