‘ફરો ભારત Tv9 સાથે’ Season -1 : કરો મુલાકાત રંગીલા રાજસ્થાનના 10 પ્રવાસન સ્થળોની

ટીવીનાઇન ગુજરાતી ડિજીટલની વિશેષ રજૂઆત 'ફરો ભારત Tv9 સાથે' Season -1 માં ફરો રાજસ્થાનની 10 એવી જગ્યાઓ જ્યાં જઇને તમારુ મન પ્રફુલ્લિત થઇ જશે

  • tv9 webdesk39
  • Published On - 7:21 AM, 24 Apr 2021
1/10
કુંભલગઢ રાજસ્થાનના રાજસમન્દ જિલ્લામાં સ્થિત એક પ્રખ્યાત પર્યટન સ્થળ છે, આ સ્થળ રાજ્યના દક્ષિણી ભાગમાં સ્થિત છે અને કુંભલમેર નામથી પણ ઓળખાય છે, કુંભલગઢ કિલ્લો રાજસ્થાનનો બીજા નંબરનો સૌથી મહત્વપૂર્ણ કિલ્લો છે. તેનું નિર્માણ 15મી સદીમાં રાણા કુંભાએ કરાવ્યુ હતુ , પ્રયટકો કિલ્લાના ઉપરથી આસપાસના રમણિય દ્રશ્યોનો આનંદ લઇ શકે છે, શત્રુઓ સામે રક્ષા મેળવવા માટે તેની આસપાસ લાંબી દિવાલનું નિર્માણ કરાવવામાં આવ્યુ હતુ કહેવામાં આવે છે કે ધ ગ્રેટ વોસ ઓફ ચાઇના બાદ આ બીજા નંબરની સૌથી લાંબી દિવાલ છે.
2/10
ઉદયપુર એક સુંદર શહેર છે. તેને લેક સિટી તરીકે પણ ઓળખવામાં આવે છે. તે પોતાના શાનદાર કિલ્લા, મંદિરો, સુંદર તળાવ, સંગ્રહાલયો અને વન્યજીવ અભ્યારણો માટે પ્રસિદ્ધ છે. મહારાણા ઉદયસિંહ દ્રિતીયએ વર્ષ 1559માં આ શહેરની સ્થાપના કરી હતી. આ સ્થળ ભારતનું એક પ્રમુખ પર્યટન સ્થળ છે અને પોતાની સંસ્કૃતિ અને પરંપરા માટે પ્રખ્યાત છે
3/10
રણથંભોર રાષ્ટ્રીય ઉદ્યાન રાજસ્થાનના સવાઇમાધોપુર જિલ્લામાં સ્થિત છે, તેની ગણતરી ઉત્તરભારતના મોટા રાષ્ટ્રીય ઉદ્યાનોમાં થાય છે. અહીં વધુ પ્રમાણમાં વડના વૃક્ષ જોવા મળે છે. આ ઉદ્યાન વાઘ સંરક્ષિત ક્ષેત્ર છે. આ રાષ્ટ્રીય અભ્યારણ પોતાની સુંદરતા, વિશાળ વિસ્તાર અને વાઘોની હાજરીને કારણે વિશ્વ પ્રસિદ્ધ છે, અભ્યારણની સાથે સાથે અહીંનો ઐતિહાસીક કિલ્લો પણ લોકોને પોતાની તરફ આકર્ષિત કરે છે.
4/10
બાંસવાડા રાજસ્થાનના દક્ષિણી ભાગમાં સ્થિત એક શહેર છે. બાંસવાડા 302 મીટરની ઉંચાઇ પર સ્થિત છે તે પ્રાચીન સમયમાં એક રાજસી રાજ્ય હતું, તેની સ્થાપના મહારાજા જગમાલ સિંહે કરી હતી. તેનું નામ બાંસવાડા અહીં આવેલા વાંસના જંગલો પરથી રાખવામાં આવ્યુ હતુ. તેને સો દ્રિપોના શહેર નામથી પણ ઓળખવામાં આવે છે. અહીંથી પસાર થતી માહી નદીમાં મોટા પ્રમાણમાં દ્વિપ છે
5/10
માઉંટ આબુ રાજસ્થાનના સિરોહી જિલ્લામાં સ્થિત એક પ્રસિદ્ધ હિલ સ્ટેશન છે. તે પ્રાક્રૃતિક સુંદરતા, આરામદાયક જલવાયુ, લીલોછમ પહાડો, સુંદર તળાવ, મંદિરો અને ધાર્મિક સ્થળો માટે પ્રસિદ્ધ છે. આ સ્થાન જૈન ધર્મના પ્રસિદ્ધ તીર્થ સ્થાનોમાંનું એક છે, આ હિલ સ્ટેશન અરાવલી પર્વતની સૌથી ઉંચી ટેકરી પર 1220 મીટરની ઉંચાઇ પર સ્થિત છે. માઉંટ આબુ પાછલા કેટલાક દશકોથી હનીમૂન માટેનું લોકપ્રિય પર્યટન સ્થળ બન્યુ છે
6/10
રાજસ્થાનના પાલી જિલ્લાના સાદડીમાં સ્થિત રણકપુર જૈન મંદિર વિશ્વભરમાં પ્રખ્યાત છે. રણકપુર જૈન મંદિર ઉદયપુર અને જોધપુરની વચ્ચે અરાવલી પર્વતમાળાની વચ્ચે સ્થિત છે. જૈન મંદિર પોતાની ભવ્યતા, વિશાળતા અને સુંદરતા માટે વિશ્વમાં પ્રખ્યાત છે. આ જૈન મંદિર તીર્થંકર આદિનાથજીને સમર્પિત છે, ચારે તરફ જંગલોથી ઘેરાયેલા આ પ્રાચીન ભવ્ય મંદિરની સુંદરતા જોવી તો બને છે
7/10
રાજસ્થાનના ભરતપુર જિલ્લામાં સ્થિત આ રાષ્ટ્રીય ઉદ્યાનને કેવલા દેવ રાષ્ટ્રીય ઉદ્યાન અથવા તો ઘાના પક્ષી વિહારના નામથી ઓળખવામાં આવે છે. આ ઉદ્યાન દેશભરના પ્રસિદ્ધ અભ્યારણોમાંનું એક છે. ઠંડીની રૂતુમાં આ અભ્યારણમાં હજારો પ્રવાસી પક્ષીઓ પ્રવાસ કરવા આવે છે. આ રાષ્ટ્રીય ઉદ્યાન લગભગ 370 પક્ષીઓની પ્રજાતિઓનું ઘર છે જેને કારણે વાઇલ્ડ લાઇફ ફોટોગ્રાફર્સ અને પ્રવાસીઓ મોટી સંખ્યામાં અહીં આવે છે
8/10
ભરતપુર ભારતનું એક પ્રખ્યાત પર્યટન સ્થળ છે. તેને રાજસ્થાનનો પૂર્વ દ્વાર પણ કહેવામાં આવે છે. આ એક પ્રાચીન શહેર છે જેનું નિર્માણ 1733માં મહારાજા સૂરજમલે કરાવડાવ્યુ હતુ. શહેરનું નામ રામ ભગવાનના ભાઇ ભરતના નામ પર પાડવામાં આવ્યુ હતુ. અહીં તમે લોહગઢ કિલ્લો, ડીગ કિલ્લો, ભરતપુર મહેલ, ગોપાલ ભવન, સરકારી સંગ્રહાલય, બોંકેબિહારી મંદિર, ગંગા મંદિર, લક્ષ્મણ મંદિર વગેરે પર્યટન કેન્દ્રોની મુલાકાત લઇ શકો છો
9/10
જયપુર ભારતના જૂના શહેરોમાંનો એક છે જેને પિંક સીટીના નામે પણ ઓળખવામાં આવે છે. રાજસ્થાનની રાજધાની જયપુર અર્ધ રણ વિસ્તારમાં આવેલી છે. આ સુંદર શહેરને રાજા મહારાજા સવાઇ જયસિંહ દ્રિતિય દ્વારા બંગાળના એક વાસ્તુકલાકારની મદદ લઇને સ્થાપવામાં આવ્યુ હતુ. જયપુર ભારતનું એક માત્ર શહેર છે જેને વાસ્તુશાસ્ત્ર મુજબ બનાવવામાં આવ્યુ છે. જયપુર હિંદુ વાસ્તુકલાનુ પ્રખ્યાત ઉદાહરણ છે. જયપુર શહેર તેના કિલ્લાઓ, મહેલો અને હવેલીઓ માટે પ્રખ્યાત છે. દુનિયાભરથી મોટા પ્રમાણમાં પર્યટકો અહીંની મુલાકાત લે છે
10/10
બાડમેર રાજસ્થાનનું એક પ્રાચીન શહેર છે. આ શહેરને 13મી સદીમાં બાર રાવ દ્વારા સ્થાપિત કરવામાં આવ્યુ હતુ. પહેલા બાડમેર બહાડમેર નામથી ઓળખાતુ હતુ જેનો શાબ્દિક અર્થ થાય છે બહાડાનો પર્વત કિલ્લો. રાજસ્થાનનું આ ક્ષેત્ર સમૃદ્ધ હસ્તકલા અને પારંપરિક કલાને કારણે દુનિયાભરમાં પ્રખ્યાત છે. વિભિન્ન તહેવારો અને મેળાઓની ઉજવણી અહીં ધૂમધામથી કરવામાં આવે છે. રાવલ મલ્લિનાથની યાદમાં મનાવવામાં આવતો મલ્લિનાથ તિલવારા પશુ મેળો અહીંનો પ્રમુખ મેળો છે