પૃથ્વીથી લાખો માઇલ દૂર મંગળ પર રોવરે Ingenuity સાથે લીધી ગજબની સેલ્ફી, જુઓ તસ્વીર
મંગળ પર રોવર પર્સિવરન્સે એક સેલ્ફી લીધી છે. આ તસવીરમાં માર્સ હેલિકોપ્ટર પણ નજરે પડે છે. નાસાએ આ તસ્વીર ટ્વિટ કરીને આના વિશે માહિતી આપી હતી.
પૃથ્વીથી લાખો માઇલના અંતરે આવેલા મંગળ પર રોવર પર્સિવરન્સે એક સેલ્ફી લીધી છે. આ તસવીરમાં હેલિકોપ્ટર Ingenuity પણ નજરે પડે છે. તેને પર્સિવરન્સ મંગળ રોવરના ટ્વિટર એકાઉન્ટ પરથી પોસ્ટ કરતા નાસાએ લખ્યું છે કે ટુ બોટ્સ, વન સેલ્ફી. નાસા આગળ જણાવે છે કે જેજીરો ક્રેટર તરફથી શુભેચ્છા, જ્યાં મેં મિશનની પહેલી સેલ્ફી ક્લિક કરી છે. હું મંગળ હેલિકોપ્ટરના Ingenuity ને પણ જોઈ રહ્યો છું. જે થોડા દિવસોમાં તેની પ્રથમ ફ્લાઇટ માટે તૈયાર થઈ રહ્યું છે. તે ખરેખર ખૂબ જ બહાદુર અને અદભૂત છે.
આ ટ્વિટ પર નાસાના એસોસિયેટ એડમિનિસ્ટ્રેટર થોમસ જુરબુચેને ટ્વીટ કર્યું કે અમને મંગળથી એક પોસ્ટકાર્ડ મળ્યું છે. નાસાના પર્સિવરન્સે Ingenuity સાથે વાટ્સન કેમેરાની મદદથી સેલ્ફી લીધી છે. આ રોવરના હાથ પર લગાવેલા શેરલોક ઇન્સ્ટ્રુમેન્ટનો એક ભાગ છે. નાસાના હ્યુમન સ્પેસફ્લાઇટ પ્રોગ્રામનું નેતૃત્વ કરનાર કૈથી કહે છે કે 9 એપ્રિલ એ એક ખાસ દિવસ છે.
આ દિવસે ડો. થોમસ નાસા પર્સિવરન્સની ટીમના અન્ય નિષ્ણાતો સાથે મળીને લોકોના પ્રશ્નોના જવાબ આપશે. જેના મનમાં પ્રશ્નો હોય તે પૂછી શકે છે. તેમણે એમ પણ લખ્યું છે કે 11 એપ્રિલ પહેલા હેલિકોપ્ટર Ingenuity ઉડશે નહીં. આ પછી તેની કંટ્રોલ ફ્લાઇટ થશે, જે બીજા કોઈ ગ્રહ પર આ પ્રકારની પહેલી ફ્લાઇટ હશે.
Two bots, one selfie. Greetings from Jezero Crater, where I’ve taken my first selfie of the mission. I’m also watching the #MarsHelicopter Ingenuity as it gets ready for its first flight in a few days. Daring mighty things indeed.
Images: https://t.co/owLX2LaK52 pic.twitter.com/rTxDNK69rs
— NASA's Perseverance Mars Rover (@NASAPersevere) April 7, 2021
ચાલો તમને જણાવી દઈએ કે નાસા આ ફ્લાઇટને લઈને ખૂબ ઉત્સાહિત છે. 5 એપ્રિલે નાસાએ ટ્વીટ કર્યું હતું કે માર્સ રોવરથી Ingenuity ને બહાર કાઢ્યું હોવાની હોવાની માહિતી મળી હતી. આ પછી 6 એપ્રિલે પ્રથમ વખત, આ હેલિકોપ્ટર Ingenuity તેના પગ પર લાલ ગ્રહના ખડકાળ જમીન પર ઉભું રહ્યું. 7 એપ્રિલે નાસાએ અહેવાલ આપ્યો કે ઈંજેવિનિટીએ મંગળની સપાટી પર ઠંડકની સિઝનમાં પ્રથમ રાત સફળતાપૂર્વક પસાર કરી. નાસાને ડર હતો કે અહીં માઇનસ 90 ડિગ્રી સેલ્સિયસ તાપમાનમાં તેને નુકસાન ન થઇ જાય. પરંતુ તે થયું ન હતું. રાત વીતી ગયા પછી બરાબર અવાજ આવી રહ્યો હતો.
આ પણ વાંચો: અમેરિકા: ઘરની અંદર મૃત હાલતમાં હતું ભારતીય દંપતી, બાલ્કનીમાં રડતી રહી 4 વર્ષની દીકરી
આ પણ વાંચો: Corona Vaccine: કોરોના સામેનું યુદ્ધ કેવી રીતે જીતી શકાશે? ભારત પાસે સ્ટોકમાં માત્ર આટલા દિવસની વેક્સિન