‘મિસાઇલ મેન’ને અનોખી શ્રદ્ધાંજલી, ભારતીય રેલવેએ સ્ક્રેપમાંથી બનાવી Dr. APJ Abdul Kalam ની પ્રતિમા
ડૉ. કલામની આ પ્રતિમાનું વજન 800 કિલોગ્રામ છે અને તેની ઉંચાઇ 7.8 ફૂટ છે. તેમા જે સ્ક્રેપનો ઉપયોગ કરવામાં આવ્યો છે તેમાં નટ-બોલ્ટ. વાયર, સાબુના કન્ટેનર અને સ્પોન્જના ટુકડાઓનો ઉપયોગ થયો છે.
ભારતીય રેલવેએ પૂર્વ રાષ્ટ્રપતિને એક અનોખી રીતે શ્રદ્ધાંજલી આપી છે. રેલવે એ ડૉ. એપીજે અબ્દુલ કલામની (Dr. APJ Abdul Kalam) યાદમાં બેંગલુરુના યશવંતપુર રેલવે સ્ટેશન (Yesvantpur railway station) પર તેમની એક સુંદર પ્રતિમા સ્થાપિત કરી છે. આ પ્રતિમાને (Statue) રેલવેના એન્જીનિયર્સે દોઢ મહિનામાં બનાવીને તૈયાર કરી છે. આ મૂર્તિ બનાવવા માટે એવી ચીજ-વસ્તુઓનો ઉપયોગ થયો છે જે રેલવે વિભાગ માટે હવે નકામી થઇ ગઇ હતી. આજ કારણ છે કે આ મૂર્તી દરેક લોકો માટે આકર્ષણનું કેન્દ્ર બની છે. સૌ કોઇ જાણે છે કે ડો. એપીજે અબ્દુલ કલામને પર્યાવરણ પ્રત્યે કેટલો પ્રેમ હતો માટે સ્ક્રેપમાંથી તેમની મૂર્તી બનાવીને રેલવે વિભાગે તેમને સુંદર ટ્રીબ્યુટ આપ્યુ છે.
રેલવે તરફથી મળેલી માહિતી અનુસાર, દક્ષિણ-પશ્ચિમ રેલવેએ પૂર્વ રાષ્ટ્રપતિ ડૉક્ટર એપીજે અબ્દુલ કલામને કર્નાટકના યશંવરપુર રેલવે સ્ટેશન પર ખૂબ જ રચનાત્મક રીતે સન્માન આપવાનું કામ કર્યુ છે. ગોલ્ડન કલાકૃતિ વાળી ડૉ. કલામની આ પ્રતિમા રેલવે સ્ટેશન પર ટ્રેકની વચ્ચે ખાલી જગ્યામાં સ્થાપિત કરવામાં આવી છે.
The most creative tribute to the Missile Man & former President of India, Dr.A.P.J.Abdul Kalam by Yesvantpur Coaching Depot in SWR.
The 7.8 ft high & 800 kg heavy structure is fabricated entirely of scrap materials like Bolts,Nuts,Wire Ropes,Soap Containers & Damper pieces. pic.twitter.com/q0NoGQ2GVY
— Ministry of Railways (@RailMinIndia) July 22, 2021
ડૉ. કલામની આ પ્રતિમાનું વજન 800 કિલોગ્રામ છે અને તેની ઉંચાઇ 7.8 ફૂટ છે. તેમા જે સ્ક્રેપનો (scrap materials) ઉપયોગ કરવામાં આવ્યો છે તેમાં નટ-બોલ્ટ. વાયર, સાબુના કન્ટેનર અને સ્પોન્જના ટુકડાઓનો ઉપયોગ થયો છે. આ મૂર્તી તૈયાર કરનાર મિકેનિકલ ડિપાર્ટમેન્ટના ઇજનેરોએ માટીનું એક મોડલ તૈયાર કર્યુ હતુ અને એક પ્લાસ્ટર ઓફ પેરિસનું મોલ્ડ બનાવવામાં આવ્યુ હતુ જેના ઉપયોગથી તેમણે ઘાતુ અને બોલ્ટને પ્રતિમાના સ્વરૂપમાં ગોઠવ્યુ
વેસ્ટમાંથી બેસ્ટ બનાવવા માટે યશવંતપુર કોચિંગ ડિપો પહેલા પણ પોતાની કારીગરી બતાવી ચૂક્યુ છે. આ ટીમે પહેલા સ્વામી વિવેકાનંદની મૂર્તીથી લઇને મેક ઇન ઇન્ડિયાનું 3ડી મોડલ પણ તૈયાર કર્યુ છે.