Scam Alert ! WhatsApp પર આ મેસેજ મોકલીને હેકર્સ ખાલી કરી રહ્યા છે તમારુ બેન્ક એકાઉન્ટ

રશિયાની સિકિયોરિટી રિસર્ચરે પેકેજ ડિલીવરી સ્કેમ વિશે ચેતવણી આપી છે. તેમણે ખુલાસો કર્યો છે કે આ ચોરો ઓનલાઇન ડિલીવરી કંપનીઓના અધિકારીઓના રૂપમાં સામે આવે છે

Scam Alert ! WhatsApp પર આ મેસેજ મોકલીને હેકર્સ ખાલી કરી રહ્યા છે તમારુ બેન્ક એકાઉન્ટ
beware of a new WhatsApp Scam

કોરોના મહામારીની શરૂઆત અને લૉકડાઉન બાદ સાઇબર ક્રાઇમની ઘટનાઓ વધી રહી છે. તેવામાં હવે સિક્યોરિટી રિસર્ચરે WhatsApp યૂઝર્સને હાલમાં ચાલી રહેલા નવા ડિલીવરી સ્કેમ વિશે ચેતવણી આપી છે. સાયબર ચોર WhatsApp ના માધ્યમથી મૈલિશિયસ લિંક વાળા મેસેજ મોકલે છે અને યૂઝર્સને તેમના ઓનલાઇન ઓર્ડર વિશે સૂચિત કરે છે. નિર્દોષ લોકો આનો ભોગ બની જાય છે અને પોતાના બધા પૈસા ગુમાવી દે છે.

Kaspersky લેબની રશિયાની સિકિયોરિટી રિસર્ચરે પેકેજ ડિલીવરી સ્કેમ વિશે ચેતવણી આપી છે. તેમણે ખુલાસો કર્યો છે કે આ ચોરો ઓનલાઇન ડિલીવરી કંપનીઓના અધિકારીઓના રૂપમાં સામે આવે છે અને પછી તે યૂઝર્સને એક પેકેજ વિશે જાણકારી આપે છે જે તેમના ઘર સુધી ડિલીવર થાય છે. અપરાધીઓ યૂઝર્સને પ્રક્રિયા પૂર્ણ કરવા માટે મેસેજ સાથે આવેલી એક લિંક પર ક્લિક કરવા માટે કહે છે. પેકેજ ઘર સુધી પહોંચી ગયુ છે તે સુનિશ્ચિત કરવા માટે એક નાનુ પેમેન્ટ કરવા માટે પણ કહેવામાં આવે છે.

જ્યારે તમે Amazon અથવા તો Flipkart પરથી કોઇ સામાન ખરીદો છો તો તમને ખબર હોય છે કે તમે ઓર્ડર કર્યો થે અને તે ક્યારે તમારા સુધી પહોંચશે કારણ કે તેના માટે તમારી એપમાં
એક ટ્રેકર હોય છે. તમને પ્રોડક્ટની લોકેશન અને તેના વિશે મેસેજ દ્વારા એલર્ટ પણ મળતા રહે છે. કોઇ પણ કંપની તમને ડિલીવરી સુનિશ્ચિત કરવા માટે પેમેન્ટ કરવા નથી કહેતી. જો તમે કેશ ઓન ડિલીવરી સિલેક્ટ કર્યુ છે તો પણ નહી. ઓર્ડર પહેલા તમારી સુધી પહોંચે છે અને પછી તમારે તેના માટે પેમેન્ટ કરવાનું હોય છે.

ઓનલાઇન સ્કેમથી બચવા આ બાબતોનું ધ્યાન રાખો.

અજાણ્યા એડ્રેસ પરથી આવેલા ઇમેલને ઓપન ન કરો.

ક્યારે પણ એવી કોઇ લિંક પર ક્લિક ન કરો કે જેની વેબસાઇટ વિશે તમને ખબર ન હોય.

કોઇ પણ અજાણી વેબસાઇટ કે એપ દ્વારા તમારી ખાનગી વિગતો માંગવામાં આવે તો ન આપવી.

મેસેજમાં આવેલી કોઇ પણ લિંકને ઓપન કરવા પહેલા ચકાસણી કરી લો.

કોઇ પણ કંપની કે બેન્કના અધિકારી બનીને તમારી પાસે પેમેન્ટ ડિટેલ માંગે તો આપવી નહી.

જો તમે સાઇબર ક્રાઇમનો ભોગ બની ગયા છો તો તરત જ ફરિયાદ નોંધાવો.

આ પણ વાંચો –

Assam -Mizoram Border : સમાધાનના પ્રયાસો વચ્ચે, ગોળીબારને કારણે આસામ – મિઝોરમ સરહદ પર ફરી તણાવ વધ્યો

આ પણ વાંચો –

Sterlite Power IPO : ઉદ્યોગપતિ અનિલ અગ્રવાલ 1250 કરોડનો IPO લાવી દેવું ચૂકવશે, SEBI સમક્ષ અરજી કરી

Read Full Article

Click on your DTH Provider to Add TV9 Gujarati