SBI ની ચેતવણી: આ નંબરો મોબાઇલમાં સેવ હોય તો તુરંત કરો ડિલીટ, નહીંતર એકાઉન્ટ થઇ જશે ખાલી

આજ કાલ ઓનલાઈન ફ્રોડ વધી ગયા છે. તેમાં SBI (State Bank Of India)એ બેંકે દેશના 44 કરોડ ગ્રાહકોને એલર્ટ કરી દીધા છે.

SBI ની ચેતવણી: આ નંબરો મોબાઇલમાં સેવ હોય તો તુરંત કરો ડિલીટ, નહીંતર એકાઉન્ટ થઇ જશે ખાલી
SBI

જો તમારું ખાતું પણ દેશની સૌથી મોટી સરકારી બેંક SBI (State Bank Of India) માં છે, તો તમારા માટે આ મહત્વપૂર્ણ સમાચાર છે. બેંકે દેશના 44 કરોડ ગ્રાહકોને એલર્ટ કરી દીધા છે. SBI વેબસાઇટ અનુસાર, દેશભરમાં ઝડપથી વધી રહેલા છેતરપિંડીના કેસોથી દરેકને સાવધ રહેવાની જરૂર છે. આ સિવાય, તમારે ક્યારેય તમારા એકાઉન્ટથી સંબંધિત માહિતીને મોબાઇલમાં સાચવીને રાખવી નહીં. જો તમે તમારો ઓટીપી (વન ટાઇમ પાસવર્ડ), પિન નંબર, ડેબિટ અથવા ક્રેડિટ કાર્ડ સીવીવી અથવા એટીએમ વિગતો સેવ કરીને રાખતા હોવ તો તેને તરત જ ડિલીટ કરો … નહીં તો તમારું એકાઉન્ટ ખાલી હશે.

એસબીઆઈએ કહ્યું છે કે ગ્રાહકોએ આવી ભૂલ જરાય ન કરવી જોઈએ, જેનાથી તેમનું બેંક ખાતું ખાલી થઈ જાય. બેંકે માહિતી આપતી વખતે કહ્યું કે ફોનમાં તમારું બેંક એકાઉન્ટ અને ઓનલાઇન બેંકિંગ વિગતો ક્યારેય સેવ ન કરો.

આ નંબર્સને ફોનમાં ક્યારેય સેવ ન કરો

બેંકે કહ્યું છે કે બેંક એકાઉન્ટ નંબર, પાસવર્ડ, એટીએમ કાર્ડ નંબર અથવા તેનો ફોટો ખેંચીને પણ તમારી માહિતી સેવ ના કરો. તે લીક થવાનું જોખમ છે. આની સાથે, તમારું એકાઉન્ટ પણ સંપૂર્ણ ખાલી થઈ શકે છે.

કોઈની સાથે એટીએમ કાર્ડ શેર કરશો નહીં

આ સિવાય ગ્રાહકોએ પોતાનું એટીએમ કાર્ડ બીજા કોઈની સાથે શેર ન કરવું જોઈએ. આ કરવાથી તમારા કાર્ડની માહિતી લીક થઈ શકે છે અને કોઈપણ તમારી સાથે સરળતાથી કપટ કરી શકે છે.

જાહેર ઇન્ટરનેટનો ઉપયોગ કરશો નહીં

સ્ટેટ બેંક અનુસાર દેશના તમામ ગ્રાહકોએ કાળજી લેવી જોઈએ કે તમે પૈસાની લેણદેણ માટે જાહેર ઇન્ટરનેટનો ઉપયોગ ન કરો. તેમાં હંમેશા તમારી અંગત માહિતી લીક થવાનો ભય રહે છે.

તમને જણાવી દઇએ કે બેંક વતી કોલ કરીને અથવા એસએમએસ કરીને તમારી પાસે કોઈ ક્યારેય યુઝર આઈડી, પિન, પાસવર્ડ, સીવીવી, ઓટીપી, વીપીએ (યુપીઆઈ) જેવી સંવેદનશીલ માહિતી માંગતું નથી. જો તમને આવો કોઈ ફોન આવે છે, તો સાવચેત રહો અને કોઈ પણ માહિતી કોઈની સાથે શેર ન કરો.

 

આ પણ વાંચો: પ્લાસ્ટિકનો કચરો વિશ્વમાંથી થઇ જશે નાબૂદ? વૈજ્ઞાનિકોએ શોધ્યું એવું મશરૂમ જે પ્લાસ્ટિક ખાય છે

આ પણ વાંચો: પોલીસે પૂછ્યું માસ્ક ક્યાં છે? ભાજપ નેતાની પુત્રીએ કર્યું એવું વર્તન કે વિડીયો થઇ રહ્યો છે વાયરલ