WhatsApp Quick Replies: તમારા હાથને આપો થોડો આરામ, શોર્ટકટ મેસેજ બનાવી કરો ક્વિક રિપ્લાય, ફોલો કરો આ સરળ ટીપ્સ
જો તમે પણ ઘણી વખત એક જ મેસેજ મોકલવાથી પરેશાન છો, તો હવે ચિંતા કરશો નહી. કારણ કે WhatsAppનું ક્વિક રિપ્લાય (WhatsApp Quick Replies) ફીચર આ સમસ્યાને એક ચપટીમાં દૂર કરી દેશે. આ ફીચર કેવી રીતે કામ કરે છે તે જુઓ.
વોટ્સએપ (WhatsApp)સૌથી વધુ ઉપયોગમાં લેવાતી ઇન્સ્ટન્ટ મેસેજિંગ એપ છે. દેખીતી રીતે, WhatsAppનો ઉપયોગ મેસેજિંગ અથવા ચેટિંગ માટે થાય છે. પરંતુ કેટલાક યુઝર્સ એવા હોય છે જેમને સિલેક્ટેડ મેસેજ વારંવાર મોકલવાના હોય છે. ખાસ કરીને કામ માટે વોટ્સએપનો ઉપયોગ કરતા યુઝર્સમાં આ સમસ્યા જોવા મળે છે. જો તમે પણ ઘણી વખત એક જ મેસેજ મોકલતા હેરાન થયા છો, તો હવે ચિંતા કરશો નહી. કારણ કે WhatsAppનું ક્વિક રિપ્લાય (WhatsApp Quick Replies) ફીચર આ સમસ્યાને એક ચપટીમાં દૂર કરી દેશે. આ ફીચર કેવી રીતે કામ કરે છે તે જુઓ.
ક્વિક રિપ્લાઈ ફીચર
વોટ્સએપ ક્વિક રિપ્લાય ફીચરનો ઉપયોગ માત્ર WhatsApp બિઝનેસ એપ યુઝર્સ જ કરી શકે છે. વ્હોટ્સએપ બિઝનેસ એપ યુઝર્સ શોર્ટકટ મેસેજ બનાવવા માટે ક્વિક રિપ્લાયનો ઉપયોગ કરી શકે છે. આમાં, તમે સૌથી વધુ મોકલેલા સંદેશાઓ ઉમેરી શકો છો. જો યુઝર્સ ઇચ્છે તો ક્વિક રિપ્લાય માટે ઇમેજ અને વીડિયો જેવી મીડિયા ફાઇલો પણ એડ કરી શકાય છે.
મેસેજ એડ કરવાની રીત
ક્વિક રિપ્લાયમાં 50 જેટલા શોર્ટકટ મેસેજ સ્ટોર કરી શકાય છે. જો તમે ક્વિક રિપ્લાયમાં મેસેજ એડ કરવા માંગતા હો, તો પ્રક્રિયા ખૂબ જ સરળ છે. સૌથી પહેલા તમારે WhatsApp Business એપ ઓપન કરવી પડશે. તે પછી ‘મોર’ વિકલ્પ પર ટેપ કરો. ‘બિઝનેસ ટૂલ્સ’ પર ટેપ કર્યા પછી, ‘ક્વિક રિપ્લાય’ વિકલ્પ પસંદ કરો. તમારી પસંદગીનો કોઈપણ સંદેશ ઉમેરવા માટે, ‘શોર્ટકટ’ અને પછી ‘સેવ’ પર ટેપ કરો.
આ રીતે જુઓ ડિફોલ્ટ ક્વિક રિપ્લાય
ડિફોલ્ટ રિપ્લાય જોવા માટે, કોઈપણ ચેટ ખોલો અને મેસેજમાં ‘/’ લખો. આ સિવાય, તમે અટેચ પર ટેપ કર્યા પછી ક્વિક રિપ્લાય પણ પસંદ કરી શકો છો. જો તમે અટેચમેન્ટ દ્વારા ક્વિક રિપ્લાય સેન્ડ કરવા માગો છો તો તે કેવી રીતે કરવું તે અહીં છે.
- તમે જ્યાં સંદેશ મોકલવા માંગો છો તે ચેટ ખોલો.
- એટેચ પર ટેપ કરો
- ક્વિક રિપ્લાય પર ટેપ કરો
- હવે ઇચ્છિત શોર્ટકટ સંદેશ પસંદ કરો.
- પસંદ કરેલ સંદેશ આપમેળે ટેક્સ્ટ ઇનપુટ ફીલ્ડમાં દેખાશે.
- જો તમે ઇચ્છો તો, તમે કેટલાક ફેરફારો કરવા માટે સંદેશમાં ફેરફાર કરી શકો છો, અન્યથા તેને સીધો મોકલી શકો છો.
ક્વિક રિપ્લાય કરવાની રીત
જો તમે ટેક્સ્ટ ઇનપુટ ફીલ્ડમાંથી ક્વિક રિપ્લાય આપવા માંગતા હો, તો ચેટ ખોલો અને ‘/’ લખો. અહીં તમે ડિફોલ્ટ ક્વિક રિપ્લાય સહિત તમે ઉમેરેલા તમામ શોર્ટકટ સંદેશાઓ જોશો. ક્વિક રિપ્લાય માટે તમે જે પણ સંદેશ મોકલવા માંગો છો તેને પસંદ કરો. પસંદ કર્યા પછી, તે સંદેશ આપોઆપ ટેક્સ્ટ ઇનપુટ ફીલ્ડમાં આવશે. જો તમે ઇચ્છો તો તમે તેને સંપાદિત કરી શકો છો, અન્યથા ફક્ત તેને મોકલો.