Tech News: નકલી કોલ કરીને કોઈ નહીં કરી શકે પરેશાન, ફોન પર જ દેખાશે અસલી ઓળખ, TRAI લાવી રહ્યું છે નવા નિયમો
આ નવી KYC આધારિત પ્રક્રિયા DoT ના ધોરણો અનુસાર હશે. KYC આધારિત પ્રક્રિયા કોલર્સને તેમના KYC (Know Your Customer) મુજબ ઓળખવામાં મદદ કરશે.
સરકાર દ્વારા મોબાઈલ કોલિંગની દિશામાં મોટો ફેરફાર કરવામાં આવી રહ્યો છે. ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI) ટૂંક સમયમાં કેવાયસી (KYC)આધારિત પ્રક્રિયા શરૂ કરવા જઈ રહી છે. જેના કારણે તમારા મોબાઈલની સ્ક્રીન પર કોલરનું નામ દેખાશે, જે ટ્રુકોલર (TrueCaller) જેવું જ લાગે છે. પરંતુ વાસ્તવમાં એવું નથી. ખરેખર, TrueCaller પર દેખાતા નામમાં છેતરપિંડી થવાની સંભાવના છે. પરંતુ સરકાર દ્વારા શરૂ કરવામાં આવનાર KYC આધારિત પ્રક્રિયાના અમલ પછી કૉલિંગ દરમિયાન દેખાતા નામો એકદમ સાચા હશે. આ માટે વ્યક્તિનો નંબર મોબાઈલમાં સેવ કરવો જરૂરી નથી. આ મામલે TRAI વતી DoT સાથે પરામર્શ શરૂ કરવામાં આવ્યો છે. ટ્રાઈના ચેરમેન પીડી વાઘેલાએ જણાવ્યું હતું કે થોડા મહિનામાં આ અંગે ચર્ચા શરૂ થવાની અપેક્ષા છે.
કૉલ કરનાર વ્યક્તિ ઓળખ છુપાવી શકશે નહીં
આ નવી KYC આધારિત પ્રક્રિયા DoTના ધોરણો અનુસાર હશે. KYC આધારિત પ્રક્રિયા કોલર્સને તેમના KYC (Know Your Customer) મુજબ ઓળખવામાં મદદ કરશે. આ પ્રક્રિયામાં ટેલિકોમ કંપનીઓએ તમામ ગ્રાહકોના KYCના નામે સત્તાવાર નામ, સરનામું દાખલ કરવાનું રહેશે. આ સિવાય મતદાર આઈડી કાર્ડ, ડ્રાઈવિંગ લાઇસન્સ અથવા વીજળી બિલની રસીદ દસ્તાવેજ તરીકે આપવાની રહેશે. જેના કારણે છેતરપિંડીની શક્યતા ઘણી ઓછી થઈ જશે. એકવાર નવી KYC આધારિત પ્રક્રિયા લાગુ થઈ ગયા પછી, કૉલર તેની ઓળખ છુપાવી શકશે નહીં.
KYC આધારિત પ્રક્રિયા ફરજિયાત રહેશે
કેવાયસી પ્રક્રિયા બધા માટે ફરજિયાત હશે કે કેમ તે અંગે હાલમાં કોઈ માહિતી નથી. જો કે એ જરૂરી છે કે આ નવી પ્રક્રિયામાં બિનજરૂરી કોમર્શિયલ કોમ્યુનિકેશન (UCC) અથવા સ્પામ કોલ અને મેસેજની સમસ્યાથી છુટકારો મળી જશે. ઉપરાંત, છેતરપિંડી કોલિંગને રોકવા માટે બ્લોકચેન ટેક્નોલોજી પણ લાગુ કરવામાં આવી છે.
મોબાઈલની ટેકનિકલ બાબતોને લઈ અમારી Tech Masterની વિશેષ સિરીઝમાં અમે મોબાઈલ સ્ક્રીનના પ્રકારો તથા બેટરીમાં mAh શું હોય છે તેમજ RAM અને ROM શું છે તેમજ Resolution શું છે તેના વિશે વિગતે માહિતી આપી છે, જે વાંચવા અહીં ક્લિક કરો, આવી જ રસપ્રદ માહિતી માટે અમારી સાથે જોડાયેલા રહો, અમે ટૂંક સમયમાં આ વિષય પર વધુ માહિતી અને કંઈક નવું લઈને આવીશું.