Tech News: Twitter યુઝર્સને સ્ક્રીનશોટ લેવાથી રોકી રહી છે કંપની, જાણો શું છે કારણ

TV9 GUJARATI

TV9 GUJARATI | Edited By: Pankaj Tamboliya

Updated on: Oct 10, 2022 | 1:25 PM

ટ્વિટર કોઈપણ ટ્વીટનો સ્ક્રીનશોટ (Screenshots) લેવાનો પ્રયાસ કરતા યુઝર્સને પોપઅપ પણ બતાવી રહ્યું છે, જેમાં ડાયરેક્ટ ટ્વીટ શેર કરવાનો વિકલ્પ આપવામાં આવી રહ્યો છે.

Tech News: Twitter યુઝર્સને સ્ક્રીનશોટ લેવાથી રોકી રહી છે કંપની, જાણો શું છે કારણ
Twitter
Image Credit source: File Photo

માઇક્રો બ્લોગિંગ પ્લેટફોર્મ ટ્વિટરે (Twitter)લોકોને ટ્વીટનો સ્ક્રીનશોટ શેર કરવાને બદલે ટ્વીટની લિંક શેર કરવા કહ્યું છે. ટ્વિટર યુઝર્સને આનાથી સંબંધિત એક નોટિફિકેશન મળી રહ્યું છે, જેમાં તેમને સ્ક્રીનશોટની જગ્યાએ ટ્વીટની લિંક શેર કરવાનું કહેવામાં આવી રહ્યું છે. ટ્વિટર કોઈપણ ટ્વીટનો સ્ક્રીનશોટ (Screenshots) લેવાનો પ્રયાસ કરતા યુઝર્સને પોપઅપ પણ બતાવી રહ્યું છે, જેમાં ડાયરેક્ટ ટ્વીટ શેર કરવાનો વિકલ્પ આપવામાં આવી રહ્યો છે.

પૉપ-અપને સૌપ્રથમ એપ્લિકેશન સંશોધક જેન મંચુન વોંગ દ્વારા જોવામાં આવ્યું હતું. શુક્રવારે ટ્વિટર પર આ અપડેટ શેર કરતાં વોંગે કહ્યું, “ટ્વિટર મને ટ્વીટનો સ્ક્રીનશોટ લેવાને બદલે ટ્વીટ શેર કરવા અથવા લિંકને કોપી કરવા માટે સમજાવવાનો પ્રયાસ કરી રહ્યું છે.” મીડિયા રિપોર્ટ્સ અનુસાર, ટ્વિટર ઇચ્છે છે કે લોકો આ પ્લેટફોર્મ પર શક્ય તેટલી વધુ વાતચીત કરે, તેથી જ તે લોકોને ટ્વીટની લિંક શેર કરવા માટે કહી રહ્યું છે.

ટ્વિટર હરીફ પ્લેટફોર્મ પર સ્ક્રીનશૉટ્સને બદલે લિંક્સ જોવા માંગે છે

યુનાઇટેડ કિંગડમ (યુકે) ની સરકારમાં સોશિયલ મીડિયા કન્સલ્ટન્ટ અને સોશિયલ મીડિયાના ભૂતપૂર્વ વડા, મેટ નવરાએ શુક્રવારે જણાવ્યું હતું કે ટ્વિટર ઇચ્છે છે કે પ્લેટફોર્મ પર સક્રિય વપરાશકર્તાઓ હરીફ પ્લેટફોર્મ પર સ્ક્રીનશૉટ્સને બદલે ટ્વિટ જુએ. ધ વર્જના એક અહેવાલ અનુસાર, પોપ-અપ એ એક નવું માઇનોર અપડેટ છે જેનું ટ્વિટર ટેસ્ટિંગ કરી રહ્યું છે જેથી લોકો માઇક્રોબ્લોગિંગ પ્લેટફોર્મનો વધુ ઉપયોગ કરી શકે.

ટ્વિટરના પ્રવક્તા શાઓકી એમડોએ ધ વર્જને જણાવ્યું હતું કે સ્ક્રીનશોટને બદલે ટ્વીટ શેર કરવાનો સંકેત iOS વપરાશકર્તાઓના નાના ગ્રુપ સાથેના એક ટેસ્ટિંગ પર આધારિત હતો. ઓગસ્ટમાં, ટ્વિટરે એક ટેસ્ટિંગની જાહેરાત કરી હતી જે સંભવિત નવા વપરાશકર્તાઓને પ્રોફાઇલ બનાવ્યા વિના માઇક્રોબ્લોગિંગ પ્લેટફોર્મનું ટ્રાયલ કરવાની મંજૂરી આપે છે.

આપને જણાવી દઈએ કે, પહેલા એવા સમાચાર આવ્યા હતા કે Tiktok અને Reels જેવા યુઝર્સના વીડિયો એક્સપિરિયન્સ વધારવા માટે ટ્વિટરે તેના પ્લેટફોર્મ પર શોર્ટ વીડિયો સેગમેન્ટ બનાવ્યું છે. એક બ્લોગ પોસ્ટમાં, ટ્વિટરે જણાવ્યું હતું કે કંપની તેના વીડિયો પ્લેયરને અપડેટ કરી રહી છે તેમજ વપરાશકર્તાઓ માટે એક્સપ્લોર ટેબ ઉમેરી રહી છે. બ્લોગ પોસ્ટમાં જણાવવામાં આવ્યું છે કે આ ટેબમાં યુઝર્સને ટ્વિટર પર શેર કરવામાં આવેલ સૌથી લોકપ્રિય વીડિયો જોવા મળશે.

Latest News Updates

Follow us on

Related Stories

Most Read Stories

Click on your DTH Provider to Add TV9 Gujarati