Ukraine Russia War: ફેસબુક-ટ્વીટરે યુક્રેન વિરોધી એકાઉન્ટ્સ કર્યા ડિલીટ, રશિયા ટુડેની યુટ્યુબ ચેનલ કરાઈ બ્લોક

Ukraine Russia War: ફેસબુક-ટ્વીટરે યુક્રેન વિરોધી એકાઉન્ટ્સ કર્યા ડિલીટ, રશિયા ટુડેની યુટ્યુબ ચેનલ કરાઈ બ્લોક
Twitter Facebook (File Photo)

ગૂગલે રશિયા ટુડે અને સ્પુટનિકની યુટ્યુબ ચેનલોને બ્લોક કરી દીધી છે. અગાઉ મેટાએ સમગ્ર યુરોપિયન યુનિયનમાં રશિયન રાજ્ય મીડિયા આઉટલેટ્સ RT અને સ્પુટનિકને પણ બ્લોક કર્યા છે.

TV9 GUJARATI

| Edited By: Pankaj Tamboliya

Mar 01, 2022 | 5:58 PM

રશિયા અને યુક્રેન (Ukraine Russia War) વચ્ચે ચાલી રહેલા યુદ્ધની વચ્ચે ફેસબુક (Facebook) અને ટ્વીટરે (Twitter) યુક્રેન વિરૂદ્ધ શેર કરવામાં આવેલ નકલી દાવાને ડીલીટ કરી દીધો છે. ફેસબુક અનુસાર આ એકાઉન્ટ્સ યુક્રેન પર રશિયાના યુદ્ધ વિશે ફેક ન્યૂઝ અને પ્રોપેગન્ડા ફેલાવી રહ્યા હતા. જે એકાઉન્ટ્સ ડિલીટ કરવામાં આવ્યા છે, તેમાંથી એક રશિયા સાથે જોડાયેલું હતું. જ્યારે બીજું બેલારુસિયન હેકર ગ્રૂપ સાથે જોડાયેલું હતું. ગૂગલે રશિયા ટુડે અને સ્પુટનિકની યુટ્યુબ ચેનલોને બ્લોક કરી દીધી છે. અગાઉ મેટાએ સમગ્ર યુરોપિયન યુનિયનમાં રશિયન રાજ્ય મીડિયા આઉટલેટ્સ RT અને સ્પુટનિકને પણ બ્લોક કર્યા છે.

ફેસબુકની પેરન્ટ કંપની મેટાના જણાવ્યા અનુસાર રશિયા, ડોનબાસ અને ક્રિમીઆના રશિયન પ્રભુત્વ ધરાવતા પ્રદેશોના લોકોએ યુક્રેન પરના રશિયન આક્રમણ વિશે ખોટી માહિતી પોસ્ટ કરી હતી, જોકે પેજના માત્ર 4,000 ફોલોઅર્સ હતા. ઘણી નકલી પ્રોફાઈલ્સ પણ ખોટી માહિતી શેર કરવામાં સામેલ હતી. મેટા તપાસમાં બહાર આવ્યું છે કે આ લોકોએ પ્રોફાઈલ પિક્ચર્સ તરીકે આર્ટિફિશિયલ ઈન્ટેલિજન્સ-જનરેટેડ હેડશોટનો ઉપયોગ કર્યો હતો અને ન્યૂઝ એડિટર, ભૂતપૂર્વ એવિએશન એન્જિનિયર અને વૈજ્ઞાનિક પ્રકાશન તરીકે પ્રસ્તુત કર્યું, ત્યારે બેલારુસ સ્થિત હેકર્સ જૂથે ઘણા એકાઉન્ટ્સ હેક કર્યા અને તેનો ઉપયોગ યુક્રેનિયન વિરોધી અને રશિયન તરફી પ્રચારને પ્રોત્સાહન આપવા માટે કર્યો.

હેકર્સે યુક્રેનમાં પત્રકારો, લશ્કરી કર્મચારીઓ અને સ્થાનિક જાહેર અધિકારીઓને નિશાન બનાવવા માટે ફિશિંગ હુમલાઓનો પણ ઉપયોગ કર્યો હતો અને હેક કરાયેલા એકાઉન્ટ્સમાંથી સંપાદિત વીડિયો શેર કર્યા હતા, જેમાં યુક્રેનિયન સૈનિકોને કમજોર તરીકે દર્શાવવામાં આવ્યા હતા અને રશિયા સામે આત્મસમર્પણ કરતા એડિટેડ વીડિયો શેર કર્યા હતા. ફેસબુકે હેકરની ઓળખ ઘોસ્ટરાઈટર તરીકે કરી છે જે કથિત રીતે બેલારુસિયન સરકાર માટે કામ કરે છે.

ટ્વીટરે કહ્યું કે એક સ્વતંત્ર સમાચાર આઉટલેટ તરીકે દર્શાવતા એકાઉન્ટે દાવો કર્યો છે કે યુક્રેનિયન સૈનિકોએ ખુલ્લા હથિયારો સાથે રશિયન સૈનિકોનું સ્વાગત કર્યું. આ એકાઉન્ટ્સમાં એવો પણ દાવો કરવામાં આવ્યો હતો કે યુક્રેનિયન સૈન્ય નાગરિકોનો માનવ ઢાલ તરીકે ઉપયોગ કરી રહ્યું છે અને પ્રતિબંધિત યુદ્ધ શસ્ત્રોનો પણ ઉપયોગ કરે છે. આ તમામ હેન્ડલ યુક્રેન ટુડે નામની સાઈટ સાથે જોડાયેલા હતા. આ એકાઉન્ટ્સ હવે કાઢી નાખવામાં આવ્યા છે.

ટ્વિટરે જણાવ્યું હતું કે 27 ફેબ્રુઆરીના રોજ ડઝનેક એકાઉન્ટ્સ કાયમી ધોરણે સસ્પેન્ડ કરવામાં આવ્યા હતા અને નીતિના ઉલ્લંઘન અને સ્પામને કારણે ઘણા એકાઉન્ટ્સ બ્લોક કરવામાં આવ્યા હતા. ટ્વીટરે કહ્યું કે તેની તપાસ ચાલુ છે અને ભવિષ્યમાં આવી વધુ કાર્યવાહી કરવામાં આવશે.

આ પણ વાંચો: Tech Tips: રોડ એક્સિડેન્ટ અને ચલણથી બચાવશે Google Maps, ડ્રાઈવિંગ દરમિયાન કરશે એલર્ટ

આ પણ વાંચો: Technology: Instagram એ અપડેટ કર્યા સિક્યોરિટી ફિચર્સ, યુઝર્સને મળશે હવે વધુ સુરક્ષા

Follow us on

Related Stories

Most Read Stories

Click on your DTH Provider to Add TV9 Gujarati