Facebookએ સપ્ટેમ્બરમાં 1,259 એકાઉન્ટ, પેજ અને ગ્રુપ હટાવી દીધા, જાણો કંપનીએ કેમ લીધો આ નિર્ણય

ફેસબુકે જાહેર ચર્ચામાં છેડછાડ કરવા માટે સપ્ટેમ્બરમાં તેની મુખ્ય એપ તેમજ ઈન્સ્ટાગ્રામમાંથી 1,259 એકાઉન્ટ્સ, પેજ અને ગ્રુપ હટાવી દીધા હતા.

Facebookએ સપ્ટેમ્બરમાં 1,259 એકાઉન્ટ, પેજ અને ગ્રુપ હટાવી દીધા, જાણો કંપનીએ કેમ લીધો આ નિર્ણય
symbolic picture

ફેસબુકે જાહેર ચર્ચામાં છેડછાડ કરવા માટે સપ્ટેમ્બરમાં તેની મુખ્ય એપ તેમજ ઈન્સ્ટાગ્રામમાંથી 1,259 એકાઉન્ટ્સ, પેજ અને ગ્રુપ હટાવી દીધા હતા. ઈરાનમાં તેણે 93 ફેસબુક એકાઉન્ટ્સ, 14 પેજ, 15 ગ્રુપ અને 194 ઈન્સ્ટાગ્રામ એકાઉન્ટ્સને દૂર કર્યા છે જે ખાસ કરીને તે દેશમાં ઘરેલુ ગ્રાહકોને લોરેસ્તાનમાં લક્ષિત કરે છે. કંપનીએ એક નિવેદનમાં જણાવ્યું હતું કે, “અમે આ પ્રવૃત્તિને આ વિસ્તારમાં શંકાસ્પદ સંકલિત બિનઅધિકૃત વર્તણૂકની અમારી આંતરિક તપાસના ભાગરૂપે શોધી કાઢી છે અને તેને ઇસ્લામિક ક્રાંતિકારી ગાર્ડ કોર્પ્સ સાથે જોડાયેલા વ્યક્તિઓ સાથે જોડી છે.”

સપ્ટેમ્બરમાં, ફેસબુકે સુદાન અને ઈરાનથી બે નેટવર્ક દૂર કર્યા હતા. બંને નેટવર્ક કોઈક રીતે પોતપોતાના દેશોની લશ્કરી સંસ્થાઓ સાથે જોડાયેલા હતા. દરેકે લશ્કરની પ્રશંસા કરવા અને વિરોધી જૂથોની ટીકા કરવા માટે સ્થાનિક વસ્તીને નિશાન બનાવી. ફેસબુકે જણાવ્યું હતું કે, આ પહેલું કન્વર્ટ-ઇફેક્ટ ઓપરેશન છે જે અમે ઇરાનમાં વિક્ષેપિત કર્યું છે, જે લગભગ સમગ્ર દેશમાં કેન્દ્રિત છે અને ઇસ્લામિક રિવોલ્યુશનરી ગાર્ડ કોર્પ્સ સાથે જોડાયેલા વ્યક્તિઓ દ્વારા ચલાવવામાં આવે છે.

સુદાનમાં ફેસબુકે 116 પેજ, 666 ફેસબુક એકાઉન્ટ, 69 ગ્રુપ અને 92 ઇન્સ્ટાગ્રામ એકાઉન્ટ્સ હટાવી દીધા છે. કંપનીએ કહ્યું, “અમને આ પ્રવૃત્તિને આ વિસ્તારમાં શંકાસ્પદ સંકલિત બિનઅધિકૃત વર્તણૂકની આંતરિક તપાસના ભાગરૂપે મળી અને તેને સુદાનની સરકાર દ્વારા સંચાલિત અર્ધલશ્કરી જૂથ સુદાનની રેપિડ સપોર્ટ ફોર્સ સાથે જોડવામાં આવી.”

ફેસબુકે સુરક્ષા માટે 13 અબજ ડોલરથી વધુનું રોકાણ કર્યું

સોશિયલ મીડિયા પ્લેટફોર્મ ફેસબુકે સપ્ટેમ્બરમાં જણાવ્યું હતું કે, તે સતત વપરાશકર્તાઓની સુરક્ષા નક્કી કરવા પર કામ કરી રહ્યું છે અને 2016થી આ ક્ષેત્ર માટે ફિક્સ ટીમો અને ટેકનોલોજીમાં 13 અબજ ડોલરથી વધુનું રોકાણ કર્યું છે. સોશિયલ મીડિયા કંપનીએ જણાવ્યું હતું કે, તેની નવીનતમ આર્ટિફિશિયલ ઇન્ટેલિજન્સની મદદથી તેણે આ વર્ષના પ્રથમ 6 મહિના દરમિયાન ત્રણ અબજ નકલી ફેસબુક એકાઉન્ટ બંધ કર્યા છે. ફેસબુક તરફથી આ ટિપ્પણી એવા સમયે આવી છે જ્યારે અમેરિકી કંપની અનેક પ્રસંગો પર ધ્યાન દોરવા છતાં ખામીઓને સુધારવામાં નિષ્ફળ રહી છે.

આ પણ વાંચો: IGNOU Exam 2021 Result: ઇગ્નૂએ જૂન પરીક્ષાનું પરિણામ જાહેર કર્યું, જાણો કેવી રીતે થશે ચેક

આ પણ વાંચા: Aryan Drug Case : આર્યનની મુશ્કેલીમાં વધારો, NCB એ પેડલર્સ સાથે આર્યનનું કનેક્શન હોવાનો કોર્ટમાં કર્યો દાવો

Read Full Article

Click on your DTH Provider to Add TV9 Gujarati