OMG ! 4 લાખ ડૉલરમાં વેચાયુ આ Apple નું કોમ્પ્યુટર, જાણો એવું તો શું છે ખાસ
આ કોમ્પ્યુટર એપલની શરૂઆત સમયે જોબ્સ અને વોઝનિયાકે બનાવેલ 200 મશીનોમાંનું એક છે. તેની ખાસ વાત એ છે કે આ કોમ્પ્યુટર હવાઈમાં જોવા મળતા અલગ પ્રકારની કોવા વુડ ફ્રેમમાં છે.
આઇકોનિક ટેક કંપની Appleનું પ્રારંભિક કમ્પ્યુટર હરાજીમાં (Auction) 4 લાખ ડૉલરમાં વેચાયું છે. આ ખાસ મશીનને હરાજીમાં ખૂબ જ ઊંચી બોલી મળી છે. આ કોમ્પ્યુટર 45 વર્ષ પહેલા કંપનીના સ્થાપકો સ્ટીવ જોબ્સ (Steve Jobs) અને સ્ટીવ વોઝનિયાકે (Steve Wozniak) પોતાના હાથેથી બનાવ્યું હતું. Apple-1 નામના આ કોમ્પ્યુટરની કેલિફોર્નિયામાં હરાજી થઇ છે માનવામાં આવી રહ્યું હતુ કે તેના પર છ લાખ ડોલર (લગભગ 4.44 કરોડ રૂપિયા) સુધીની બોલી લગાવવામાં આવી શકે છે પરંતુ આ કોમ્પ્યુટર આખરે 4 લાખ ડૉલરમાં વેચાઇ ચૂક્યુ છે.
આ કોમ્પ્યુટર એપલની શરૂઆત સમયે જોબ્સ અને વોઝનિયાકે બનાવેલ 200 મશીનોમાંનું એક છે. તેની ખાસ વાત એ છે કે આ કોમ્પ્યુટર હવાઈમાં જોવા મળતા અલગ પ્રકારની કોવા વુડ ફ્રેમમાં છે. મૂળ 200 કમ્પ્યુટર્સમાંથી, ફક્ત થોડા જ કોમ્પ્યુટર આ રીતે બનાવવામાં આવ્યા હતા. કંપનીએ મૂળરૂપે એપલ-1ને એક ઘટક ભાગ તરીકે વેચી હતી.
Apple-1 ના નિષ્ણાંત કોરી કોહેનના મતે, કમ્પ્યુટર એ જૂના ઇલેક્ટ્રોનિક્સ અને કમ્પ્યુટર ટેક કલેક્ટર્સ માટે એક જરૂરી મશીન છે, જે તેને લોકો માટે વધુ આકર્ષક બનાવે છે. ઓક્શન હાઉસ જોન મોરન ઓક્શન્સનું કહેવુ છે કે આ કોમ્પ્યુટર 1986ના પેનાસોનિક વીડિયો મોનિટર સાથે આવે છે અને અત્યાર સુધી તેના માત્ર બે જ માલિકો છે.
આ કોમ્પ્યુટર સૌપ્રથમ કેલિફોર્નિયાના રાંચો કુકામોંગામાં આવેલી ચાફી કોલેજમાં ઈલેક્ટ્રોનિક્સના પ્રોફેસરે ખરીદ્યું હતું. બાદમાં પ્રોફેસરે આ કોમ્પ્યુટર તેમના એક વિદ્યાર્થીને 1977માં વેચી દીધું હતું. માહિતી અનુસાર, આ વિદ્યાર્થીએ આ કમ્પ્યુટર ફોલ્ડને માત્ર $650 (હાલમાં લગભગ 48 હજાર રૂપિયા)માં ખરીદ્યું હતું. હવે તેની હરાજી કરવાનો નિર્ણય લેવામાં આવ્યો.
આ પણ વાંચો –
Sameer Wankhede Case: માનહાનિ અને SC/ST એક્ટ બાદ નવાબ મલિક સામે વધુ એક FIR નોંધાઈ, હવે મહિલાઓ સાથે અભદ્રતાનો કેસ
આ પણ વાંચો – Sameer Wankhede Case: માનહાનિ અને SC/ST એક્ટ બાદ નવાબ મલિક સામે વધુ એક FIR નોંધાઈ, હવે મહિલાઓ સાથે અભદ્રતાનો કેસ
આ પણ વાંચો – Chhath Puja 2021: ખરના પૂર્ણ થયા બાદ આજે પ્રથમ અર્ઘ્ય યોજાશે, સૂર્ય મંદિરો અને નદી કિનારે ઉમટી પડશે ભીડ