Alert: WhatsApp ની સિસ્ટમમાં એક મોટી ભૂલ, દૂર બેસેલું કોઈપણ કરી શકે છે તમારું એકાઉન્ટ ડિલીટ
WhatsApp ના એક બગના કારણે હેકર્સે તમને હેરાન કરવાની નવી પદ્ધતિ શોધી લીધી છે. જાણો શું છે આખી ઘટના અને આનાથી કેવી રીતે બચી શકાશે?
ફેસબુક અને હેકરોની રમત સતત ચાલુ રહે છે. ફેસબુક યુઝર્સનો ડેટા દરરોજ લીક થતો રહે છે અને હવે ફેસબુકની માલિકીની ઇન્સ્ટન્ટ મેસેજિંગ એપ WhatsAppમાં એક મોટો બગ આવ્યો છે. વોટ્સએપના આ બગનો લાભ લઈને, હેકર્સ પોતાના સ્થાનેથી બેઠા બેઠા તમારું WhatsApp એકાઉન્ટ ડિલીટ કરી શકે છે. ઘણા વપરાશકર્તાઓએ એવો દાવો પણ કર્યો છે કે તેમનું એકાઉન્ટ બ્લોક કરવામાં આવ્યું છે અને તેઓ હવે તેમના ખાતાને ફરીથી રી-કવર કરી શકતા નથી.. ચાલો આ સમગ્ર મુદ્દાને સમજીએ.
સુરક્ષા સંશોધનકર્તા લુઈસ મેરેકેજ કાર્પિંન્થો (Luis Márquez Carpintero) અને અર્નેસ્ટો કૈન્લેસ પેરેસાએ (Ernesto Canales Pereña) આ ભૂલને વોટ્સએપમાં શોધી કાઢી છે. રિપોર્ટમાં જણાવાયું છે કે આ બગને કારણે તે WhatsApp એકાઉન્ટ્સ કે જેમાં 2 ફેક્ટર ઓથેન્ટિકેશન પણ ચાલુ છે તેને પણ બ્લોક કરી શકાય છે. સંશોધનકારોએ કહ્યું છે કે આ બધું WhatsAppની બે નબળાઇઓનો લાભ લઈને કરી શકાય છે.
વોટ્સએપની પહેલી નબળાઇનો લાભ લઈને, હેકર તમારા મોબાઇલ નંબરનું WhatsApp એના ફોનમાં ઇન્સ્ટોલ કરી શકે છે, પરંતુ 6-અંકનો કોડ ન મળવાના કારણે હેકરને તમારા વોટ્સએપ એકાઉન્ટ પર રક્સેસ મળશે નહીં. જો કે વારંવાર નિષ્ફળ જવાના કારણે 12 કલાક પછી હેકરના ફોનથી વોટ્સએપ બ્લોક થઈ જશે.
હવે હેકર વોટ્સએપ સપોર્ટનો સંપર્ક કરશે અને તમારો ફોન નંબર ધરાવતા WhatsApp એકાઉન્ટને ડિ-એક્ટિવ કરવા કહેશે. આ પ્રક્રિયામાં એક નવી ઇમેઇલ આઈડીની જરૂર પડશે અને તે દરમિયાન હેકર તેની ઇમેઇલ આઈડી વોટ્સએપ સપોર્ટને આપશે. આ પછી તમારા નંબર પર WhatsApp ડિ-એક્ટિવ થઈ જશે, ત્યારબાદ તમે વોટ્સએપનો ઉપયોગ કરી શકશો નહીં.
આવી સ્થિતિમાં શું કરશો?
હવે સવાલ એ છે કે જો તમારી સાથે આવું થાય તો તમારે શું કરવું જોઈએ. આ એક નિયમિત ડી-એક્ટિવેશન પ્રક્રિયા છે, તેથી આવી સ્થિતિમાં તમારું એકાઉન્ટ કાયમ માટે બંધ નહીં થાય, પરંતુ હેકરને લીધે તમે ચોક્કસપણે 12 કલાક માટે હેરાન થઈ શકો છો. 12 કલાક પછી તમે તમારા ફોન નંબર દ્વારા ફરીથી તમારા WhatsApp એકાઉન્ટને સક્રિય કરી શકો છો.
આ પણ વાંચો: ફક્ત 21 દિવસમાં લાગશે Sputnik V વેક્સિનના બે ડોઝ, જાણો આ નવી વેક્સિન વિશે કેટલીક મહત્વપૂર્ણ વાત