Year Ender 2021: વર્ષ 2021 હોકી માટે યાદગાર રહ્યું, 41 વર્ષની રાહ પૂરી, ટીમોએ ફરી જીત્યું દેશનું દિલ

ભારતીય હોકી ટીમે, આ વર્ષે તેના પ્રદર્શનથી, દેશમાં માન્યતા અને સન્માનની ઝંખનામાં રમતમાં નવો પ્રાણ ફૂંક્યો અને તેને ઘરે-ઘરે લોકપ્રિય બનાવી છે.

Year Ender 2021: વર્ષ 2021 હોકી માટે યાદગાર રહ્યું, 41 વર્ષની રાહ પૂરી, ટીમોએ ફરી જીત્યું દેશનું દિલ
memorable year for indian hockey team
Follow Us:
TV9 Gujarati
| Edited By: | Updated on: Dec 27, 2021 | 9:48 AM

Year Ender 2021:ભારતીય હોકી (Indian Hockey) માટે આ વર્ષ ઘણું ખાસ રહ્યું છે. હોકીમાં છ વખત ગોલ્ડ મેડલ જીતનાર આ રમત દેશમાં પોતાની ઓળખ ગુમાવી રહી હતી. આવી સ્થિતિમાં તેને એક એવી જીતની જરૂર હતી, એક એવો વિજય જે ફરી એકવાર દેશની નજરમાં હોકી ટીમોને હીરો બનાવી શકે. પુરૂષ ટીમ 41 વર્ષની રાહ જોયા બાદ મેડલ જીતવામાં સફળ રહી, જ્યારે મહિલા ટીમે પોતાની હિંમત બતાવી ચાહકોનું દિલ અને વિશ્વાસ જીતી લીધો. જો કે આ પહેલા ટીમ ઈન્ડિયા (Team India)ને કોરોના, ક્વોરેન્ટાઈન અને કડક પ્રોટોકોલનો સામનો કરવો પડ્યો હતો. કોવિડ (Covid 19)ની બીજી લહેર વચ્ચે, ટીમે તાલીમ ચાલુ રાખી અને દેશને ગુમાવેલું સન્માન પરત કર્યું.

બંને ટીમો માટે છેલ્લું વર્ષ કોરોના વચ્ચે પસાર થયું હતું. જ્યારે સાઈ સેન્ટરમાં બંને ટીમના ખેલાડીઓ કોરોનાની ઝપેટમાં આવી ગયા હતા. ટીમોએ લગભગ એક વર્ષ સુધી કોઈ આંતરરાષ્ટ્રીય મેચ (International match) રમી ન હતી. માર્ચમાં, પુરુષોની ટીમ યુરોપના પ્રવાસે ગઈ હતી જ્યાં તેણે જર્મની, બ્રિટન જેવી મજબૂત ટીમોને હરાવી હતી અને જીત સાથે પરત ફર્યા હતા. મહિલા ટીમ પણ 12 મહિના બાદ આર્જેન્ટીનાના પ્રવાસે ગઈ હતી. જો કે ટીમ અહીં જીતી શકી ન હતી, પરંતુ તે હાર અને ડ્રો સાથે જ દેશમાં પરત ફરી હતી. ચાર મેચના પ્રવાસમાં ટીમ માત્ર એક ગોલ કરી શકી હતી, જે યુવા સ્ટાર લાલરેમસિયામીએ કર્યો હતો.

કોરોનાએ વધુ મેચ રમવાની તક ન આપી

અંબાણી પરિવારની દીકરી ઈશા કરતાં મોંઘા ઘરેણા તો ઘરની વહુ પાસે છે, જાણો કેટલી છે કિંમત
IPL 2024 : MS ધોનીએ ઋતુરાજ ગાયકવાડને જ કેમ કેપ્ટન તરીકે પસંદ કર્યો? પોતે જ આપ્યો જવાબ
પ્રેગનેન્સીમાં પપૈયુ ખાવાથી મીસકેરેજ થઇ શકે ? જાણો શું કહે છે ડોક્ટર્સ
નહાતી વખતે કાનમાં પાણી ભરાઈ જાય તો કેવી રીતે કરશો દૂર? જાણો અહીં
એક મહિના સુધી ભીંડાનું પાણી પીવાથી થશે આ ફાયદા
જૂનું કૂલર ઠંડી હવા નથી આપતુ, તો આ ટીપ્સ અપનાવો

જ્યારે એવું લાગતું હતું કે મેદાનમાં પરત ફરવાની સાથે જ ટીમો ફરી એકવાર જૂની લયમાં પરત ફરશે, ત્યારે ભારતમાં કોરોનાની બીજી લહેર દસ્તક દીધી. ટીમો ફરી એકવાર મેદાનની બહાર હતી. બંને ટીમો બેંગ્લોરના સાઈ સેન્ટરમાં હતી જ્યાં તેમનો ટ્રેનિંગ કેમ્પ યોજાયો હતો. ખેલાડીઓ કોવિડના કડક પ્રોટોકોલ વચ્ચે પ્રેક્ટિસ કરી રહ્યા હતા. આ દરમિયાન મહિલા ટીમની ખેલાડી વંદના કટારિયાએ તેના પિતા ગુમાવ્યા. આ મુશ્કેલ સમયમાં ટીમ પ્રેક્ટિસ કરતી રહી. બંને ટીમોના પ્રવાસ રદ કરવામાં આવ્યા હતા. ઓલિમ્પિક પહેલા ટીમોને પ્રેક્ટિસ માટે મેચ રમવાની તક મળી ન હતી. જો કે આ તૈયારી સાથે ટીમ ટોક્યો પહોંચી ગઈ હતી.

જ્યારે ભારતીય હોકી ટીમ ટોક્યો પહોંચી ત્યારે મહિલા ટીમે પાંચ મહિના સુધી આંતરરાષ્ટ્રીય મેચ રમી ન હતી જ્યારે પુરૂષ ટીમ ચાર મહિનાથી પ્રતિસ્પર્ધી સામે રમી ન હતી. સતત બીજી વખત ઓલિમ્પિક રમી રહેલી મહિલા ટીમ પોતાને સાબિત કરવા માટે બેતાબ હતી જ્યારે પુરુષોની ટીમની નજર 41 વર્ષ બાદ ઐતિહાસિક મેડલ પર હતી. બંને ટીમોએ જે વિચાર્યું તે કર્યું.

ટોક્યો ઓલિમ્પિકમાં મહિલા ટીમે દિલ જીતી લીધું હતું

મહિલા ટીમ માટે ટોક્યોની શરૂઆત સારી રહી ન હતી. ભારતીય મહિલા ટીમને જોઈને કોઈ કહી શકતું ન હતું કે ભારતીય ટીમ સેમીફાઈનલ રમશે. બ્રોન્ઝ માટે સ્પર્ધા કરશે. પ્રથમ મેચમાં નેધરલેન્ડે તેને 5-1થી કારમી હાર આપી હતી. ટીમનો સામનો જર્મનીની મજબૂત ટીમ સાથે થયો હતો, આ મેચમાં પણ ભારતને નિરાશા સાંપડી હતી અને ભારતીય ટીમ આ મેચ 2-0થી હારી ગઈ હતી. ત્યારબાદ બ્રિટને પણ ટીમ ઈન્ડિયાને 4-1થી કચડી નાખ્યું હતું. હારની હેટ્રિક બાદ ચાહકોએ આશા છોડી દીધી હતી. પરંતુ અહીંથી ટીમની વાર્તામાં વળાંક આવ્યો. દક્ષિણ આફ્રિકા સામે કરો યા મરો મેચમાં ભારતીય ટીમે 4-3થી રોમાંચક વિજય મેળવ્યો હતો.

આ પછી ટીમનો સામનો ઓસ્ટ્રેલિયા સામે હતો અને આ મેચ ચાહકો માટે ટૂર્નામેન્ટની સૌથી યાદગાર મેચ બની ગઈ હતી. ભારતે વિશ્વની સૌથી મજબૂત ટીમોમાંની એક ઓસ્ટ્રેલિયાને 1-0થી હરાવ્યું હતું. ભારતની આ જીત ચાહકો માટે મેડલથી ઓછી નહોતી. ઓસ્ટ્રેલિયા જેવી ભૂતપૂર્વ વર્લ્ડ ચેમ્પિયન ટીમ સામેની આ જીત ટીમને સેમિફાઈનલમાં લઈ ગઈ. ઓલિમ્પિકમાં પ્રથમ વખત સેમિફાઇનલ રમનાર ભારતીય ટીમને આર્જેન્ટિનાએ 2-1થી પરાજય આપ્યો હતો. આ સાથે જ તે બ્રોન્ઝ મેડલ મેચ પણ હારી ગઈ હતી. જોકે, તેણે ભારતીય ચાહકોને ગર્વ અનુભવવાની તક આપી.

ટોક્યોમાં 41 વર્ષની રાહનો અંત આવ્યો

પુરૂષોની ટીમની વાત કરીએ તો તેમના પર ઘણું દબાણ હતું. મનપ્રીત સિંહની કેપ્ટનશીપમાં ટીમ ઈન્ડિયા પાસે 41 વર્ષનો મેડલ દુષ્કાળ ખતમ થવાની આશા હતી, જે તેણે કરી બતાવ્યું. નવ ઓલિમ્પિક પછી ટીમ ઈન્ડિયા ઓલિમ્પિક પોડિયમ પર દેખાઈ. ભારતે પોતાની પ્રથમ મેચમાં ન્યુઝીલેન્ડને 3-2થી હરાવ્યું હતું. જો કે આ પછી તેને ઓસ્ટ્રેલિયાના હાથે 1-7થી કારમી હારનો સામનો કરવો પડ્યો હતો.

ત્યારબાદ ભારતે સ્પેનને 3-0 અને આર્જેન્ટિનાને 3-1થી હરાવીને ક્વાર્ટર ફાઇનલમાં પ્રવેશ કર્યો જ્યાં તેણે ગ્રેટ બ્રિટનને હરાવ્યું. સેમીફાઈનલમાં ભારતનો સામનો વર્લ્ડ ચેમ્પિયન બેલ્જિયમનો હતો જ્યાં ટીમ ઈન્ડિયાનો જાદુ ચાલ્યો નહીં અને મેચ 2-5થી હારી ગઈ. જોકે, બ્રોન્ઝ મેડલની તક હજી ગઈ નહોતી. બ્રોન્ઝ મેડલ મેચમાં ભારતે 5-4થી જીત મેળવીને દેશ માટે બ્રોન્ઝ મેડલ જીત્યો હતો.

આ પણ વાંચો : Ashes 2021: મેલબોર્ન ટેસ્ટ પર કોરોનાનું ગ્રહણ, ઈંગ્લેન્ડની ટીમમાં 4 નવા કેસ, ક્રિકેટ ઓસ્ટ્રેલિયાએ આપ્યું મોટું નિવેદન

Latest News Updates

લાલપુર ચોકડી પાસે બાઈકચાલકે કર્યો જોખમી સ્ટંટ
લાલપુર ચોકડી પાસે બાઈકચાલકે કર્યો જોખમી સ્ટંટ
સુરેન્દ્રનગરમાં અંગ દઝાડતી ગરમી, ગરમીના કારણે રસ્તાઓ સુમસામ નજરે પડ્યા
સુરેન્દ્રનગરમાં અંગ દઝાડતી ગરમી, ગરમીના કારણે રસ્તાઓ સુમસામ નજરે પડ્યા
ભાવ ન મળતા ખેડૂતોએ રસ્તા પર ટામેટા ફેંકી કર્યો વિરોધ
ભાવ ન મળતા ખેડૂતોએ રસ્તા પર ટામેટા ફેંકી કર્યો વિરોધ
અમદાવાદ ખાતે મળેલી રાજપૂત સમાજની બેઠકમાં રૂપાલાની ટિકિટ રદ કરવાની માગ
અમદાવાદ ખાતે મળેલી રાજપૂત સમાજની બેઠકમાં રૂપાલાની ટિકિટ રદ કરવાની માગ
મુંબઈના મલાડ ઈસ્ટ વિસ્તારના સેન્ટ્રલ પ્લાઝા કોમ્પ્લેક્સમાં ભીષણ આગ
મુંબઈના મલાડ ઈસ્ટ વિસ્તારના સેન્ટ્રલ પ્લાઝા કોમ્પ્લેક્સમાં ભીષણ આગ
ગોમતી નદીમાં 40 લોકો ફસાયા, ફાયર વિભાગે કર્યું રેસ્ક્યુ
ગોમતી નદીમાં 40 લોકો ફસાયા, ફાયર વિભાગે કર્યું રેસ્ક્યુ
AIMIM અને છોટુ વસાવાની ઉમેદવારી ભાજપનો ચિંતાનો વિષય બનશે?
AIMIM અને છોટુ વસાવાની ઉમેદવારી ભાજપનો ચિંતાનો વિષય બનશે?
સુરતમાં રત્નકલાકારે હીરા બદલી લીધા પણ cctv એ ભાંડો ફોડ્યો
સુરતમાં રત્નકલાકારે હીરા બદલી લીધા પણ cctv એ ભાંડો ફોડ્યો
Breaking News : લોકસભાની ચૂંટણી બાદ મંત્રીમંડળમાં થઇ શકે છે વિસ્તરણ
Breaking News : લોકસભાની ચૂંટણી બાદ મંત્રીમંડળમાં થઇ શકે છે વિસ્તરણ
Dahod : લીમડી-વરોડ ટોલબુથના ટેક્સમાં થશે વધારો
Dahod : લીમડી-વરોડ ટોલબુથના ટેક્સમાં થશે વધારો
g clip-path="url(#clip0_868_265)">