IPL 2021: આ દિગ્ગજ ખેલાડીઓ IPLમાં છેલ્લી વખત જોવા મળશે, કેટલાક નિવૃત્ત થશે અને કેટલાક ટીમોને બાય-બાય કહેશે!

IPL-2021માં કેટલાક ખેલાડીઓ છેલ્લી વખત જોવા મળી શકે છે, તેમાંથી કેટલાક નિવૃત્ત થઈ શકે છે.

TV9 Gujarati | Edited By: Nirupa Duva | Updated on: Oct 15, 2021 | 3:54 PM

: IPL 2021 આજે સમાપ્ત થશે. દુબઈ ઈન્ટરનેશનલ ક્રિકેટ સ્ટેડિયમ પર ચેન્નાઈ સુપર કિંગ્સ અને કોલકાતા નાઈટ રાઈડર્સ વચ્ચેની મેચ સમાપ્ત થતાં જ લીગની 14મી સીઝનના વિજેતા જાહેર થશે અને સંભવત: આ સાથે કેટલાક ખેલાડીઓની આઈપીએલ કારકિર્દી પણ અટકી જશે. આવતા વર્ષે IPLની મોટી હરાજી થવાની છે, જ્યાં તમામ ટીમો પોતાને એક નવો દેખાવ આપશે. આવી સ્થિતિમાં કેટલાક ખેલાડીઓ પર શરત લગાવવી મુશ્કેલ છે. અમે તમને તે ખેલાડીઓ વિશે જણાવવા જઈ રહ્યા છીએ જેમની IPL કારકિર્દી કદાચ આ સિઝન બાદ સમાપ્ત થશે.

: આ ખેલાડીઓમાં પ્રથમ નામ ચેન્નાઈ સુપર કિંગ્સના કેપ્ટન મહેન્દ્ર સિંહ ધોનીનું છે. ધોનીની આ છેલ્લી આઈપીએલ હોઈ શકે છે. તે સ્પષ્ટ નહોતું કે ધોની આગામી વર્ષે રમશે કે નહીં આ અંગે ટોસ દરમિયાન તેણે આપેલા નિવેદનમાં. હા તે ચોક્કસપણે સ્પષ્ટ હતું કે તે પીળી જર્સીમાં હશે, તે કયા સ્વરૂપમાં હશે તે ફક્ત આવતા વર્ષે જ જાણી શકાશે. ધોનીની ગણતરી IPLના સૌથી સફળ કેપ્ટનોમાં થાય છે. અત્યાર સુધી આવું માત્ર એક જ વખત થયું છે, જ્યારે ચેન્નઈની ટીમ IPL પ્લેઓફમાં પહોંચી ન હોય. ધોનીએ IPLમાં અત્યાર સુધીમાં કુલ 219 મેચ રમી છે અને 4,746 રન બનાવ્યા છે.

: ઈમરાન તાહિર ચેન્નાઈ માટે પણ રમે છે, પરંતુ તાજેતરમાં તેને અંતિમ ઈલેવનમાં સ્થાન નથી મળી રહ્યું. 41 વર્ષના આ ખેલાડીએ આ સિઝનમાં માત્ર એક મેચ રમી છે. તેની ઉંમર જોતા કોઈ પણ ટીમ તાહિર પર દાવ લગાવવાનું પસંદ કરશે નહીં. તેણે અત્યાર સુધી આઈપીએલમાં 59 મેચ રમી છે અને 83 વિકેટ પોતાના નામે કરી છે.

: સુરેશ રૈનાનું નામ પણ ચર્ચામાં છે. આ સિઝનમાં તેનું બેટ શાંત રહ્યું છે. પરિણામ એ આવ્યું કે ધોનીએ તેને ટીમની છેલ્લી કેટલીક મેચોમાં અંતિમ ઈલેનમમાં સ્થાન આપ્યું નહીં. એવી પણ સંભાવના છે કે ચેન્નાઈ તેને જાળવી રાખશે નહીં અને રૈનાના ફોર્મને ધ્યાનમાં લેતા કોઈ પણ ટીમે હરાજીમાં પણ તેના પર દાવ નહીં લગાવે.

: રૈનાના સ્થાને ચેન્નઈએ રોબિન ઉથપ્પાને અંતિમ ઈલેનનમાં સામેલ કર્યા. છેલ્લા કેટલાક સમયથી નિષ્ફળ રહેલા ઉથપ્પાએ પ્રથમ ક્વોલિફાયરમાં શાનદાર ઈનિંગ રમી હતી. પરંતુ હજુ પણ ઉથપ્પાની 35 વર્ષની ઉંમર અને છેલ્લા કેટલાક વર્ષોમાં સતત IPLમાં નિષ્ફળતા તેમના માર્ગમાં આવી શકે છે. તે લાંબા સમય સુધી કોલકાતામાં રમ્યો, પરંતુ આ ટીમે તેને છોડી દીધો. રાજસ્થાને ઉથપ્પાને ઉમેર્યો પરંતુ તે નિષ્ફળ રહ્યો. ત્યારબાદ ચેન્નઈએ ઉથપ્પાને ખરીદ્યો. આ આઈપીએલ બાદ ઉથપ્પાને એવા ખેલાડીઓની યાદીમાં પણ સામેલ કરી શકાય છે જેમની કારકિર્દી ખતમ થઈ જશે.

: હરભજનસિંહ લાંબા સમયથી ટીમ ઈન્ડિયાની બહાર છે. તે IPLમાં પણ બેન્ચ પર બેસતો રહે છે. મુંબઈ અને ચેન્નાઈ સાથે આઈપીએલ જીતનાર હરભજન હાલમાં કોલકાતામાં છે. તેણે આ સિઝનમાં ત્રણ મેચ રમી છે, પરંતુ તે એક પણ વિકેટ લઈ શક્યો નથી. હરભજન આઈપીએલમાં આગામી સિઝનમાં કદાચ જોવા નહીં મળે.