T-20 લીગ: કેપ્ટન રોહિત શર્માની અડધીસદી, KKRને જીતવા માટે 196 રનનો ટાર્ગેટ
ટી-20 લીગની 13મી સીઝનની દમદાર શરુઆત રહી છે. બુધવારે અબુધાબીમાં મુંબઈ ઈન્ડીયન્સ અને કોલકતા નાઇટ રાઇડર્સ વચ્ચે મેચ યોજાઈ. બંને વચ્ચે યોજાઈ રહેલી મેચમાં કોલકતા નાઇટ રાઈડર્સના કેપ્ટન દિનેશ કાર્તિકે પહેલા ટોસ જીતીને બોલીંગ કરવાનો નિર્ણય પસંદ કર્યો હતો. મુંબઈ ઈન્ડિયન્સ તેની પહેલી મેચ ચેન્નાઇ સુપર કિંગ્સ સામે હાર્યા બાદ કોલકતા સામે મેદાનમાં ઉતર્યુ છે. […]
ટી-20 લીગની 13મી સીઝનની દમદાર શરુઆત રહી છે. બુધવારે અબુધાબીમાં મુંબઈ ઈન્ડીયન્સ અને કોલકતા નાઇટ રાઇડર્સ વચ્ચે મેચ યોજાઈ. બંને વચ્ચે યોજાઈ રહેલી મેચમાં કોલકતા નાઇટ રાઈડર્સના કેપ્ટન દિનેશ કાર્તિકે પહેલા ટોસ જીતીને બોલીંગ કરવાનો નિર્ણય પસંદ કર્યો હતો. મુંબઈ ઈન્ડિયન્સ તેની પહેલી મેચ ચેન્નાઇ સુપર કિંગ્સ સામે હાર્યા બાદ કોલકતા સામે મેદાનમાં ઉતર્યુ છે. કોલકાતાની આ પ્રથમ મેચ છે. પ્રથમ ઇનીંગ્સમાં મુંબઇ ઇન્ડીયન્સે પારી સારી શરુઆત કરી હતી. પ્રથમ વિકેટ બીજી ઓવરમાં ઓપનર ડી કોકના સ્વરુપમાં માત્ર આઠ રનના સ્કોર પર ગુમાવી હતી. જો કે ત્યારબાદ કેપ્ટન રોહિત શર્મા અને સુર્યકુમાર યાદવે ખેલનો મોરચો સંભાળી લીધો. રોહિત શર્માએ ટી-20 લીગમાં 37મી અડધીસદી પુરી કરી. મુંબઈએ 20 ઓવરના અંતે 195 રન 05 વિકેટ ગુમાવી કર્યા હતા.
મુંબઇની બેંટીંગ
મુંબઈ ઈન્ડીયન્સની ટીમે બેટીંગ કરવાની શરુઆતમાં ડી કોકના સ્વરુપમાં પ્રથમ વિકેટ ગુમાવી હતી. બાદમાં વન ડાઉન બેટ્સમેન સુર્યકુમાર યાદવ રમતમાં આવ્યો હતો. તેણે કેપ્ટન રોહિત શર્માને સાથ સારૂ પ્રદર્શન કર્યુ હતુ. 28 બોલમાં 47 રને કર્યા ત્યારે જ યાદવ રન આઉટ થયો હતો અને આમ બીજી વિકેટ મુંબઈએ ગુમાવી હતી. સુર્યકુમાર યાદવે પેસ બોલર સંદિપની ઓવરમાં ચાર ચોગ્ગા ઝડી દીધા હતા. જોકે કેપ્ટન શર્માએ રનની જવાબદારી પોતાને શિરે સ્વિકારી હોય એમ સ્કોર બોર્ડને આગળ વધતુ રાખી ક્રિઝ પર ટકી રહ્યો હતો. તેણે તેની પારીમાં 06 છગ્ગા અને 03 ચોગ્ગા લગાવી રનનો વરસાદ કરી મેચનો ઉત્સાહ જાળવી રાખ્યો હતો. રોહિતે 54 બોલમાં 80 રન કર્યા હતા, શિવમ માવીના ફુલ ટોસ બોલને લોંગ ઓન પર ફટકારવા જતા કમિન્સના હાથે કેચ આઉટ થયો હતો. સૌરભ તિવારીએ 13 બોલમાં 21 રન કરીને કમિન્સના હાથે નરેનના બોલ પર આઉટ થયો હતો. હાર્દીક પંડ્યાએ 13 બોલમાં 18 રન કર્યા હતા અને આંદ્રે રસાલની ઓવરમાં હીટ વિકેટ થતાં આઉટ થયો હતો. તેણે એક છગ્ગો અને બે ચોગ્ગા લગાવ્યા હતા. પોલાર્ડે અંતિમ ઓવર દરમ્યાન રમતમાં હતો અને તેણે 07 બોલમાં 13 રન કર્યા હતા.
કોલકતા નાઇટ રાઈડર્સની બોંલીંગ
શિવમ માવીએ તેની શરુઆતની ઓવરમાં જ ઓપનર ક્વિન્ટન ડી કોકને પોતાને શિકાર બનાવી આઉટ કરી લીધો હતો અને આમ કેકેઆર માટે સારી શરુઆત કરી હતી. ત્યારબાદ કેપ્ટન રોહિત શર્માને પણ તેણે ફુલ ટોસ બોલમાં આઉટ કરી લેતા અંતિમ ઓવર દરમ્યાન પણ મુંબઇને નિંયંત્રિત કરવાનો પ્રયાસ કર્યો હતો. જ્યારે નારાયણ અને રસેલે એક એક વિકેટ ઝડપી હતી. ઈનીંગ્સમાં એક નો બોલ અને નવ વાઈડ બોલ નાખી 12 રન એકસ્ટ્રા આપ્યા હતા.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો