T-20:ટુર્નામેન્ટમાં ટકી રહેવા કોલકત્તાએ આજે કોઇ પણ ભોગે જીતવું રહ્યુ, રાજસ્થાન સામે આજે કોલકત્તાની ટક્કર

T-20:ટુર્નામેન્ટમાં ટકી રહેવા કોલકત્તાએ આજે કોઇ પણ ભોગે જીતવું રહ્યુ, રાજસ્થાન સામે આજે કોલકત્તાની ટક્કર

ટી-20 લીગની પ્લેઓફની દોડમાં જો અને તો વચ્ચે માં ફસેલી ટીમ, રાજસ્થાન રોયલ્સ જીતની લયને બરકરાર રાખીને રવિવારે કલકત્તા નાઇટ રાઇડર્સ સામે ઉતરી શકે છે. કલકત્તાને હરાવીને રાજસ્થાન પોતાની પ્લેઓફની આશાઓને પણ જીવતી રાખી શકે છે. આવા જ મનોબળ સાથે તે આજે મેદાનમાં ઉતરી શકે છે. અંતિમ લીગ મેચ જીતવાની સાથે 2008 ની ચેમ્પીયન રાજસ્થાન […]

Avnish Goswami

| Edited By: Bipin Prajapati

Nov 01, 2020 | 10:40 AM

ટી-20 લીગની પ્લેઓફની દોડમાં જો અને તો વચ્ચે માં ફસેલી ટીમ, રાજસ્થાન રોયલ્સ જીતની લયને બરકરાર રાખીને રવિવારે કલકત્તા નાઇટ રાઇડર્સ સામે ઉતરી શકે છે. કલકત્તાને હરાવીને રાજસ્થાન પોતાની પ્લેઓફની આશાઓને પણ જીવતી રાખી શકે છે. આવા જ મનોબળ સાથે તે આજે મેદાનમાં ઉતરી શકે છે.

અંતિમ લીગ મેચ જીતવાની સાથે 2008 ની ચેમ્પીયન રાજસ્થાન રોયલ્સે પોતાના પ્લેઓફના સ્થાન માટે, અન્ય મેચોના પરીણામ પણ પોતાની અનુકુળતા સર્જે તેવા આવે તે પણ જોવાનુ રહેશે. આ માટે કિંગ્સ ઇલેવન પંજાબનુ તેની અંતિમ મેચમાં હારવુ જરુરી છે અને સાથે જ સનરાઇઝર્સ હૈદરાબાદે પણ તેની અંતિમ રહેલી મેચમાં હાર થવી રાજસ્થાન માટે જરુરી છે. આવામાં રન રેટના આધારે જો પ્લેઓફ ના સ્થાન પંસદ થવાના સંજોગ સર્જાય તો રાજસ્થાન રોયલ્સનુ નસીબ લાગી શકે છે. આ પહેલા જોકે તેણે કલકત્તાને હરાવવુ અત્યંત જરુરી છે. જીતનુ અંતર તેના માટે જેટલુ મોટુ હશે, તેટલો જ ફાયદો સ્ટિવ સ્મિથની ટીમને મળી શકે છે. રાજસ્થાન રોયલ્સના સ્ટાર ઓલરાઉન્ડર બેન સ્ટોક્સ ફોર્મમાં આવી ચુક્યો છે. જેણે પંજાબ સામે શુક્રવારે બે વિકેટ લઇને અર્ધ શતક પણ લગાવ્યુ હતુ. વિશ્વકપ 2019 ના હિરો નો સમય પર ફોર્મમાં આવવુ એ શુભ સંકેત છે.

સંજુ સૈમસન પણ હવે શરુઆતની મેચો જેવા પ્રવાહમાં દેખાઇ રહ્યો છે. કેપ્ટન સ્મિથ સમય સંજોગોને અનુરુપ રમત રમવાનુ સારી રીતે જાણે છે. ગઇ મેચમાં પણ રોબીન ઉથપ્પાનો અનુભવ પણ કામ આવ્યો હતો. વિરોધી ટીમ જોસ બટલર અને રાહુલ તેવટીયા ને પણ હલકામાં લઇ શકતી નથી. બોલીંગમાં જોફ્રા આર્ચરે અત્યાર સુધીમાં કમાલનુ પ્રદર્શન કર્યુ છે, જેમણે ગઇ મેચમાં ક્રિસ ગેઇલને 99 ના સ્કોર પર બોલ્ડ કર્યો હતો.

બીજી તરફ કલકત્તાને માટે પ્લેઓફનો માર્ગ ખુબ જ કઠણ છે. કારણ કે તેનો રન રેટ પણ બધી જ ટીમો કરતા ખરાબ રહ્યો છે. તે જો રાજસ્થાન રોયલ્સને હરાવી દે છે અને કોઇ અન્ય ટીમ 14 અંક સુધી નથી પહોંચી શકતી તો તે સ્થાન મેળવી શકે છે. પરંતુ તે વાત અસંભવ લાગી રહી છે. આ પચી શુભમન ગીલ, નિતિશ રાણા અને ઇયોન મોર્ગન જેવા બેટ્સમેન અને વરુણ ચક્રવર્તી, પૈટ કમિન્સ, કમલેશ નાગરકોટી જેવા બોલર સારી જીત મેળવવા માટે પુરી કોશીષ કરશે.

આ પણ વાંચોઃ T-20: વિરાટ કોહલી પર આ બોલર પડી રહ્યો છે ભારે, સાત વખત કર્યો છે વિરાટને શિકાર

Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો

તમારા Telegram પર TV9 Gujarati ના સમાચાર વાંચવા માટે તુરંત આ પેજને Like કરો

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

Follow us on

Related Stories

Most Read Stories

Click on your DTH Provider to Add TV9 Gujarati