BCCIની મદદથી પાકિસ્તાન ક્રિકેટ ચાલી રહ્યું છે ! PCB ચેરમેન રમીઝ રાજાના વાયરલ વીડિયોમાં ખુલ્લું સત્ય
વીડિયોમાં રમીઝ રાજા કહી રહ્યા છે તે મુજબ એવું લાગે છે કે બીસીસીઆઈ પાકિસ્તાન ક્રિકેટનો માસ્ટર છે. જો બીસીસીઆઈ આઈસીસીને ભંડોળ અટકાવી દે તો પીસીબી સંપૂર્ણપણે બરબાદ થઈ શકે છે.
BCCI : પાકિસ્તાન ક્રિકેટ બોર્ડ (Pakistan Cricket Board) ના નવા અધ્યક્ષ રમીઝ રાજા (Ramiz Raja)નો એક વીડિયો ઝડપથી વાયરલ થઈ રહ્યો છે.
લગભગ દોઢ મિનિટના આ વીડિયોમાં રમીઝ રાજા (Ramiz Raja) કહી રહ્યા છે તે મુજબ એવું લાગે છે કે બીસીસીઆઈ પાકિસ્તાન ક્રિકેટ (Pakistan Cricket) નો માસ્ટર છે. બોર્ડ ઓફ કંટ્રોલ ફોર ક્રિકેટ ઈન ઈન્ડિયા ( Board of Control for Cricket in India) તેને ચલાવી રહ્યું છે. વાયરલ વીડિયોમાં રમીઝ રાજા (Ramiz Raja)એ કહ્યું કે જો બીસીસીઆઈ આઈસીસીને ભંડોળ અટકાવી દે તો પીસીબી સંપૂર્ણપણે બરબાદ થઈ શકે છે.
Board of Control for Cricket in India
“50% of PCB is run on ICC funding. 90% of ICC is run on BCCI funding. India is running PCB. Modi can shut down PCB the day he wants.”
– PCB Chairman, Ramiz Raja pic.twitter.com/4DOqJOQLGJ
— Amit Malviya (@amitmalviya) October 7, 2021
પીસીબી (PCB )ના નવા બોસ રમીઝ રાજાએ ખુલાસો કર્યો છે કે, પાકિસ્તાન ક્રિકેટ બોર્ડના 50 ટકા બજેટ આઈસીસી તરફથી મળતી ગ્રાન્ટમાંથી આવે છે, જ્યારે આઈસીસી (ICC )ને તેની મોટાભાગની આવક બીસીસીઆઈ પાસેથી મળે છે. આવી સ્થિતિમાં, પાકિસ્તાન ક્રિકેટ બોર્ડે આઇસીસી પર તેની નિર્ભરતા ઘટાડવાનો સમય આવી ગયો છે અને આંતર-પ્રાંતીય બાબતો પર સેનેટની સ્થાયી સમિતિ સમક્ષ ઇસ્લામાબાદમાં જણાવ્યું હતું. રમીઝ રાજાના નિવેદનનો આ વિડીયો ભાજપ આઈ સેલના વડા અમિત માલવિયાએ પોસ્ટ કર્યો છે.
આ વાયરલ વીડિયોમાં રાજા (Ramiz Raja)પણ કહેતા જોવા મળે છે કે મને ડર છે કે જો ભારત ફંડિંગ બંધ કરે તો PCB તૂટી શકે છે. કારણ કે ICC ને પાકિસ્તાન તરફથી શૂન્ય ટકા ભંડોળ મળે છે. આ બેઠકમાં રમીઝ રાજા પાકિસ્તાન ક્રિકેટ બોર્ડને આત્મનિર્ભર બનવાનું સ્વપ્ન બતાવી રહ્યા હતા. આખી દુનિયા જાણે છે કે, PCB ની હાલત શું છે. કોઈ પણ દેશ પાકિસ્તાન જઈને ક્રિકેટ રમવા માંગતો નથી. તાજેતરમાં જ ન્યુઝીલેન્ડ અને ઈંગ્લેન્ડે પણ તેમનો પાકિસ્તાન પ્રવાસ રદ કર્યો હતો, ત્યારબાદ પાકિસ્તાન ક્રિકેટ ઘણું સહન પણ કર્યુ હતું.
ભારત પાકિસ્તાન 24 ઓક્ટોબરે ટકરાશે
ભારત અને પાકિસ્તાન ટી -20 વર્લ્ડકપમાં એકબીજા સામે પોતાના અભિયાનની શરૂઆત કરશે. આ હાઇ વોલ્ટેજ મેચ 24 ઓક્ટોબરે રમાશે. દુબઈમાં બે હરીફો વચ્ચેની આ લડાઈ ફાટી નીકળશે. રમીઝ રાજા (Ramiz Raja)એ કહ્યું કે પાકિસ્તાનના એક મોટા ઉદ્યોગપતિએ તેમને વચન આપ્યું છે કે જો તેમની ટીમ વર્લ્ડ કપમાં ભારતને હરાવે તો તે બ્લેક ચેક સોંપશે.
આ પણ વાંચો : IPL 2021: દીપક ચાહરની ગર્લફ્રેન્ડ જયા ભારદ્વાજ કોણ છે, જેને લાઇવ મેચ દરમિયાન પ્રપોઝ કર્યું