US Open: ભારતીય મૂળના રાજીવ રામ ચેમ્પિયન બન્યા, મેન્સ ડબલ્સનો ખિતાબ જીત્યો
રાજીવ રામ ભારતીય મૂળના બ્રિટિશ ટેનિસ ખેલાડી છે. તેણે યુએસ ઓપન 2021માં બ્રિટનના બ્રિટન જો સેલિસબરી સાથે જોડી બનાવી હતી.
US Open: ભારતીય મૂળનો ટેનિસ સ્ટાર રાજીવ રામે (rajeev ram) તેના બ્રિટિશ સાથીદાર જો સેલિસબરી સાથે વર્ષના છેલ્લા ગ્રાન્ડ સ્લેમનું મેન્સ ડબલ્સ ટાઈટલ (Men’s doubles title) જીત્યું હતું. યુએસ ઓપનની મેન્સ ડબલ્સ ફાઈનલમાં બંને અંતિમ મેચ 3-6, 6-2, 6-2થી જીતી લીધી હતી. શુક્રવારે રમાયેલી આ મેચના પહેલા સેટમાં આ જોડી ઘણી મુશ્કેલીનો સામનો કર્યો હતો, બે સેટ જીતીને મેચ જીતી હતી.
સાતમી ક્રમાંકિત જેમી મરે અને બ્રુનો સોરેસ 2016 યુએસ ઓપન (US Open)અને ઓસ્ટ્રેલિયન ઓપન (Australian Open) પછી ત્રીજા સ્લેમ ક્રાઉન જીતવાનું ચુક્યા હતા. બ્રુનો સોરેસે ગયા વર્ષે મેટ પાવિક સાથે યુએસ ઓપન મેન્સ ડબલ ટાઈટલ જીત્યું હતું.
All the excitement for 🇺🇸 @RajeevRam & 🇬🇧 @joesalisbury92 pic.twitter.com/hDWE3eBUMA
— US Open Tennis (@usopen) September 10, 2021
જીત બાદ બંને ખેલાડીઓએ ખુશી વ્યક્ત કરી હતી
મેચ જીત્યા બાદ બ્રિટિશ ખેલાડી જો સેલિસબરીએ કહ્યું ‘તે એક સ્વપ્ન સાકાર થવા જેવું છે. રાજીવ રામ સાથે આ મેચ જીતવી અદ્ભુત છે. તે છેલ્લા ત્રણ વર્ષથી જોડીદાર છે. હું મારાથી વધુ સારી રીતે કોઈને મારી સાથે કોર્ટમાં આવવાનું કહી શકતો ન હતો. અમે આશા રાખીએ છીએ કે સાથે મળીને કેટલાક વધુ ટાઈટલ જીતીએ. ખિતાબ જીત્યા પછી રાજીવ રામે કહ્યું- ‘આ અત્યાર સુધીનો સૌથી મોટો શાનદાર પળ છે હું આનાથી વધુ સારો સાથી માગી શકતો નથી.
જોકોવિચે ફાઈનલમાં જગ્યા બનાવી
શુક્રવારે રાત્રે જ સર્બિયાના સ્ટાર નોવાક જોકોવિચે (Novak Djokovic) ટોક્યો ઓલિમ્પિક (Tokyo Olympics) ગોલ્ડ મેડલ વિજેતા એલેક્ઝાન્ડર ઝ્વેરેવની પાછળ પડ્યા બાદ પુનરાગમન કર્યું અને અદભૂત જીત મેળવી હતી. તે વર્ષના છેલ્લા ગ્રાન્ડ સ્લેમ (Grand Slam)ની ફાઈનલમાં પહોંચી ગયો છે. 20 ગ્રાન્ડ સ્લેમ જીતનાર જોકોવિચ હવે તેના કેલેન્ડર ગ્રાન્ડ સ્લેમથી માત્ર એક જીત દૂર છે.
US OPEN CHAMPIONS!!! 🇺🇸 pic.twitter.com/A3u8ZUGaf9
— Rajeev Ram (@RajeevRam) September 10, 2021
ટોચના ક્રમાંકિત ખેલાડી જોકોવિચે ઝ્વેરેવને પાંચ સેટની મેચમાં ફ્લશિંગ મીડોવ્સમાં 4-6, 6-2, 6-4, 4-6, 6-2થી હરાવીને આ સિઝનમાં મેજર ચેમ્પિયનશિપમાં તેના જીતનો રેકોર્ડ 27-0 થયો છે. હવે તે 1969થી કેલેન્ડર ગ્રાન્ડ સ્લેમ મેળવનાર પ્રથમ ખેલાડી બનવાથી માત્ર એક ડગલું દૂર છે. રોડ લીવરે 52 વર્ષ પહેલા સિઝનના તમામ ચાર ગ્રાન્ડ સ્લેમ જીત્યા હતા અને સ્ટેફી ગ્રાફ 1988માં આવું કરનાર એકમાત્ર મહિલા ખેલાડી હતી. લીવરે 1962માં પણ આ સફળતા મેળવી હતી.
આ પણ વાંચો : Yuzvendra Chahal : ટીમમાં સ્થાન ન મળ્યું તો પત્ની ધનશ્રી ભાવુક થઈ, સોશિયલ મીડિયા પર પતિ માટે લખી પોસ્ટ