IND VS SA: ચેતેશ્વર પૂજારા 0 રને આઉટ થતાં પેવેલિયન પરત ફર્યો, રાહુલ દ્રવિડે કર્યું કંઈક આવું, વીડિયો થઈ રહ્યો છે વાયરલ!

IND VS SA: ચેતેશ્વર પૂજારા 0 રને આઉટ થતાં પેવેલિયન પરત ફર્યો, રાહુલ દ્રવિડે કર્યું કંઈક આવું, વીડિયો થઈ રહ્યો છે વાયરલ!
rahul dravid reaction goes viral after cheteshwar pujara out

સેન્ચુરિયન ટેસ્ટના પહેલા દિવસે ચેતેશ્વર પૂજારા પહેલા જ બોલ પર આઉટ થયો, આ તેની કારકિર્દીની બીજી ગોલ્ડન ડક છે.

TV9 GUJARATI

| Edited By: Nirupa Duva

Dec 27, 2021 | 5:28 PM

IND VS SA: સેન્ચુરિયનની પીચ પર કેએલ રાહુલે (KL Rahul) સદી ફટકારી હતી, મયંક અગ્રવાલે શાનદાર અડધી સદી ફટકારી હતી તો બીજી તરફ ટીમ ઈન્ડિયા (Team India)ની દીવાલ ગણાતા ચેતેશ્વર પૂજારા (Cheteshwar Pujara) 0 રને આઉટ થઈ ગયો હતો. ચેતેશ્વર પૂજારા ક્રિઝ પર આવ્યો અને તેની રમત પહેલા જ બોલ પર પૂરી થઈ ગઈ. પૂજારા 0 રને આઉટ થયો હતો, પરંતુ આ પછી મુખ્ય કોચ રાહુલ દ્રવિડ (Rahul Dravid)નો આ વીડિયો સોશિયલ મીડિયા (Social media) પર વાયરલ થઈ રહ્યો છે.

ગોલ્ડન ડક માટે આઉટ થયા બાદ પૂજારાએ કપડાં બદલ્યા અને ડ્રેસિંગ રૂમમાં પ્રવેશ કર્યો. થોડી જ વારમાં રાહુલ દ્રવિડ પોતાની સીટ પરથી ઉભો થયા અને ચેતેશ્વર પૂજારા (Cheteshwar Pujara)ની પીઠ પર થપ્પો માર્યો. રાહુલ દ્રવિડની આ પ્રતિક્રિયા પર પૂજારા હસી પડ્યો. દ્રવિડ અને પૂજારાનો આ વીડિયો સોશિયલ મીડિયા પર વાયરલ થઈ રહ્યો છે. ચાહકો પૂજારા પ્રત્યે સહાનુભૂતિ ધરાવે છે અને રાહુલ દ્રવિડ (Rahul Dravid)ને સલામ કરી રહ્યા છે

પૂજારા બીજી વખત ગોલ્ડન ડક આઉટ થયો હતો

ચેતેશ્વર પુજારા માટે સેન્ચુરિયનનું મેદાન ઘણું જ અશુભ રહ્યું છે. 3 વર્ષ પહેલા 2018માં તે આ જ મેદાન પર સાઉથ આફ્રિકા સામે 0 રને આઉટ થયો હતો. પૂજારાએ તેની કારકિર્દીમાં બે વખત ગોલ્ડન ડકની પીડાનો સામનો કર્યો છે અને બંને વખત તેને સેન્ચુરિયનમાં આ ગમ મળ્યો છે. તમને જણાવી દઈએ કે ચેતેશ્વર પૂજારાએ પણ એક અનિચ્છનીય રેકોર્ડ પોતાના નામે કરી લીધો છે.

નંબર 3 પર રમી રહેલા પૂજારા સૌથી વધુ 9 વખત શૂન્ય રન પર આઉટ થનાર ભારતીય ખેલાડી બની ગયો છે. પૂજારાએ દિલીપ વેંગસરકરને પાછળ છોડી દીધા. તમને જણાવી દઈએ કે ત્રીજા નંબર પર બેટિંગ કરતી વખતે રાહુલ દ્રવિડ પણ 7 વખત શૂન્ય પર આઉટ થયો છે.

પૂજારાનો સમય ઘણો ખરાબ છે. રન બનાવનાર પુજારા છેલ્લા બે વર્ષથી સદી ફટકારી શક્યો નથી. 2021માં પૂજારાએ 25 ઈનિંગ્સમાં 28.58ની એવરેજથી 686 રન બનાવ્યા છે. વર્ષ 2021માં પૂજારા 3 વખત 0 પર આઉટ થયો છે. પૂજારાને રાહુલ દ્રવિડનો ટેકો છે, પરંતુ તેણે ટીમમાં રહેવા માટે રન બનાવવા પડશે નહીંતર તેની જગ્યા લેવા માટે ઘણા યુવા ખેલાડીઓ ઉભા છે.

આ પણ વાંચો : Year Ender 2021: મિતાલી રાજે આ વર્ષે અનેક ઈતિહાસ રચ્યા, જે ભારતીય ક્રિકેટના ઈતિહાસમાં પુરૂષ કેપ્ટન પણ કરી શક્યા નથી

Follow us on

Related Stories

Most Read Stories

Click on your DTH Provider to Add TV9 Gujarati