T20 World Cup બાદ પાકિસ્તાન ક્રિકેટ ટીમના ફાસ્ટ બોલર Usman Shinwari એ ટેસ્ટ ક્રિકેટમાંથી નિવૃત્તિની જાહેરાત કરી

T20 World Cup : પાકિસ્તાન ક્રિકેટ ટીમ(Pakistan Cricket Team) તેના શાનદાર પ્રદર્શન છતાં ICC T20 વર્લ્ડ કપ 2021(ICC T20 World Cup 2021) નું ટાઇટલ જીતવામાં નિષ્ફળ રહી. સેમીફાઈનલમાં હાર બાદ પાકિસ્તાની ટીમ સીધી બાંગ્લાદેશ (Bangladesh) ગઈ, જ્યાં તેને યજમાન ટીમ સાથે ટી20 અને ટેસ્ટ સીરીઝ રમવાની છે.

આ સીરીઝ પહેલા જ પાકિસ્તાની ટીમમાંથી નિવૃત્તિના સમાચાર આવ્યા છે. પાકિસ્તાનના ફાસ્ટ બોલર ઉસ્માન શિનવારીએ ટેસ્ટ ક્રિકેટમાંથી સંન્યાસ લેવાની જાહેરાત કરી છે. શિનવારી (Usman Shinwari) હવે માત્ર વનડે અને ટી-20માં પોતાની કારકિર્દી લંબાવવા પર ધ્યાન કેન્દ્રિત કરશે. સતત ઈજાના કારણે પરેશાન રહેનાર ઉસ્માન શિનવારી(Usman Shinwari) એ મંગળવારે 16 નવેમ્બરે નિવૃત્તિની જાહેરાત કરી હતી. 27 વર્ષીય ફાસ્ટ બોલર શિનવારીએ પાકિસ્તાન માટે માત્ર 1 ટેસ્ટ રમી હતી.

Web Stories View more

જાણો પરસેવો થવો તમારા સ્વાસ્થ્ય સારો છે કે ખરાબ !

આજનું રાશિફળ તારીખ : 24-04-2024

લગ્નન પત્રિકા પર ભગવાનનો ફોટો છાપવો જોઈએ કે નહીં? પ્રેમાનંદ મહારાજે જણાવ્યું

ડાયાબિટીસમાં ખાઈ શકો છો આ 8 મીઠી વસ્તુ, જુઓ લિસ્ટ

કથાકાર જયા કિશોરીને રસોઈ બનાવતા આવડે છે? જાતે આપ્યો જવાબ

700 કારીગરોએ બનાવ્યો હિરામંડીનો સૌથી મોટો સેટ , જુઓ ફોટો

Thanks to @sportsphysiojav ALHAMDULILLAH I have made my comeback again from back injury and now I am absolutely fit but due to my Doctors and physio advises I have to leave Long format to avoid such injuries in future and prolong my Cricket career.I am Resigning from Red ball pic.twitter.com/63gy4J7RKS

— Usman khan shinwari (@Usmanshinwari6) November 16, 2021

ડાબોડી ફાસ્ટ બોલર શિનવારી(Usman Shinwari)એ મંગળવારે તેના ટ્વિટર એકાઉન્ટ પર એક નિવેદન જાહેર કરીને નિવૃત્તિની જાહેરાત કરી હતી. પોતાના ટ્વિટમાં શિનવારીએ કહ્યું કે તે પોતાની ટેસ્ટ કારકિર્દી છોડવા તૈયાર છે. શિનવારીએ લખ્યું, “હું પીઠની ઈજામાંથી પાછો ફર્યો છું અને હવે સંપૂર્ણ રીતે ફિટ છું, પરંતુ મારા ડૉક્ટર અને ફિઝિયોની સલાહ પર, ભવિષ્યમાં આવી ઈજાથી બચવા અને મારી ક્રિકેટ કારકિર્દીને લંબાવવા માટે મારે લાંબા ફોર્મેટને છોડી દેવું પડશે. હું લાલ બોલની ક્રિકેટમાંથી નિવૃત્તિ લઈ રહ્યો છું.”

શિનવારીએ 2013માં જ પહેલીવાર પાકિસ્તાની ક્રિકેટમાં પોતાનું નામ બનાવ્યું હતું. ત્યારબાદ ડિપાર્ટમેન્ટલ T20 કપમાં, શિનવારીએ પાકિસ્તાની કેપ્ટન મિસ્બાહ-ઉલ-હકની આગેવાની હેઠળની SNGPL ટીમના બેટ્સમેનો પર તબાહી મચાવી હતી અને 3.1 ઓવરમાં માત્ર 9 રન અને 5 વિકેટ લીધી હતી. આ પછી જ તેને ટી20 ડેબ્યૂની જવાબદારી સોંપવામાં આવી હતી.

શિનવારીની કારકિર્દી આવી હતી

શિનવારીએ ડિસેમ્બર 2019માં રાવલપિંડીમાં શ્રીલંકા સામે ટેસ્ટ ડેબ્યૂ કર્યું હતું. જોકે, તેનું ડેબ્યૂ બહુ સફળ રહ્યું ન હતું અને તે 15 ઓવરની બોલિંગમાં માત્ર 1 વિકેટ જ લઈ શક્યો હતો. શિનવારીએ 2013માં 19 વર્ષની ઉંમરે પાકિસ્તાન માટે ટી20 ડેબ્યૂ કર્યું હતું. ત્યાર બાદ તેણે 16 T20 મેચમાં 13 વિકેટ ઝડપી છે. જો કે, 2017માં તેની ODI ડેબ્યૂ બાદથી આ ફોર્મેટમાં તેનું પ્રદર્શન સારું રહ્યું છે. તેણે માત્ર 17 વનડેમાં 34 વિકેટ ઝડપી છે.

આ પણ વાંચો : ઓસ્ટ્રેલિયાના 7 મેદાન પર રમાશે 45 મેચ, T20 World Cup 2022 નું શેડ્યૂલ જાહેર, જાણો કયા દિવસે થશે ફાઈનલ?