Women’s Hockey World Cup 2022: ભારતીય ટીમનો જાપાન સામે વિજય, આ સ્થાન સાથે ટૂર્નામેન્ટમાંથી લીધી વિદાય

ભારતીય મહિલા હોકી ટીમે (Indian Women Hockey Team) જાપાનને હરાવીને જીત સાથે FIH વર્લ્ડ કપનો અંત કર્યો હતો, પરંતુ ટીમે આ ટુર્નામેન્ટમાં જે પ્રકારની રમતની અપેક્ષા હતી તે દર્શાવી ન હતી.

Women’s Hockey World Cup 2022: ભારતીય ટીમનો જાપાન સામે વિજય, આ સ્થાન સાથે ટૂર્નામેન્ટમાંથી લીધી વિદાય
Indian Hockey Team એ 3-1 થી વિજય મેળવ્યો
TV9 GUJARATI

| Edited By: Avnish Goswami

Jul 14, 2022 | 9:32 AM

FIH વર્લ્ડ કપમાં ભારતીય મહિલા હોકી ટીમ (Indian Women Hockey Team) પાસેથી જે પ્રદર્શનની અપેક્ષા હતી તે તે પ્રકારની રમત દેખાડી શકી નથી. તેણે બુધવારે રમાયેલી મેચમાં જાપાનને 3-1 થી હરાવીને આ વર્લ્ડ કપમાં નવમા સ્થાને રહીને વર્લ્ડ કપ પુરો કર્યો હતો. ટોક્યો ઓલિમ્પિકની સફળતા બાદ ભારતીય ટીમ પાસેથી વર્લ્ડ કપમાં વધુ સારા પ્રદર્શનની આશા હતી, પરંતુ આ વખતે ટીમ ક્વાર્ટર ફાઇનલમાં પહોંચી શકી નથી. નવનીત કૌરે જાપાન સામેની મેચમાં ભારત માટે બે શાનદાર ગોલ કર્યા હતા. ડીપ ગ્રેસ એક્કા તરફથી એક ગોલ આવ્યો. નવનીતે 30મી અને 45મી મિનિટમાં જ્યારે ડીપ ગ્રેસ એક્કાએ 38મી મિનિટે ગોલ કર્યા હતા.

જાપાન તરફથી એકમાત્ર ગોલ યુ અસાઈએ 20મી મિનિટે કર્યો હતો. પ્રથમ ક્વાર્ટરની શરૂઆતની પાંચ મિનિટમાં બંને ટીમો બરાબરી બોલતી હતી પરંતુ ગોલ કરી શકી ન હતી. ભારતને વહેલી તકે લીડ લેવાની તક મળી હતી પરંતુ વંદના કટારિયાના શોટને જાપાની ગોલકીપર ઈકા નાકામુરાએ બચાવી લીધો હતો. પ્રથમ ક્વાર્ટરમાં ટીમોને સફળતા મળી ન હતી.

બીજા ક્વાર્ટરમાં ખાતું ખોલ્યુ

ભારતે બીજા ક્વાર્ટરમાં સારી શરૂઆત કરી હતી અને બે મિનિટમાં બે તકો બનાવી હતી પરંતુ ગોલ થઈ શક્યો નહોતો. જાપાને 20મી મિનિટે પેનલ્ટી કોર્નર પરથી અસાઈના ગોલના આધારે લીડ મેળવી હતી. ભારતે કાઉન્ટર એટેકમાં પેનલ્ટી કોર્નર પર ગોલ કર્યો હતો પરંતુ ગોલ થયો ન હતો. હાફ ટાઈમ પહેલા નવનીતે બરાબરીનો ગોલ કર્યો હતો.

ભારતે આક્રમક રમત દેખાડી

બીજા હાફમાં ભારતે ખૂબ જ આક્રમક શરૂઆત કરી અને છઠ્ઠા પેનલ્ટી કોર્નર પર ગોલ કર્યો પરંતુ ફરી એકવાર તક ગુમાવી દીધી. જો કે, એક્કાએ અન્ય પેનલ્ટી કોર્નરને કન્વર્ટ કરીને ભારતને લીડ અપાવી હતી. ત્રીજા ક્વાર્ટરમાં નવનીતે બીજો ગોલ કર્યો હતો. ચોથા ક્વાર્ટરમાં, જાપાને વાપસી કરવાનો ઘણો પ્રયાસ કર્યો પરંતુ સફળતા મળી ન હતી.

સ્પેને ક્વાર્ટર ફાઇનલમાં જવાનો રસ્તો રોક્યો હતો

ક્વાર્ટર ફાઇનલમાં જવા માટે ભારતને ક્રોસઓવર મેચમાં સ્પેનને હરાવવું જરૂરી હતું, પરંતુ સ્પેનની ટીમે ભારતને 1-0થી હરાવ્યું અને આ સાથે જ ભારત અંતિમ-8માં પહોંચવાની રેસમાંથી બહાર થઈ ગયું અને તેનું ટાઈટલ જીતવાનું સ્વપ્ન પણ રોળાઈ ગયું. વિખેરાઈ ગયું. ભારતીય ટીમે ટોક્યો ઓલિમ્પિકમાં શાનદાર રમત બતાવી હતી અને સેમી ફાઇનલમાં પ્રવેશ કર્યો હતો. બ્રોન્ઝ મેડલની મેચમાં તેણીનો પરાજય થયો હતો. ઓલિમ્પિક ગેમ્સમાં ભારતનું અત્યાર સુધીનું આ સર્વશ્રેષ્ઠ પ્રદર્શન હતું પરંતુ તે વર્લ્ડ કપમાં આ પ્રદર્શનનું પુનરાવર્તન કરી શકી નથી.

Latest News Updates

Follow us on

Related Stories

Most Read Stories

Click on your DTH Provider to Add TV9 Gujarati