U-17 Women’s National Football Championship : ટીમ ગુજરાતે આજની મેચમાં યજમાન આસામ સામે 2-1થી જીત મેળવી
આસામ જુનિયર અંડર-17 મહિલા રાષ્ટ્રીય ફૂટબોલ ચેમ્પિયનશિપ (U-17 Women's National Football Championship)નું આયોજન કરવામાં આવ્યુ છે, જેમાં ગુજરાતની ટીમે આજની મેચમાં યજમાન આસામ સામે 2-1થી જીત મેળવી છે.
U-17 Women’s National Football Championship : આસામ જુનિયર અંડર-17 મહિલા રાષ્ટ્રીય ફૂટબોલ ચેમ્પિયનશિપ (National Football Championship) 18 જૂનથી પાંચ સ્થળો પર આયોજન કરવામાં આવ્યુ છે, આજે સવારે ગુજરાતની મહિલા ફૂટબોલ (Gujarat women’s football)ટીમની ટક્કર આસામ સામે થઈ હતી. જેમાં ગુજરાતની ટીમે 2 1થી જીત મેળવી છે.માહિયા, તુલસી, જીલ, માયા, મુસ્કાન, દિયા,મિસ્બાબાનુ, સપના, જાનકી, શિલ્પા, દિપીકા, ખુશ્બુ, મમતા, રાજેશ્વરી, અંજલિ, સ્નેહા, દિયા દવે, યશ્વી, ડેનિશા, યનાકુમારી ખેલાડીઓએ ભાગ લીધો હતો
આજની મેચ દિમાકુચી સ્ટેડિયમમાં રમાઈ
આસિસ્ટન્ટ કોચ મોહમ્મદ રિઝવાન તેમજ ગુજરાત ફુટબોલ ટીમના હેડ કોચ તરીકે કલ્પના દાસ ટીમની આગેવાની કરી હતી, આજની મેચ દિમાકુચી સ્ટેડિયમમાં રમાઈ હતી.ટૂર્નામેન્ટમાં યજમાન આસામની ટીમ સહિત અંદાજે 34 ટીમો ભાગ લઈ રહી છે.આસામ ફૂટબોલ એસોસિએશન (AFA) આસામ સરકારના રમતગમત અને યુવા કલ્યાણ વિભાગના સહયોગથી ઓલ ઈન્ડિયા ફૂટબોલ ફેડરેશન (AIFF) દ્વારા આયોજિત ચેમ્પિયનશિપનું આયોજન કરવામાં આવ્યુ છે. ત્યારે આ ટૂર્નામેન્ટમાં ભાગ લેવા માટે ગુજરાતની ટીમની પહેલી મેચમાં હરિયાણા સામે હાર મળ્યા બાદ આજે આસામ સામે જીત મેળવી હતી
Team Gujarat wins against Host Assam in today’s match by 2-1. Goo Gujarat ⚽️ pic.twitter.com/3m8ulVW26n
— Gujarat State Football Association (@GujaratFootball) June 23, 2022
ગુજરાતની ટીમે આસામ સામે 2-1થી લીડ મેળવી હતી. ગુજરાતની ટીમના કોચ તરીકે કલ્પના દાસ અને આસામ ટીમના કોચ લુચન સૈકિયાએ પ્રતિનિધિત્વ કર્યું હતુ,પ્લેયર ઓફ ધ મેચ માયા રબારી રહી હતી. માયા રબારીએ આ ગેમમાં ગુજરાત તરફથી 1 ગોલ કર્યો હતો.માયાએ 4 મિનિટમાં ગોલ કરી ગુજરાતને 1-0ની લીડ અપાવી હતી. ત્યારબાદ ખુશ્બુએ સેકન્ડ હાફની 57 મિનિટમાં બીજો ગોલ કર્યો હતો
મોટી સંખ્યામાં લોકો ફુટબોલમાં રસ દાખવતા થયા
View this post on Instagram
ગુજરાતમાં ક્રિકેટ બાદ ફુટબોલની (Football) લોકપ્રિયતા વધી રહી છે. મોટી સંખ્યામાં લોકો ફુટબોલમાં રસ દાખવતા થયા છે અને કારકિર્દી તરીકે આ રમતને પસંદ કરી રહ્યા છે. જેને ધ્યાને રાખીને ગુજરાત ફુટબોલ એસોસિએશને (Gujarat Football Association) ઉભરતા ખેલાડીઓથી લઈને સીનિયર ખેલાડીઓ માટે થોડા દિવસ પહેલા ખાસ ટુર્નામેન્ટનું આયોજન કર્યું હતુ. ગુજરાત ફુટબોલના પ્રેસિડેન્ટ પરિમલ નથવાણીએ ક્લબ ચેમ્પિયનશીપ (Club Championship) ટુર્નામેન્ટના આયોજનની જાહેરાત કરી હતી. જોકે આ પહેલીવાર બન્યું છે કે ગુજરાત ફુટબોલે રાજ્યના ખેલાડીઓ માટે ક્લબ કક્ષાની ટુર્નામેન્ટનું આયોજન કર્યું હોય
ગુજરાતની મહિલા ફૂટબોલ ટીમને લગતી તમામ માહિતી જોવા માટે તમે Tv9 ગુજરાતી વેબસાઈટ, યુટ્યુબ ચેનલ, ઈન્સ્ટ્રાગ્રામ, ટ્વિટર પર જોઈ શકો છો.