Tokyo Paralympics: ભાવિના પટેલની ઐતિહાસીક ઉપલ્બધી, મેડલ નિશ્ચિત કરી ટેબલ ટેનિસ સેમિફાઈનલમાં પહોંચી
ટોક્યો પેરાલિમ્પિક (Tokyo Paralympic-2020) રમતોનું આયોજન ગયા વર્ષે થનારુ હતુ. પરંતુ કોરોનાને લઈને આ રમતોને એક વર્ષ માટે પાછળ કરી દેવામાં આવી હતી.
ટોક્યો પેરાલિમ્પિક -2020 (Tokyo Paralympic-2020)માં ભાગ લઈ રહેલી ભારતીય મહિલા ટેબલ ટેનિસ ખેલાડી ભાવિના પટેલે (Bhavina Patel) ઈતિહાસ રચ્યો છે. તેણે ક્લાસ-4ની ક્વાર્ટર ફાઈનલ જીતીને વિમેન્સ સિંગલ્સ કેટેગરીની સેમિફાઈનલમાં જગ્યા બનાવી છે. તેણે સાર્બિયાના રાકોવિચને 3-0થી હરાવી, આ મેચ જીતીને અંતિમ-4માં જગ્યા બનાવી. આ સાથે જ તેણે ભારત માટે ઓછામાં ઓછો બ્રોન્ઝ મેડલ નિશ્વિત કરી લીધો છે.
તે પેરાલિમ્પિક ગેમ્સમાં મેડલ જીતનારી ભારતની પ્રથમ ટેબલ ટેનિસ ખેલાડી બનશે. ભાવિનાએ આ મેચ 11-5, 11-6, 11-7થી જીતી હતી. સેમીફાઈનલમાં તેનો મુકાબલો ચીનના મિયાઓ ઝાંગ સામે થશે. મેચ જીત્યા બાદ ભાવિનાએ કહ્યું હું આખા દેશનો આભાર માનવા માંગુ છું. કારણ કે હું તેમના કારણે અહીં પહોંચી છું. આજે હું ક્વાર્ટર ફાઈનલ જીતીને આવી છું. આવતીકાલે મારી સેમીફાઈનલ છે. મારા પર આવો પ્રેમ બનાવી રાખો અને તમારો પ્રેમ મોકલતા રહો.
આજે સવારે ભાવિનાએ રાઉન્ડ ઓફ 16ની મેચ નંબર 20માં બ્રાઝિલના ઓલિવિરાને હરાવી હતી. ભાવિના પટેલે પણ આ મેચ 3-0થી જીતી હતી. ભાવિનાએ પ્રથમ ગેમ 12-10, બીજી ગેમ 13-11 અને ત્રીજી ગેમ 11-6થી જીતી હતી. આ જીત સાથે ભાવિના પટેલ દેશ માટે મેડલ જીતવાની એક કદમ નજીક આવી ગઈ છે. સારી વાત એ છે કે ટોક્યો પેરાલિમ્પિક્સમાં ભાવિનાનું ફોર્મ શાનદાર દેખાઈ રહ્યું છે અને તે એક પછી એક તેની મેચ જીતી રહી હોય તેવું લાગે છે.
A stellar match @BhavinaPatel6!! 🤩 Not only have you made history by becoming 1st #IND woman to reach @Paralympics #TableTennis semifinal, you did this at your maiden Games defeating an experienced #Paralympics medalist & World no. 2!! Keep this momentum going 🎉🤩 #Praise4Para https://t.co/YlFVxQhSSw
— Paralympic India 🇮🇳 #Cheer4India 🏅 #Praise4Para (@ParalympicIndia) August 27, 2021
રચ્યો ઈતિહાસ
ભારતની ભાવિના પટેલે ટેબલ ટેનિસમાં નવો ઈતિહાસ લખ્યો છે. વાસ્તવમાં આ પ્રથમ વખત છે જ્યારે ભારતની મહિલા પેડલર પેરાલિમ્પિક્સની ટેબલ ટેનિસમાં સેમિફાઈનલમાં પહોંચી છે. ભાવિના પટેલે ક્વાર્ટર ફાઈનલમાં પહોંચીને ઈતિહાસ રચ્યો હતો. બ્રાઝિલના પેડલરને હરાવતી વખતે તેણે આ પરાક્રમ કર્યું હતું. હવે તે એક ડગલું આગળ વધી ગઈ છે અને સેમીફાઈનલમાં પહોંચી ગઈ છે. જ્યાં અત્યાર સુધી કોઈ ભારતીય મહિલા ટેબલ ટેનિસ ખેલાડી આ રમતમાં અહી સુધી પહોંચી શકી નથી.
ક્વાર્ટર ફાઈનલ જીત્યા બાદ તેણે પોતાની જીત પર ખુશી વ્યક્ત કરી હતી. ભાવિનાએ કહ્યું કે તેણે તેના બ્રાઝીલીયન પ્રતિસ્પર્ધીને બોડી પર રમાડી હતી, જે તેની નબળાઈ હતી અને તેને તેનું જ પરિણામ વિજય સ્વરૂપે મળ્યું.
આમ રહી હતી સફર
ગ્રેટ બ્રિટનની મેગાન શેકલેટોનને 3-1થી ભાવિની એ હરાવી હતી. ભાવિનાએ તેની મેચ ગ્રેટ બ્રિટનના ખેલાડી સામે 11-7, 9-11, 17-15, 13-11થી જીતી લીધી હતી. જે જીત સાથે જ તેણે આગલા રાઉન્ડ એટલે કે રાઉન્ડ ઓફ 16 માટે ટિકિટ કપાવી લીધી હતી. આ મેચમાં ભાવિનાની સારી શરૂઆતને બીજા રાઉન્ડમાં ગ્રેટ બ્રિટનની પેડલર દ્વારા આકરી ટક્કર આપી હતી. પરંતુ ફરીથી ભાવિનાએ આગામી બે ગેમ્સને સારી રીતે નિયંત્રિત કરી અને તેની જીતની પાકી કરી લીધી હતી.