Sports: દુબઇમાં સાનિયા મિર્ઝાએ પતિ શોએબ મલિક અને પુત્ર સાથે મનાવી ઇદ, જુઓ તસ્વીરો
ભારતીય ટેનીસ સ્ટાર સાનિયા મિર્ઝા અને પાકિસ્તાનના સિનીયર ક્રિકેટર શોએબ મલિક એ દુબઇલમાં 'ઇદ ઉલ ફિતર' નો ઉત્સવ મનાવ્યો હતો.
ભારતીય ટેનીસ સ્ટાર સાનિયા મિર્ઝા (Sania Mirza) અને પાકિસ્તાનના સિનીયર ક્રિકેટર શોએબ મલિક (Shoaib Malik) એ દુબઇલમાં ‘ઇદ ઉલ ફિતર’ નો ઉત્સવ મનાવ્યો હતો. સાનિયા મિર્ઝાએ ઇન્સ્ટાગ્રામ પર પતિ શોએબ અને પુત્ર ઇઝહાન (Izhan Mirza) ની સાથેની તસ્વીર શેર કરી હતી. સાનિયા હાલના દિવસોમાં શોએબ સાથે દુબઇમાં પોતાના ઘરે છે. સાનિયા અને શોએબ એ ફેન્સને ઇદ ઉલ ફિતર (Eid-ul-Fitr) ની શુભેચ્છાઓ પાઠવી હતી.
સાનિયા આ દરમ્યાન લીલા રંગના સલવાર શુટમાં નજર આવી રહી છે. જ્યારે તેનો પુત્ર પણ તેની માતાના મેચીંગ કુર્તામાં નજર આવી રહ્યો છે. સાનિયા અને શોએબ એ 12 એપ્રિલ 2010 એ લગ્ન કર્યા હતા.
View this post on Instagram
30 ઓક્ટોબર 2018 માં સાનિયા મિર્ઝાએ એક પુત્રને જન્મ આપ્યો હતો. સાનિયા અને શોએબ એ પોતાના પુત્રનુ નામ ઇઝહાન મિર્ઝા મલિક રાખ્યુ હતું. સાનિયા પાછળના કેટલાક સમયથી ટેનિસ કોર્ટથી દુર છે. કેટલાક સમયથી તે દુબઇમાં જ છે અને તે પોતાની તસ્વીરોને પણ અવારનવાર શેર કરતી રહે છે. પુત્રના જન્મ બાદ સાનિયાનું વજન પણ વધી ગયું હતું. તેણે ફિટનેશન વર્ક કરીને ઉતાર્યું હતું. ત્યારબાદ તે કોર્ટ પર પણ જોવા મળી હતી.
View this post on Instagram
શોએબ મલિકની વાત કરવામા આવે તો તે પોતાની આખરી આંતરરાષ્ટ્રીય મેચ સપ્ટેમ્બર 2020માં રમ્યો હતો. ઇંગ્લેંડ સામે માન્ચેસ્ટરમાં T20 આંતરરાષ્ટ્રીય મેચ બાદ તે ટીમથી બહાર થઇ રહ્યો છે. શોએબ પાકિસ્તાન તરફથી 35 ટેસ્ટ મેચ અને 287 વન ડે મેચ રમ્યો છે. આ ઉપરાંત 116 T20 આંતરરાષ્ટ્રીય મેચ રમ્યો છે. શોએબ પાકિસ્તાન ક્રિકેટ ટીમની કેપ્ટનશીપ પણ નિભાવી ચુક્યો છે.